امل العاشقين

البارت الاول

امل العاشقين
بقلمي(وردة الجوري)

مرحبا اسمي مريم وعمري 34 سنه اني معلمه عليشه ويه امي وابويه احنا 4 بنات ما عدنا اخ اني الكبيره وحالتنا الماديه كلش زينه ابويه يشتغل باللعقارات بيتنا طابقين كلش جبير اكو 3 غرف نوم بالطابق الثاني بس اني وخواتي جنه ننام بغرفه وحده وامي ابويه عدهم غرفه جوه
خلي ارجع احجيلكم قصتي ابتدت من جان عمري 14 سنه جنت اروح عالمدرسه قريبه على بيتنا اني وخواتي مهى وهديل جنه نروح سوه واختي حنين عمرها 5 سنوات
امي... مريم مريم كومي ولج كومي الساعه 7:20 كومي بدلي واتريكي
مريم...اي ماما كمت بس 5 دقايق انام
امي... ولج كومي خواتج عيتريكون كومي
مريم... اي اي ياربي اشوكت اخلص من المدرسه
امي... عابتلج اشون هيجي تكولين ولج اهم شي الشهاده
مريم... اي يوم هسه كمت
مريم ...كمت رحت عالحمام غسلت وجهي وطلعت بدلت ونزلت جوه شفت خواتي يتريكون وابويه ماكو
مريم...صباح الخير
امي وخواتي...صباح نور
مريم... وين بابا ليش ما موجود
امي... طلع من وكت عندو شغل
مريم... ها زين ماما البارحه بنات كلولي اكو مدرس فيزيا راح يسلون عندو دوره علمود الوزاري اسجل وياهم لو لا لان اني ضعيفه بالفيزيا
امي... اكيد بنتي سجلي واش تحتاجين كولي
مريم... شكرا ماما يلا بنات خلصو دنطلع
مهى وهديل... اي خلصنا
طلعنا من البيت عبرنا الشارع شفت شاب واكف يم سياره تكسي وصلنا يمو وكفنا
.....اوكفو بنات
مريم... ليش نوكف انت منو علمود نوكف يمك
.... ولج مريم ما عرفتيني اني ابراهيم ابن خالكم محمد
مريم... هاا لاوالله ما عرفتك اشونك واشون خالي
ابراهيم... الحمدالله كلنا زينين اشونكم بنات
مهى وهديل... الحمد الله
مريم... يلا روح مع السلامه لازم نروح عالمدرسه واخاف ابويه يشوفك واكف يما
ابراهيم...اني ما اخاف منو عادي واذا ما مسوي شي عيب لو حرام
مريم...اي اعرف مو عيب بس ابويه ما يقبل يلا باي
ابراهيم... باي

رحنا عالمدرسه وكلت البنات اني وياكم اسجل عالدوره فيزيا خلص المدرسه رجعنا ما كلنا لاي احد انو شفنا ابن خالي لان اعرف ابويه يعصب بس ما نعرف ليش يعصب منهم حتى من امي تروح عند اخوانها ابويه يضوج بس ما يحجي شي لان مو من حقو يمنع امي من بيت اخوانها
بس ما يقبل امي تاخذنا وياها اخر مره رحت على بيت خوالي جان عمري 7 سنوات ولهسه ما رايحه
ما اعرف السبب شنو
من رجعنا عالبيت اتغدينا وطلعنا فوك نمت ورا 3 ساعات اختي كومتني كالت امي تكول خل تكعد علمود تدرس
كمت بدلت جدولي وكمت احضر دروسي بقالي بس رياضيات كلت ورا العشا ادرس رياضيات
نزلت كعدت ويه اهلي علما صار العشا اتعشينا
وراها بربع ساعه اجا بابا كمنا سلمنا عليه

بابا... ها بناتي اشونكم واشون المدرسه ديرو بالكم على دراستكم
مريم... اني زينه بس المدرسه ما زينه ما احب المدرسه
بابا... ليش بابا هيجي تكولين شهادتج هي سلاحج اهم شي تاخذين الشهاده صح احنا مرتاحين ومو ناقصنا شي بس يا بنتي انتي ما تعرفين بالمستقبل اش راح يصير
مريم... بس بابا ما احب المدرسه شسوي
بابا... بنتي لاتكولين هيجي من تكبرين راح تعرفين الشهادة اهم شي
مريم... اي بابا يلا تصبحون على خير
بابا وماما ... وانتي بخير
بابا وانتوو بنات اشونكم بالمدرسه

مريم اني كمت وسمعت ابويه يحجي وبه خواتي طلعت درست رياضيات ورحت عالتخت مالتي تختي يم شباك لان احب اكون يم الشباك
كعدت شويه ادحك من شباك بعدين اتمددت ونمت

يتبع
بنات هاي البارت الاول اتمنى تعجبكم القصه واقعيه وما اكدر اكول بيا محافضه لان اصحاب القصه ما يقبلون
اذا تريدون اكمل القصه علقولي