صدمة حياتي

الحلقة السادسة

اني: عطلت عليك

عبدو: لالا عادي

~

~

هدايه: انتي كيف اديري هكي

امل: كيف يعني

هداية: بلا عباطه اني نعرف وانتي تعرفي كل شيء

امل: انتي شن تبي

هدايه: بعدي علي عبدو

امل: هه خوك يموت فيا ومايقدرش يعيش من غيري

هدايه: وعندك عادي تخوني اختك

امل: انتي ماليكش علاقة

هدايه مع ضحكه: وكان حكيت لي شيماء 😌

امل خبطت يدها ع الطاولة : شيماء هيا بنروحو

عبدو تلفتلها وفنص في هداية

اني:😳 امل خيرك

امل: خلاص تغدينا وبعدين الوقت تأخر

رتاج: مزال بكري خيرك

امل: اني بنروح انتم بتقعدو اقعدو 😠

اني: باهي خلاص الناس تشبحلك هيا نوضو

مها كانت مركزة علاها وعلي هدايه وعارفة سبب تعفلق امل هو هدايه ... بس شن هو الموضوع ؟

عبدو: شن قلتيلها 😠

هدايه: ماقلتلها شيء 😒

عبدو: تو نتفاهمو في الحوش

هدايه: والنبي فكني😒

اني: عويناتي احني خلاص بنروحو

عبدو: تم ياعمري ديري بالك وانتي تسوقي

اني: انشاءلله

عبدو شبح لي أمل .. هي نزلت عيونها ومشت ✨

ردينه: مها وين سارحه

مها: لالا شيء هيا

سلمى: هيا

طلعنا ركبنا في السيارة ومشينا

ردينه: تي وووك ضيق 😣

مها: اسكتي امالا اني قريب نطلع من السيارة😂

رتاج: وراس امكم شوفو الطرف الي جنبنا

سلمى: تي الولد حاير كيف خشينا في السيارة كلنا 😂

اني: غير انشاءلله ماتوقفش بينا في نص الطريق بس 😂

رتاج: كملت بعدين

مها: امل وينك مش معانا

امل: لالا شيء غير راسي مصدع شوي

اني: من امس مش علي بعضك اكيدة بردة

امل: اكيدة ايه

وصلنا للحوش .. ركبت سلمى ورتاج .. خشو مها وردينه لي دارهم .. وخشت امل للدار واني قعمزت جنب ماما ✨