သူ့လိုငတုံးကို ပြန်လက်ခံပေးတဲ့အတွက် ၊ ဒီလောက်မကောင်းခဲ့မိတာတောင် သူ့အပေါ်ကို အပြစ်မမြင်ဘဲ ဆက်ချစ်နေပေးတဲ့အတွက် ။ ပြီးတော့ ထုတ်မပြောနိုင်တဲ့ အကြောင်းတရားပေါင်း ကုဋေကုဋာနဲ့ချီပြီးတော့ .. ။
Irene က Seulgi ဘက်ကို လှည့်ကြည့်ပြီးတော့ ပြုံးပြရင်း ပြန်ပြောတယ် ။
"ငါလည်း ကျေးဇူးတင်ပါတယ် "
"ဟင် ဘာလို့လဲ "
"ငါ့ဆီပြန်လာတဲ့အတွက် "
ဒီစကားကိုကြားရတော့ Seulgi ရင်ထဲမကောင်း။ မရည်ရွယ်ဘဲနဲ့ Irene ကို ဘယ်လောက်တောင် နာကျင်စေခဲ့ပြီးပြီလဲ ။
Seulgi က အမြဲတမ်း Irene ဆီအရောက်လာမှာ ။ ဒီစကြာဝဠာတင်မက တခြားအပြိုင်စကြာဝဠာတွေမှာရော Kang Seulgi တိုင်းက Bae Irene တိုင်းဆီကို အမြဲတန်း အရောက်လာနေမှာ ။
သတိလက်လွတ်စွာပဲ တာဝန်ရှိလူကြီးမမြင်အောင် ခိုးပြီးဆုပ်ကိုင်ထားတဲ့လက်ကို စားပွဲခုံအကွယ်ကနေ မျက်နှာရှေ့ထုတ်လာရင်း ပြောပြဖို့စကားလုံးတွေ ကျပျောက်သွားလောက်အောင် အားနာမိတဲ့ဒဏ်ကြောင့် နှုတ်ခမ်းနဲ့သာ ခပ်ဖွဖွနမ်းထားမိတယ် ။
"ငါနင့်ဆီမှာပဲ အမြဲတမ်းရှိနေမှာ Irene"
တစ်ယောက်ရဲ့မျက်လုံးကို တစ်ယောက်ကနားလည်ပြီး ထုတ်မပြောလည်း ကြားနိုင်တဲ့ စိတ်ရဲ့စကားတွေ ။ Irene က ခေါင်းငြိမ့်ပြတယ် ။
"ငါပြောချင်တာက မင်းတို့သွားလိုက်တော့"
စိတ်ကုန်သွားသလို လေသံမျိုးနဲ့ Seulgi တို့ကို ရုံးခန်းကနေ လွတ်မြောက်ခွင့်ပေးပြီးတဲ့ နောက်မှာ Irene လက်ကို အတွဲမဖြုတ်ဘဲ လျှောက်လာမိဆဲ ။
ရုံးခန်းနဲ့ လှမ်းလှမ်းနေရာကိုရောက်တော့ Seulgi ရပ်လိုက်တယ် ။
"ဖြစ်ခဲ့သမျှတွေအတွက် ငါတကယ် တောင်းပန်ပါတယ်"
တစ်ခါတစ်လေကျတော့လည်း Seulgi ဟာ Irene နဲ့မတန်ဘူးလို့တောင် ကိုယ့်ကိုယ်ကို တွေးမိတဲ့အထိပါပဲ ။ Irene က အရာအားလုံးထက် နှိုင်းယှဉ်မရနိုင်အောင် Seulgi အတွက် မတရား တန်ဖိုးကြီးလွန်းနေတယ် မဟုတ်လား ။
आप पढ़ रहे हैं
The Next Person
फैनफिक्शनBestfriend ထပ်ပိုတာ ? ဘယ်လိုမျိုးလဲ ? Mega Bestfriend လား ? Bestfriend ထပ္ပိုတာ ? ဘယ္လိုမ်ိဳးလဲ ? Mega Bestfriend လား ?
Twenty One
शुरू से प्रारंभ करें: