ابي جعلني عاهرة 💔🔞(مكتملة)( لهجة جزائرية )🇩🇿🇩🇿

1

كيما كامل ليامات  ندت عيانة فشلانة علابالي بلي راح يصرا واش موالف يصرا عدلت فراشي وغسلت وجهي ولبست قشي مالڨري معنديش
مرام: صباح الخير يما
فطيمة: صباح الخير حبوبتي ارواحي تفطري
ميرال:صبااح الخير أحلى أم فالدنيا وباستها وصباحو مروم
مرام: هههههه قتلك متزيديش تقولي مروم
ميرال: والله غير يهبل هههه غير نتي متعرفيلوش
مرام : ههههه اسكتي برك خلينا نروحو قبل مينود وجه الهم
جمال: واش وين راكم  رايحين
مرام تبدلت ملامحها من الدحك ولات تشنف
مرام: كيما راك تشوف رايحين نقروا
جمال: اليوم ندبحكم كي نتي كي هيا اخرجو وتشوفو
مرام: ايه صحا باي باي وخرجت تجري ومقدرش يحكمها
الجمال : بنت الكلب **** تجي ندبحك وخزر في ميرال اليوم جنازتكم وطاح يضرب في ميرال وهي غيرب تبكي بدا يسب وراح وخلاهم
فطيمة: يابنتي متبعيش ختك لوكان تبعيها يصرالك هاكا كل يوم هي متخافش مالضرب بصح نتي راكي صغيرة 
ميرال: ههه ندحك ولا نبكي  باش نتي تعاونينا راكي تزيدي علينا معليش خليني نوض
راحت ميرال وهي تبكي نقات روحها من الجروحات
لعشية كي جات مرام لداار شافت ختها تخلعت
مرام: واش دارلك ?
ميرال: كيما والف فرغ غشو فيا وديجا راهو حالف فيك علا الصباح.
مرام: معليش نسامي ختي.
- ودخل عليهم جمال سكران وطاح يدرب فمرام دڨدڨها ياخامجة يابنت الكلب زيدي عاودي أعفسي علا كلامي نوريلك
فطيمة جات تجري تنود في راجلها
مرام: ههه ايه يالدنيا يما باش توقف معايا راحت لراجلها معليش .
فطيمة: يابنتي وصيتكم ونتوما محبيتوش خودو رايو وعلاش راكم تعدبو فيا
ميرال جات تجري وتبكي قدام ختها وتنود فيها.
بقااو هكاك يعانيو كل يوم الدرب السب الإهانة مرام جابت البيام تاعها وطلعت للليسي بصح علابالها راح تعاني مع باباها كل يوم
غدوا منداك مرام نادت تحوس على يماها
ميرال: واش بيك عللاش راكي تعيطي خليني نرقد (غطات وجها بالمخدة باش تكمل رقادها)
مرام : اليوم محوستش عليناا علابيها راني نعيط دوك نروح نشوفها 🙂
خرجت مرام للكوزينة ملقاتهاش وامبعد زادت راحت للصالون كيفكيف ملقاتهاش دخلت لبيتها صابتها راقدة كي الملاك
مرام : يما غير الخير مطيبتيلنااش القهوة اليوم نودي( بقات تنود فيها وهي متتحركش ڨاع)💔
__________________________________
بعد مرور أسبوع:

فات اسبوع اما مزال منسيتش منسيتش هذاك اليوم المشؤوم لي راحلي فيه السند تاعي من الدنيا فقدت اغلى شي على قلب كل واحد لي هي امي 😢💔
اما الدنيا هذي مترحم حتا واحد  خاصة لكنت فقير قادر في لحظة تخسر كلش 
  ندت الصباح  غسلت وجهي لبست حوايجي مالڨري قدم بصح شابة ربي عطاني العينين الخضورة ليسحرو أي شخص بالأحرى هاكا كانت تقولي يما كانت عندي طااي حوتة وشعر ذهبي طويل كنت عاشية في دار صغيرة بالنسبة للناس أما بالنسبة ليا أنا وختي  كانت قصر... إيه أنا  هي مرام  كان عمري في وقتها 15سنة وختي ميرال كان في عمرها  13كانو عينيها يشبهو بزاف لعينيا أما شعرها كان أسود توت كانت أية فالجمال وبابا  السكراان  جامي كان فاطن كان ميخليناش نقراو وايدا بعتنا نقرااو كان يدربنا ختي كانت تخاف من الضرب تاعو اما انا كنت نحب نقرا وحتى لتضربت عادي.....