ناهد،،،من تركتك ماشفت طعم الراحة صدكني
محمد،،،تزوجتي فهد مو ؟؟
ناهد،،،همست اي
محمد،،،الي جنتي تسولفيلي عنة شكد دلوع ويتفيك وماعندة شخصية وشكد جنتي عالساس تكرهي
ناهد،،،محمد والله حجيك يعذبني ويزيد همي هم
محمد ،،،شنو مامرتاحة ويا
ناهد،،،لا ابد عايشة بتعاسة
محمد،،،،اممم الله يعينج امممم ناهد مع السلامة اجاني اتصال ماشي
ناهد،،،اوك الله وياك اوووف اكيد هاي مرتة شلون سدة عبالك منتظرها ع نار شنو لكت بيها يامحمد وليش هالكد امبين تحبها بجيت الى ان نمت
ميار الشمري
وللقصة بقية ،،،،،
الجزء الثامن
محمد،،،،بدأت تتصل ناهد كل فترة وفترة والمصيبة جانت تتصل بأتعس اوقاتي الي اكون بيها ضايج وملل وحدي بالبيت يااما بالليل يااما العصر
ناهد،،،حسيت نفسي رجعت مراهقة وماافكر الي دأسوي صح او غلط جنت احجيلة كل البكلبي واحسة يحب يسمعني جان بالبداية جاف بكلامة وياية بعدين شوي شوي حسيتة هو الي يريد يحاجيني بس جنت كل مااجيب سيرة زوجتة او اسألة جان يعصب ويكولي زوجتي خط احمر مااحبج ابدا تسأليني عنها ولا احب احجي عن علاقتي بيها
ناهد،،،جنت احس نفسي اغار منها ومحمد ملكي قبل ليكون ملكها والغيرة تاكل بية احب اعرف عن حياتهم وعلاقتهم شلونها بس ماجان ينطيني اي مجال جنت بس اني احجيلة عن حياتي
محمد ،،،جانت ماخذة راحتها بالحجي من تتصل استغربت عليها وسألتها وين زوجج شو كلش ماخذة راحتج
ناهد،،،والله يامحمد بالدوام مو كتلك من بعد المشاكل الي صارت مع اهلة شوي وضعنة المادي مو كلش فقدم على الشرطة وصار يداوم 10 ايام ويجي 10 ايام
محمد،،،،امممم بس والله صعبة هيج الله يعينكم
ناهد،،،هو مو فارقة وياه اصلا هو يحب الدوام اكثر من البيت بس كول الله يعيني اني
محمد،،،،ناهد احتمال انتي مكرهتة حياتة ولا اكو رجال يحب التعب والسهر والمخاطرة على بيتة وراحتة
ناهد،،،بالعكس محمد اني كلش مداريتة ومدللتة بس هو بارد مااعرف شلون اوصلك الفكرة
محمد ،،،صفنت هاي امبين دخلت بالثكيل وانطلقت ناهد بالسوالف جنت بس اسمع بالبداية
ناهد،،،محمد اني محتاجة حنان عاطفة يمكن ماكدرت اندمج مع فهد لاني صاحبة تجربة لان مريت وياك بتجربة كلش حلوة حنيتك ودلالك ورومانسيتك اني حتى من جنت انام ويا اتخيلك لاني بس وياك احس بنفسي انثى
محمد ،،،ناهد عيب هالحجي اثنينة متزوجين وهذا الشي غلط وحرام بكل الشرائع والاديان اذا انتي عندج مشاكل حليها بعيد عني مامستعد اخرب حياتي وسديتة بس حجيها حسيتة اثر بية وحرك شي بداخلي بس حمدت ربي وشكرتة اني كدرت اصدها ومااضعف حسيت نفسي محتاج لشهد بدلت وركبت سيارتي وطلعت جانت كل شوي دزلي مسج اعتذار وسامحني ومكدرت الزم نفسي وهاي هية راح امسح رقمك وبعد مااتصل ابد
محمد،،،شهودة شونج خوما يوجعج شي
شهد ،،،اووووه يامحمد احس شايلة جبل متضايحة وبزعت من الفراش ولا مرتاحة لا بنومتي ولا بكعدتي ولا بكلشي وكامت تبجي حضنتها وكتلها تهون حبي ان شاء الله ماظل شي وتولدين ودكومين بالسلامة جانت نفسيتها تعبانة كلش وعصبية صايرة وحالتها حالة ظليت الى ان هدأت وارتاحت ورجعت كلت شهد بحاجتي طلعت اكثر مو اني بحاجتها ظليت افتر بالبيت مقهور على شهد ووضعيتها وضايج
ومالل لان جانت كل يومية بهيج وكت تتصل ناهد وتظل تكرك الوكت يخلص وياها بسرعة وظلت سوالفها عني بالي وصدك اثرت بية جانت شهد قليل تسولف معاية امور جنسية او تظل تتغزل بية
ضعفت وانجرفت وماحسيت ع نفسي الا متصل بناهد
ناهد،،،من شفت رقمة شهكت وفرحت كلش لان اتصل بية رفعتة وخليت نفسي زعلانة
محمد،،،جنت ضايج ومضغوط اني اسف لان صرخت عليج
ناهد،،،لا ماصار شي عادي معذور الله يعينك بس محجيتلي شنو بيك ياريت تحجيلي وتفتح كلبك والله ترتاح صدكني
محمد،،،اني ماعندي مشاكل الحمدلله حياتي هادئة وطبيعية بس ،،،،
ناهد،،،،بس شنو احجي محمد لتتردد حسيت راح يكولي اكو مشاكل بينة وبين زوجتة او راح ينفصلون لان حسيت صار فترة هو وحدة بالبيت
محمد،،،مقهور ع شهودة وضعها شوي حرج
ناهد،،،منو شهودة زوجتك
محمد ،،،،اي حامل بشهر السابع والطفل نازل ولازم تظل متمددة على ظهرها وشوي نفسيتها تعبت
ناهد،،،،ها ان شاء الله دكوم بالسلامة
محمد ،،،ان شاء الله يارب
ناهد،،،جنت راح ابجي وهو ديحجي عنها احس الغيرة موتتني شأسوي ويرجعلي
وللقصة بقية،،،،،
CITEȘTI
بين نارين
ChickLitمنقوله للكاتبه ميار الشمري قصة عن المشاكل الزوجية والتعامل مع الزوج الخائن او العشيقة المتطفلة على الحياة الزوجية
جزء 7+8
Începe de la început
