اسمي سناء عمري 14 سنة عندي اخواتين 2 و اخ واحد جنت اصغرهم اني بالعمر جان دائما اكو مشاكل ابيتنه وامي وابوية يتعاركون على اصغر سبب واخواتي اتزوجو من جان عمرهم 18 سنة و 19 سنة واخوية ابوية مدللة لانه الولد الوحيد الي بيناتنه كل سنة يشتريله موبايل والعاب فيديو وكلشي اما اني يكلي انتي بنت والبنت ميصير يكون عدها موبايل الى ان تتزوج وزوجها تشتريلها . ابوية دائما عصبي لان جان مسجون سياسي وانسجن لمدة 6 سنوات . ضجت كلش لان خلصت المدرسة وصار عطلة نهاية السنة وضجت لان اكثر مكان اخبي بيه نفسي هو المدرسة من المشاكل الي بالبيت جنت نايمة وكعدت الصبح الساعة 7:20 بس هالمرة جانت عركة بين امي وابوية فتحت الباب بخوف وباوعت من فتحة الباب لكيت امي وابوية يتضاربون ابوية يضربها وهي تضربه وتدخلو الجيران . امي شالت اغراضها واغراضي وتصلت بأخوها ( خالي مهند ) ورا ساعة وصل خالي لبيتنه وسلم على الجيران الي جانو بداخل بيتنه ومنتظرينه ياخذ اخته وكال للجيران لحد لا يدخل اليوم الا اذبحه لهذا المخنث وركض سريع باتجاه ابوية والجيران مسكوه وصارت هوسه والناس تكله انعل الشيطان واستهدي بالله . خالي مهند شال الاغراض وركبنه السيارة ورحنه لبيت جدي علما خالي مهند ما متزوج رحنه ورتبنه امورنه ابيت جدي لحد ما صارت المحاكم واتطلقو امي وابوية اما قضيتنه نحن اخوية اختار والدي حتى يعيش وياه واني ما كدرت اقرر لان عمري 14 سنة والقانون 2005 يكول ( يجب ان يكون عمر الطفل المختار 15 فما فوق لكي يختار ) انتهت المحكمة ببقائي ويا والدتي رجعنه لبيت جدي . جنت احب بيت جدي كلش لان جدي وجدتي يحبوني كلش وخالي يشاقة ويايه ويشتريلي اي شي ردته وحتى اشترالي موبايل متطور( كلاكسي) وعلمني اشلون افتح الفيسبوك وشلون احمل الالعاب وهواي اشياء وخالي جان دوم يبوسني و يحظني ويكلي احبج يا بنتي واني مرات اخجل كلش واكول ماما وامي تكلي ولج هذا خالج وهو ولي امرج هسه واني جنت استحي كلش وسكتت وخالي جان عمره 30 سنة ويشتغل بشركة طيران . وجنه دوم نلتم ايام الجمعة يجون بيت خوالي وخالاتي وطبعا بيت جدي جبير كلش جانو يكعدون يحجون ويضحكون وخالي مهند جان يكون يركص ويشاقة ويانه . امي كالتلي كومي سوي شربت كلت صار ماما رحت للمطبخ وفتحت باب الثلاجة ما لكيت اي شربت رجعت لامي وكتلها ماما ماكو اي شربت كالت لعد روحي فوك يمكن حاطيها ابثلاجة خالج كلت تمام واني رايحة لطابق الثاني شفت ابن خالتي محمد الى عمره 10 سنوات كاعد على الدرج ومن شافني كام يركض فوك ويدك باب غرفة خالي اتعجبت وما تعجبت صعدت فوك وفتحت باب الثلاجة وطلعت الشربت وباوعت لغرفة خالي الباب مسدود . واني دكيت الباب بقوة وصيحت على ابن خالتي محمد اطلع ولك من غرفة خالو مهند لا هسه يجي ويضربك وضليت اضرب لحد ما خالي فتح الباب ..... !!؟
