_ 😂😂😂😂
_ أنت عشان متعود طبعا دا السبب الخلاني ما اخش طب
_ لازم تعالج خوفك دا
_ أظن أنا أخير من البخاف من ثعبان لعبة 😘
_ خلاص فكي يدي لو سمحتي 😒
_ أووووبس
خلصنا الفلم و ركبنا العربية
علياء : اليوم حلو بالجد
فصال : نسينا اهم حاجة
فارس : أوعى تقولي لي نسيتي شنطتك جوا
_ لا قصدي السلفي
طلعت الموبايل و بقيت أتصور معاهم الطريق كلو قاعدة أتصور شلت تلفون فارس و أخدت صورة معاهو طبعا هو رفع لي حاجبو بإستغراب
_ للذكرة 😉
نزلت كم صورة على حساب في الإنستغرام رجعنا البيت غيرت هدومي فتحت التلفون لقيت نور مرسلة لي : عايشة كيف وسط المزز ديل لسه ما جاتك جلطة
_ 😂😂😂 حأنجلط قريب
_ لكن يا فصال الولد الإسمو فارس دا ما هين أنا اكسرت فيهو عديل رسلي لي تذكرة للنمسا سريع 😭
قفلت و طوالي مشيت المكتبة شلت لي رواية و بديت أقرى فيها في كل لحظة رومانسية كنت بتزكر فارس و بتبسم براي 💕 كنت بتزكر حنيتو و جنونو و عصبيتو لما يتغاظ و بتزكر الموقف القبيل الفي السنما لحدي ما شفتو قدامي
فارس : خير مالك بتتبسمي براكي أوديك المصحة العقلية 😂
_ هااااا 😮
_ الكديسة أكلت لسانك و لاشنو طبعا كنت بتكلم مع أخوك حسام
_ ماشاء الله شايفكم بقيتو تتكلمو طوالي مع بعض
_ تقولي شنو بس حسام دا بقى فردتي بتقري في شنو ؟!
وريتو الكتاب بتاع الرواية
_ عجبتك 😊
_ شديييييد 💔
_ الرواية دي أنا الكاتبها
_ شنو 🐸
_ جد جد الروايه دي كتبتها قبل خمسة سنوات في دفتري و أبوي قراها بالصدفة فأصر على إنو ينشرها لي شوفي إسمي قاعد في الغلاف
قلبت الكتاب و فعلا كان اسمو قاعد : واااااي إنت مبدع مبدع 😍 عندك احساس مرهف
_ شكرا من ذوقك
_ ياخ أنا ما بجاملك هسى إنت لازم تعمل رواية تانية و بساعدك فيها كمان
_ حاضر
بقينا نقعد في المكتبة نقرا مع بعض فارس عندو ثقافة تبني بلد جد الزول دا كنز مدفون انا يادوب أكتشفتو و ممتع بشكل و المكتبة دي عملها هو بمجهودو بقينا لو كان في الشغل برسل ليهو أتونس معاهو بقى برص لي كل البحصل في يومو و بقى بوصلنا أنا و علياء الجامعة لو كان فاضي.
الجزء 08
Comincia dall'inizio
