مصطفى عفت كلشي على امي بس الشغلات الثكيله اني كملتهن الغرفه وهاي السوالف
تعبت من التفكير من اشوف فرحة امي اسكت ومن اكعد لوحدي وافكر اشوف مستحيل استمر موبس اظلم نفسي هاي الطفله خطيه هم تنظلم
اجلت موعد الزواج مرتين تحججت باجازاتي ودوامي وكمت اخترع شغلات وتعطيلات ..
مره نزلت .. فتت للبيت تفاجاة بوفاء واكفه بلمطبخ بدون حجاب وثوب ازرك قصير .. انتبهت من ورا عبالك زينه واكفه ..التفتت شافتني ظلت صافنه ..وبعدين ركضت لغرفة امي .
سمعت امي .تعال يوم صوفي فوت
السلام عليكم .. فتت شفت امي بالفراش
هاي شنووو يمه شبيج سئلت بلهفة
رجليه ماما والدكتور منعني من الحركه وفدوه لكلبها جنتي اجت يمي
مصطفى والبنات ليش ماجن سئلت باستهجان
يمه اجن بس خوما يعوفن بيوتهن ورجالهن شغلتي مطوله عاد وفاء كالت بيبي اني معطله وماعندي شي واجت حبيبيتي صارلها ٤ ايام يمي
اها ..اا ليش ماخابرتيني وكتيلي
ماردت اضوجك ادري بيك يظل بالك يمي وحتى لو اكلك شتكدر تسوي مؤيد ماقصر
كومي بيبي وفاء خلي اكل لخطيبج
مصطفى ..لا ماريد اغسل وانام يمه انتي زينه اكيد
اي يوم روح ارتاح
فتت لغرفتي مرتبه ومعطره امي تنظفها والبنات من يجن بس اليوم احس لمسة مختلفه فتحت كنتوري لكيتها مقسمه الملابس كلمن بجهة ابتسمت برضا اني طبيعتي احب الترتيب بس وقتي وتعب امي وضعها ميسمحلي اتشرط
غسلت وتمددت وغفيت
وفاء جيت يم بيبي لان تمرضت كالت ماكو احد اخذي راحتج جبت كتبي لان طلعت بدرس بالنهار انظف وارتب وبيبي تطبخ وهي كاعده اني انطيها المواد
وبالليل اجيب كتبي واكعد يمها اقرا
بيوم تريكنا بيبي سوت الغدا وراحت تتمدد غسلت المواعين . مشغلة اغاني بتلفوني
وشفته فات .الهيبه واللبس الرسمي بدلة العسكريه ظليت صافنه عليه فزيت رحت يم بيبي مستحيه ثوبي قصير وبدون حجاب صح عاقدين بس لهسه اخجل منه
راح نام تشاهدت . بيبي اروح للبيت
ليش بيبي
احسن . مو اجه مصطفى
واذا اجه الله وكيلج كلاص مي ميشرب نفسه
سكتت بس تمنيت اروح للبيت
بيبي ..كالت كومي كعدي يجي يتغده ويانه خطيه
ها ..اني
VOCÊ ESTÁ LENDO
يمامة خلف القضبان
Romance. نساق ..والاقدار من يسوقنا لا نملك خيار فيما نحن فيه ولا ماالنا اليه ولاماسيكون .. الاقدار اختارت ان اكون كطير اليمامه ولدت بقفص وقضيت حياتي انتقل من قفص لااخر .. كثيرون مرو بحياتي . التي امتلئت بالعبر .. والمطبات . التي...
ال٣١
Começar do início
