“ဖောင်း!!!အုန်း!!!!”
ဟူသော ပေါက်ကွဲသံကြီးသည် ရာဇာကုဋေနန်းဆောင်နားမှ အဆောင်ဘက်မှ ထွက်ပေါ်လာသည်။
ဒဝီဦးခိုက် အမြန်လက်ဆွဲတော်ဓားကိုဆွဲကိုင်၍ အပြင်သို့ထွက်သွားလိုက်သည်။
ပရောဟိတ်အမတ်ကြီးသည်လည်း ဦးခိုက်နောက်မှ လိုက်လာရင်း အပြင်ရောက်ခိုက် ပတ်ပတ်လည်တွင် ဝိုင်းထားသော အမတ်ကြီး၏လူတစ်ချို့ကိုတွေ့လိုက်ရသည်။
သူတို့ရှေ့တွင်တော့ လက်ဆွဲတော် ခမ်းဆက်ဓားကိုဆွဲကိုင်လျှက် မာန်အပြည့်ဖြင့်ရပ်နေသော ဒဝီဦးခိုက်ကိုတွေ့လိုက်ရသည်။
ဒဝီဦးခိုက် သူ့ရှေ့တည့်တည့်မှ လူများအားလုံးကို တစ်ယောက်ချင်း စူးစိုက်စူးရှစွာကြည့်လိုက်သည်။
*ရာရာစစ ဒဝီဦးခိုက်ကို သစ္စာဖောက်ပြီးပင်မနန်းဆောင်ကိုဝိုင်းရဲရတယ်လို့ ဘယ်လိုတောင်အတင့်ရဲကြတာလဲ...ကြည့်ရတာ ကိုယ့်အသက်ကိုယ်မလိုချင်ကြတော့ဘူးထင်..*
နန်းဆောင်တော်ကိုဝိုင်းထားသည့် အမတ်ကြီး၏လူများမှာလည်း ပယင်းရောင်မျက်ဝန်းများ၏ ထိုးဖောက်မတတ်စူးရှနေမှုများကြောင့် ချွေးစေးများပြန်နေကြပြီး လက်ထဲမှဓားကို ကျစ်နေအောင်ဆုပ်ကိုင်ထားမိကြသည်။
ထိုအခိုက် မဟာသိအမတ်ကြီးထွက်လာကာ ဒဝီဦးခိုက်ရှေ့မလှမ်းမကမ်းအထိလျှောက်လာပြီးနောက် မျက်နှာအမူအရာအပြည့်ဖြင့်....
“အိုး...ကြီးကျယ်မြင့်မြတ်လှသော အရှင်ဒဝီဦးခိုက်ပါလား...မင်းတို့တွေ အရှင့်ကိုဓားနဲ့ဝိုင်းထားကြတယ် ဒါနိုင်ငံတော်ပုန်ကန်မှူကြီးနော်...ရာရာစစ အတင့်ရဲနေကြပါလား... ဟက်...”
“ဒါပေမဲ့ ဘယ်လိုလုပ်မလဲအရှင်...ကျွန်တော်မျိုးတို့နောက်ပြန်လှည့်လို့မရတော့ဘူးမလား...အဲ့ဒီတော့ ကျွန်တော်မျိုးတို့ရဲ့အင်အားကိုလည်း အရှင်မြင်တွေ့နေရတာပဲ...အရှင့်ရဲ့စွမ်းအားနဲ့ တပ်သားတွေကို မကုန်ခမ်း မနစ်နာစေဘဲ အသာတကြည် ထီးနန်းကိုလွှဲပေးလိုက်ပါတော့...ရှိခဲ့ဘူးတဲ့ သံယောဇဉ်တစ်ချို့ထောက်ထားပြီး အရှင်မင်းကြီးနဲ့အရှင့်ကို ကောင်းကောင်းမွန်မွန်ထားပေးမှာပါ...”
ဒဝီဦးခိုက် ဘာစကားတစ်ခွန်းမှ ခွန်းတုံ့မပြန်ဘဲ အမတ်ကြီး၏အမူအရာများကိုပဲ တစ်ခုမလွတ်စေရအောင်ကြည့်နေလိုက်သည်။
ထိုအချိန်တစ်ဖက်ကနန်းဆောင်အမိုးပေါ်မှ အရိပ်တပ်သားတစ်ချို့၏ လှုပ်ရှားမှုကိုတွေ့လိုက်ရသဖြင့် ဒဝီဦးခိုက် နှုတ်ခမ်းတစ်ဖက်တွန့်ရုံပြုံးလိုက်သည်။
DU LIEST GERADE
ပယင်းကြိုးသီ ချစ်သောမောင့်ဆီ(Complete)
Historische Romaneမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
အပိုင်း✨🍁(၃၅)
Beginne am Anfang
