ادك عالروح محد يفتح الباب
نهار الليل وتخيل ظلامي
لا ميصير لا والناس لاعيب
هذن كلهن عطش ذبحن غرامي
خذت دور الفقير وكيفت بيه
شجاني وماخذت دور الحرامي
.............
بقينا على الجبل رمّاية سهام
ونزلت غيرنا تلم الغنايم
نصبر عالعطش ما نحفر البير
بس نحفر متر تطلع جماجم
من الكاروك غير يمر بالاعراس ؟
بوجهة يروح لآحضان المأتم
...........
اشكي ليا ذمم تنهي المعاناة
احلّف يا بخت ينهي الرزايا
شبعنة من الخطب ومن الهتافات
شكثر كاع الوطن شبعت شظايا
عدنة جروح متكبعة بعبايات
ما عدنة اليسموهن صبايا
