ထို့နောက် ထိပ်၌ ဟိုတစ်စဒီတစ်စကျနေသော ဆံပင်မွှေးများကို စုစည်းထားသည့် ကြိုးလေးကိုဖြုတ်လိုက်ရာ အညိုရောင်ဆံနွယ်ကောက်ကောက်လေးတွေက မျက်လုံးအောက်နားထိ ကျလာသည်။
ထိုဆံနွယ်လေးများကို အနောက်သို့ သပ်တင်လိုက်ပြီး...
“အင်း ငါ့ဆံပင်တွေတောင်ရှည်နေပြီပဲ... တစ်ရက်ရက်တော့ လန်းလန်းလေးသွားညှပ်ပစ်ဦးမယ်...”
ထို့နောက် ရေချိုးမခင် ဒိုက်ထိုးနေလိုက်သည်။အခါ50ဆိုတာအလွန်ဆုံးပင်။ထိုထက်ပိုပြီး မထိုးနိုင်သည်က အမြဲပင်ဖြစ်သည်။
ဧကလေးမှာ ဒီsix packလေးခြောက်ခုရဖို့ကို အသည်းအသန်ခဲမှန်သည်ထက် လုပ်ခဲ့ရသည်ပဲဖြစ်သည်။ဖောင်းဖောင်းလေးဆို Eight packsရှိယုံမက လက်မောင်းကြွက်သားများပါ ကျစ်လျစ်နေပုံက သူ့ပိန်ညှောင်ဥသာသာ ကြွက်သားလေးနှင့်တခြားဆီပင်။
အငယ်ဖြစ်ပြီး ဘာလို့အရပ်က သူ့ထက်5"မကြီးတောင်ပိုရှည်ရသလဲဆိုတာလည်း စဉ်းစားမရပေ။သူ့မှာတော့ ဒီအရပ်လေး6'ပြည့်ဖို့ရာအတွက် ကူးလိုက်ရသည့်ရေ၊ဆွဲလိုက်ရသည့်ဘားတန်း ဟောဟဲကိုလိုက်နေသည်။
ဖောင်းဖောင်းလေးလို မနက်ခင်းတိုင်းလည်း ထမပြေးနိုင်။အစားအစာလည်း သင့်တင့်မျှတယုံမစားနိုင်။
မနက်ဆိုလည်း 9နာရီကျော်ထိသိုးနေအောင်အိပ်သည်။အစားအစာဆိုလည်း သူ့အကြိုက်များတွေ့လို့ကတော့ မထနိုင်အောင်ထိစားပစ်သေးသည်။ထို့ကြောင့်များညီညီလေးက သူ့ထက်ပိုထွားလာရသည်လားဆိုတာစဉ်းစားရင်း မနက်စောစောထလိုက်ပြီး လိုက်ပြေးသည်က သုံးရက်။
အဲ့သုံးရက်တောင် ရှိသမျှAlarmပေးယုံသာမက ပါးပါးကိုပါလာနှိုးခိုင်းရသေးသည်။
အစားအစာကိုလည်း အတော်အသင့်စားမည်ဟုဆုံးဖြတ်ပြီးနောက် တစ်ပတ်လောက်တော့ တောင့်ခံနိုင်သေးသည်။
ထို့နောက်တွင်တော့ ဒုံရင်း ဒုံရင်း မူလ
မင်းမြတ်ဧကဦးမာန်အဖြစ်သို့ပြန်ရောက်သွားသည်။အပြင်ကလူများနှင့်ယှဉ်လျှင် သူ့အရပ်ကမပုသော်လည်း ဒယ်ဒီနှင့် ဖောင်းဖောင်းကြားတွင်တော့ သူဟာ လူပုလေးလိုခံစားရသည်။
သူ့ညီထွားပုံက ဒယ်ဒီနှင့်levelတူအထိရောက်နေသည်က အသက်17နှစ်နှင့်မျှမလိုက်အောင်ထိဖြစ်သည်။
ငယ်ငယ်ကတည်းက အေးစက်တည်ငြိမ်သူဖြစ်၍ ခုဆို ဒယ်ဒီထက်ဆယ်ဆပိုအေးစက်သည်။
စကားလည်းနည်းလာသည်က သူ3ခွန်းလောက်မေးမှ တစ်ခွန်းပြန်ဖြေသည်ဖြစ်၍ ဧကလေး စိတ်ကသိပ်မရှည်ချင်ဖြစ်လာရသည်။
YOU ARE READING
ပယင်းကြိုးသီ ချစ်သောမောင့်ဆီ(Complete)
היסטורי בדיוניမောင်က မင်းကမ္ဘာတစ်ခုထဲကိုပဲ ဦးခိုက်နေမယ့်ကောင်ပါ စဝ်မင်းကမ္ဘာဦးခိုက် time travel (My Universe is Oo Nyo 💫✨ Season 2)
အပိုင်း✨🍁(၁)
Start from the beginning