بطلة القصة هي ريهام في عمرها23سنة ...عايشة مع والديها " عبد الحفيظ...و مليكة "... عندها خوها واحد ...اسمو "وحيد" و هو الكبير في عمرو 29 سنة ..عايش في فرنسااا بون قرا لتم طب و نجح ألوغ استقر ... يجي في لعيودات و مناسبات...
بابها موظف عادي في شركة سونالغاز...عمي عبد الحفيظ ..كأي راجل جزائري مقلق و جاي جابد روحو على ولادو مالغري عندو زوج برك و دوك بقاتلو غير ريهام مور ما سافر وحيد هكاك و باني حدود لروحو في تعملاتو معاهم جامي حرمهم حاجة بصح جامي قرب منهم و فهمهم...أما يماها بزاف مقلقة و موسوسة ... تحسب لكل حاجة ألف حساب مي تحب بنتها و خاصة وحيد لي في الغربة بلا هذاك الشي الامهات الجزائريات يقدسو ولادهم (استغفر الله)...
..نرجعو للبطلة تاعنااا قلنا في عمرها 23سنة تقراا اونجلي حلمها تولي كاتبة معروفة ... على هذيك على العاام و هي غالقة على روحها و تكتب في روياات تاعها .. عندها حبيبتها وحدة .. رانيا قرات معاها جوزو لحلوة و لمرّة كيف كيف ....
*************
لحقت 9:00 تاع صباح و لالة ريهام مزالها في سابع نومة ... مليكة كي عادتها في كوزينة و راجلهاا عندو ساعة ملي راح الخدمة .. ألوغ جات الفرصة باه دخل جارتها و حبيبتها حسيبة أكثر مرااا حيلية و دخل روحها في أمور لي خاطينها مي ناس ملاح يلقاوها في وقت الشدة...
مليكة:' طفلة هذيك حاتهبلني ملي جابت لاليسانس تاعها و هي ماكلة و رقااد ...قوليلي واش نديرلهااا..
حسيبة:" مزالها ماشي ناوية تخدم ...
مليكة:" مزالهاا تتخايل كيما بكري ...قاتلك تولي كاتبة و تخرجنا من الغرقة و هي لفراش ما خرجتش منو ...
حسيبة:" هههههههه واش نقولك يا ختي ... بقالك حل واحد ...
مليكة :" لي هو ؟!
حسيبة:" زوجيها !
مليكة :" يا ختي شكون يقبل بهااا ديجا قليل لي يعرف بلي عدنااا طفلة ...و حتى هي ما هيش قابلة تتزوج ... و علبالك عبد حفيظ مستحيل يكسر راسو مع أمور زواج هو راه قيس قيس
حسيبة:" ما فهمتنيش ... اخلعيهاا و هديها اذا ما بداتش الخدمة و دير الحيل لروحها تزوجيها ...
حسيبة دارت الخطة لي زعما بها ريهام تشطاار و تخدم و قنعت مليكة جربهاا ..قتلكم حيلية ....
غير خرجت حسيبة من عندها ... راحت تنوض ريهام لي مزالهاا تحلم... نحتلها لغطى .. ريهام قفزت...و حلت عين واحدة تحوس تفهم واش صر!!
ريهام:" واش كاين !!!!!!
مليكة :" خمرتي من رقااااد ..
ريهام:" حرام عليك يماااا خليني نزيد شوية ...
مليكة:" نوضي ..يالله شوفي شغلك ...
شدت رها٢م شعرها ...و بدات ترجع في لغطى..
ريهام:" يما لعزيزة ... شغل دار علياا ما تتقلقيش ... خليني نزيد 10 دقايق برك...
مليكة:" ماكاش واش تزيدي ...قتلك نوضي...
BẠN ĐANG ĐỌC
حياتي معه
Hài hướcجنونها و تهورها يوقعها في مشاكل و مواقف لا يحسد عليها أحد ...هذه حال بطلتنا ريهام لي طبق قبل ما تخمم... قصة حب باللهجة الجزائرية... تجمع بين فتاة تعشق الكتابة و كاتب سريع الغضب و الانفعال.. ❤🌺
