فينثيدلين

part 5

_لا ماتوقع بس هو مضغوط هالايام لا تشيلين هم

ماسمعتلي وضلت ياهو يجي من اخواني تكعد ويا وتسئله عليه بالاخير كعدت ويا ياسين
_يمه ياسين حبيبي شفت اخوك موج بي شي ملاحظ عليه شي غريب

باوعلي ورجع باوع لماما حك راسه متردد يحجي جان ماما تكله
_احجي شكو

_يمكن يمكن يحب وحدة على فريال

_شنووو ولك منيلك هالحجي

_كيفج لاتصدكين اصلاً السفرة كلها يتختل ويحجي بالموبايل ويضحك

_لا موج مايسوي هيج هاي انت متوهم

عافنا وكام طلع صاحت ماما
_ارجع من وكت لا تخلي بالي وابوك يتعارك وياي بسبتك

دزلها بوسه بالهوى وطلع يغني
_ماما والله ماكو داعي لهل قلق الي انتي بي وحتى ولو كان موج يحب وحدة غير فريال عادي مو مشكله اصلاً هو مايحب فريال خلي ينفصل عنها هسه احسن

_لج سكتيييي عنييي احسلج لا تخبليني فوك ماني متخبله من اخوج شنو يعوفها لعبه هي ماكووو يتزوجها تردين تخرب علاقتنا بعائلتها من بعد طول سنين رفكه

_يعني ياهو اهم سعادة ابنج لو الصداقه الي بينكم وبين عائلة فريال

_روان سكتي احسلج ديربالج تحجين كدام اخوج هيج هسه بس يرجع انه اعرف شحجي ويا بعد هذا الناقصني بنات سوريا عليه

_اصلاً هي عراقية

كملت كلامي وكمت ركضت ضلت تحجي اسمعها تكول يعني شكوكي صدك مو جذب انه اعلمك يا موج بس_ ارجع للبيت

سمعت سطام كاللها خير يمة شصاير ضربت رجلها وصاحت
_ اخ منكم يا ولدي ناوين تموووتوني والله

_شصاير يمعودة كولي يالله

_اتلكاها منك من زياد من ذاك المستهتر ياسين الي ضارب الدنيا بعرض الحايط وانوب كملها علي استاذ موج تعبتوووني والله

كامت تبجي نزلت وكفت يمها وحجيت
_شبيج يمة شجاج هسه هالبجي شكو ماتكليلي

سطام: هسه غير يحجووون شكووو

روان: سالفه متعلقه بموج يريد يعوف فريال

سطام:اي وشنو يعني البنيه واعيه ومثقفه اكيد حتتفهم الموضوع واصلاً هم ملايكين لبعض

الام: حتى انت ولو شترجى منك شترجى ليش هو اكو غيرك الي مشيخهم والي ناطيهم عين

بهل اثناء دخل موج مبتسم ووجهه منور صفن علينا وكال خير شكو

الام:سمعت عندك حبيبه بسوريا موج افندي وسمعت تريد تعوف فريال فد مرة روح عيش هناك

كعد على الكرسي وكال
_منو كلج هالحجي

كمل كلامه وباوع عليه هزيت راسي مو اني
الام:مووو مهم الي كالي المهم هذا الكلام صدك لو لا