မိန်
🌼pann
Part (6)
လျန်းလျန်းအဆောင်ကိုထွက်ခဲ့ရင်းကနေ ဆိုင်မှာပဲစောင့်နေပေးဖို့ ဖုန်းနဲ့လှမ်းပြောတော့ အနီးနားက မာလာရှမ်းကောဆိုင်မှာပဲ ကျွန်တော်ဝင်ထိုင်ပြီးစောင့်နေလိုက်သည်..။
နှစ်ယောက်သား ရေပဲမှာပြီး ရေသောက်ကာစောင့်နေရသည်..။
ဆယ်မိနစ်ထိုင်တဲ့ထိ ပေါ်မလာကြသေးတော့..
" ရဲရင့်..မင်းဟာက ဟုတ်ရောဟုတ်ရဲ့လား..သက်သက်မဲ့ငါတို့ကို ကြပ်နေတာလား"
ပြောမရဘူး..။
သူ့ကိုသက်သက်လာနှောက်ကြတဲ့ အစ်ကိုတွေဆိုပြီး ပါးပါးလေး lesson ပေးနေရင်ပေးနေမှာ..။
" မဟုတ်ပါဘူးကွာ မင်းကလည်း..စောနကလည်းမင်းကြားတာပဲ မဟုတ်ဘူးလား..လာမယ် စောင့်နေပါတဲ့.. "
" ခုထိမရောက်လာသေးလို့ ပြောနေတာပေါ့.. "
" ခုမှစထိုင်တုန်းပဲ ရှိသေးတာကို မင်းကလည်း..အေးဆေးပေါ့ "
" ဟွင့်..ခုမှစထိုင်တုန်းလုပ်နေ..ခဏနေကျမှ ပလေးခံရလို့ အခွက်တစ်မျိုးပြောင်းကြည့် "
" ပလေးခံစရာ ရုပ်ခံလား..တစ်ချက်ရှိုးကြည့်အုံး"
" ပါးစပ်က မဟုတ်တာကစပြောပြီ..မိန်းကလေးပဲကွာ နည်းနည်းတော့ကြာမှာပေါ့ "
" အေးပါ.. ခုမှတော့ စောင့်နေရုံပဲရှိတော့တာပေါ့"
ပလေးခံရတယ်ဆိုလည်း အဆုံးထိဆက်ပလေးခံပေးရအုံးမှာက ကျွန်တော်တို့လို ယောကျ်ားသားတွေကိုး..။
မိန်းမသားတွေကို တွန်းလှန်နိုင်ဖို့ခွန်အားမှမရှိ..။
စောင့်နေရင်းနဲ့ ရေနောက်တစ်ခွက်မော့သောက်လိုက်သည်..။
အဆောင်ပြန်ရောက်ရင်တော့ အပေါ့ခဏခဏသွားနိုင်ခြေရှိလည်း မတတ်နိုင်တော့..။
" လာပြီ..လာပြီ ဟိုမှာ "
ရဲရင့်က ကျွန်တော့်ပခုံးကိုပုတ်ပြီးပြောလို့ ပါးစပ်ထဲရေငုံထားရင်း ခေါင်းလှည့်ကာလှည့်ကြည့်မိသည်..။
CZYTASZ
မိန် ( Unicode)
Romansကျွန်တော့်ဒိုင်ယာရီစာအုပ်လေးရဲ့ စစပိုင်းစာရွက်ဖြူဖြူလေးမှာ ခေါင်းစဥ်တပ်ရေးချလိုက်တာက မိန် တဲ့..။ ဗမာလို ခေါ်ရင်တော့ မိန် ပေါ့ဗျာ..။ တရုတ်လို မိန် ဆိုတဲ့အဓိပ္ပါယ်က လှပတာကို ကိုယ်စားပြုတယ်..။ ကျွန်တော့်ရဲ့လှပတဲ့အရာလေးတွေကို စုထားတဲ့ ဒိုင်ယာရီစာအုပ်လေး...
