بينما ابريس وجد نفسه يقف في مقبره وهو ينظر حوله بتعجب ثم اخرج الكتاب ووجد ورقه الاحداثيات خرج أولا من المقبره ثم سار علي الطريق شرقا ثم شمالا كما كتب احمس له فجأه وجد سياره تتوقف امامه بسرعه كبيره فقد كان يسير دون انتباه
هبط منها شاب بسرعه وهي يصرخ بفزع / اسف اسف انت بخير انت........ ابريس
نظر ابريس له بتعجب وحاول ان يتذكره / انت جاسر ابن عم ميسره صحيح
نظر له جاسر بصدمه وهو لايفهم شئ
فتحدث ابريس ببسمه / آيوه هو إنت صحيح انت ابن عمها صح فين ميسره
نظر له جاسر وهو مازال لا يعي هذه الصدمه فهزه ابريس بشده / خذني لميسره ارجوك
معذره اقصد وديني لميسره لو سمحت
نظر له جاسر / انت حقيقي إزاي ازاي
ابريس ببسمه / هقولك كل حاجه
B
نظر ابريس امامه ببسمه كبيره وهو يتذكر انه في اليومين السابقين أقام في منزل صغير ابتاعه له جاسر ليبقي به حتي يحصل علي منزل له وتذكر أيضا انه اليوم ستصبح شمسه له وللابد.
استيقظت ميسره علي صراخ كريمه بجانب اذنها / ميسررررررررة
ميسره وهي تنتفض بصراخ / في إيه يلعن ابو معرفتك يا شيخه
كريمه وهي تجذبها / انتي نسيتي يا خرا انهارده هتعملي العرض مع جاسر
ميسره وهي تسير خلفها وهي تجذبها للحمام / آيوه بس ده المغرب يا زفته انتي
كريمه وهي تضع صابون علي وجهها / اقفلي عينك
اغمضت ميسره عينها فتحدثت كريمه وهي تغسل وجهها / آيوه يا ضناايا بس لازم تنضفي
ميسره وهي تنظر لها بسخريه وتتحدث وكريمه تفرش أسنانها / هو أنا معفنه يا جذمه آنتي
كريمه وهي تعطيها ماء لتمضمض به فمها / مقلناش معفنه بس لازم تبقي قمر واخيرا وآحده مننا هتبقي علي المجلات
فجأه سمع الجميع صوت الباب يفتح بعنف وصوت يقول / هي فين المعفنه اللي هنضفها دي
نظرت ميسره لكريمة بحاجب مرفوع ثم خرجت بسرعه وجدت نسرين ونيره وطمطم وللعجب دانه أيضا هنا وصاحبه الصوت والمفاجأه سمر زوجه عم دانه
اقتربت سمر لها ونظرت لها بدقه سمر ثم اخذت تدور حولها / هي دي اللي هتطلع في المسابقه
ضحكت دانه وهي تهز رأسهأ
سمر وهي تنظر لها من اعلي لاسفل / مش بطال
ثم نظرت للفتيات وصرخت بحده / هي فين السلطانه هيام كل ده بتطلع السلم
دخلت جميله بتذمر / فيه إيه كنت بجيب علبه الشغل من العربيه يا سمر
دخلت ساره وهي تغمز لهم / دمااااار يابا
سما وهي تدفع الجميع / اوعي يا حجه منك ليها كده
تعالي أبت ناري
جائت ناري وهي تضحك وتنظر لميسره / هنروشك
ميسره بتعجب / في إيه يا جماعه هو فرحي ولا إيه دي مسابقه عادي
جنه وهي تصرخ / إيه ده هي متعرفش ان... امممممممم
سمر وهي تكتم صوتها / معلش اصلها يا عيني هبله
ثم همست في اذنها / اخرسي يا زفته انتي هفرمك يا كلبه
ميسره وهي تنظر للجميع حيث أصبحت الغرفه ممتلئه حولها بفتيات عائله دانه وعائلة كريمه
كريمه بصراخ / طب يلا يا انسه يلا يا مدام علي الصالون تحت عشان يستوعب العدد ده انا طردت رجاله البيت كله علي الملحق
سمر وهي تنظر لميسره بدقه ثم قالت وهي تخرج / هاتوها
ثواني وشعرت ميسره بأحد يدفعها اخذت تضحك بشده عما يحدث حولها وجدت نفسها تجلس في الصالون والجميع حولها وينظرون لها بدقه
ساره وهي تمسك وجهها / مش بطال هعملها جلسه خفيفه كده
جميله بحماس / وانا بعد الجلسه هعملها ماسكات تركيه تحفه
سمر / حلو وانتي يا نور مش هتتبرعي بحاجه
نور ببسمه / هعملها الشعر ياباشا
سمر / اشطا جنه انتي طبعا عارفه
جنه وهي تغمز لها / اعتبري الاضافر اتظبطت
ساره وهي تنظر للفتيات / وانتم
ناري وهي تغمز لها / الميكب سيبه علينا بس مش هنعمله هنا هنعمله في الموقع ياباشا عشان متتبهدلش في الطريق
نور وهي تتحدث /توكلنا علي الله مش عايزه أوصيكم دي اول واحده في العيله تطلع التلفزيون ياشباب عايزاكم تطولوا رقبتنا انتم فاهمين
نظرت لها ميسره بدموع وبسمه ثم عانقتها بقوه / شكرا جدا ليكم كلكم بجد شكرا ليكم اول مره احس اني ليا عيله
نور وهي تضمها بحنان شديد / يا قلبي انتي اعتبريني مامتك يا حياتي ماشي
هزت ميسره رأسها وابتسمت علي حنان هذه السيده الجميله رغم سنها الكبير الا ان جمالها مازال مبهر جدا
دانه بصراخ / يلا يا شباب كله يشوف شغله
VOCÊ ESTÁ LENDO
لعنة الفراعنة (قيد التعديل )
Açãoتخيل أن تجد نفسك يومًا في مواجهة مع ما كنت تظنه سابقًا خيال، أن تكون في مواجهة مع ذاتك .... تخيل أن تقابل شخصًا وتشعر أنك تعرفه منذ قديم الأجل، تشعر أن هناك شيء في قلبك ينجذب له كما تنجذب الفراشة للنيران ... تخيل أن تكون تلك الرحلة التي اعتبرتها يوم...
الفصل السابع والعشرين(الخاتمه)
Começar do início
