ترف... هلا بيك عمو
انتبهت للحديث الي يدور بين عمة أمل وعلي جانو يتفقون عن عرسة او يشوفون يوم مناسب عضيت على شفتي بحيرة ما اعرف شنو اكول ومنين ابدي الموضوع
أجلتة البعدين ودرت على عمو
ترف.. عمو اريد تلفون
ابتسم واردف
باسل... صار عمو كولي النوع التردينة ومن هاي العين كبل هاي العين
حجاها ويأشر على عيونة
ترف.. سالمة عيونك عمو بس ترا الفلوس مني
باسل.. لا بابا مو حجي هذا عيب عليج شنو وين كاعدين ليش ماحاسبة نفسج بنتي اكو واحد ياخذ فلوس من بنتة؟
ترف.. مو هيج عمو بس اريد من فلوسي لا تضغط علية اكثر
حجيتها وخليت الفلوس يمة وكمت اتعديت من يم علي وسمعتة همس بكلمات ماكدرت افرزهن شنو اتجاهلتة
وطكيت بالعلج وفرشت شعري على كتافاتي ودخلت للغرفة شغلت التلفزيون على صوت قرآن مجرد ماشغلتة احس اختنكت اكثر وبطني وجعتني
طفيتة وضليت اتلوى من الالم كوة جريت نفسي للعلاج واخذت مسكن حبايتين سوة ونمت
كعدت على صوت دكت الباب وعمة تستعجلني على العشة بعدت البطانية وكمت من مكاني غسلت ورحت يمهم كعدت اتعشيت و احنا على العشة صدمنة عمو بقرارة
باسل... قررت نرجع البيتنه ونستقر بيه كافي جرجرة من شقة الشقة و هم ماتكفينة الشقة اذا اجانة احد نحتار وين يخمد أحسن شي نرجع نكعد بيه وماطول علي على باب زواج نحتاج مساحة بالبيت
كلها ايدت عمو وخاصتاً عمة فرحانة رفعت راسي العمو شفتة يباوع الي
باسل.. وانتِ بابا شنو رأيج؟
ترف... براحتك عمو ماعندي مشكلة بس نقلو مدرستي
باسل.. ماطول الكل قابل من باجر ابدو لمو غراضكم
علي... واحنا مثل البزازين يومية بمكان
باسل... جانت روح موجودة و نتقل هسة روح وينها محد يعرف بيها
باوعت الهم وانا عاقدة حواجبي حسيتهم ارتاحو من روح وهسة يردون يستقرون
ترف.. وليش تحسسوني روح جانت كاعدة على قلبكم
صاح علي
علي ...ترففففف
سكتة عمو واني كمت من يمهم ورحت الغرفتي دخلت وسديت الباب اجتي عيني على كتبي غصة بقلبي اريد ادرس بس ما اكدر شي يمنعني حتة من ادرس ما اكدر احفظ شي عكس من داومت بالمعهد اني من الاوائل بلعت ريكي ونزلت دمعتي اكو شي جاي يصير غلطط بسس ما اعرفة
كرهت كلشي فجأة وصارت عندي رغبة اعصي الله شلون موو هيج اني موهيجج حتة الصلاة قاطعتها كل ما اريد اصلي شي يمنعني
YOU ARE READING
ثعلب الحبتر
Mystery / Thrillerإمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
part ••17••
Start from the beginning
