ادم

الفصل الثالث

نوفيلا ادم الفصل الثالث
تسنيم :بس دي امنيتي
ادم :بس دا انتحار وجنان اختاري اي حاجه تانيه
تسنيم بأصرار:مستحيل انا عايزه دي وبعدين اقولك على الباقي
ادم :تسنيم مينفعش كده غلط دا غلط عليكي وتعدي للحدود
تسنيم :يعني ايه
ادم :يعني الي يروح هناك لازم يبقى زينا ولو حد اكتشف أن انتي من البشر هتبقى كارثه ومش هترجعي هنا تاني وهتتحبسي هناك
تسنيم بخوف :بس انت قولت انكو مسلمين زينا
ادم :اه بس مش معنى كده انك رايحه زياره لخالتك ولا رحله انتي عارفه دا معناه ايه
تسنيم بحماس :بس انا عايزه اشوف الناس هناك عاملين ازاي
ادم :طب خليها اخر امنيه
تسنيم :ازاي
ادم :يعني بعد متخلصي كل الي نفسك فيه احققهالك واكون فكرت هتيجي ازاي ونعمل ايه عشان ابقى مستعد لاي خطر
تسنيم :ماشي موافقه
ادم :اطلبي بقا
تسنيم:بصراحه كده عايزه
وفي هذه الأثناء دق الباب
تسنيم : استنى هروح افتح
ادم :هتروحي كده
نظرت إلى نفسها فهي كانت بالملابس النوم الطفوليه
:عادي عادي دي حتى واسعه
ادم:امشي من قدامي انا وراكي
تسنيم وهي تذهب للباب :مين
هادي :انا يا تسنيم
تسنيم بغيظ:ايه الي جابك يا هادي في حاجه هي مش ماما و مريم عندكو
هادي بخبث :اه بس بعتتني اجيب حاجات من عندك
تسنيم :ومتصلتش بيا ليه
هادي :هو انا هفضل كده متفتحي
فتحت بهدوء لان ادم طمأنها بعيونه دخل هادي وجلس :تسنيم انتي ليه واقفه كده اعدي
تسنيم :مستغربه انك دخلت تعد مقولتش ليه على الحاجات الي ماما عايزاها وادهالك وخلاص
هادي : تسنيم انتي عارفه اني بحبك
تسنيم بهدوء وهي تعقد يديها :كان يا هادي كانت حكايه وخلصت
هادي :بس انا لسه بحبك
تسنيم :احسن ليك تبعد عني وعن اي حاجه تخصني كفايه اني محكتش لحد الي انت عملته معايا زمان ولا جوازك من وراهم ولا القرف الي كنت بتعمله بره فحمد ربنا
هادي بغيظ: بقا كده انا بقا خليكي تندمي وتترجيني اتجوزك
هجم عليها يمسكها بعنف شديد وفي لحظتها احس بأختناق حتى أن وجهه صار احمر
تسنيم وهي تنظر إليه وتنظر ناحية ادم الذي لم يتحرك من مكانه فقط حرك إصبعه حرك إصبعه مره اخرى ليقع على الأرض بشده
تسنيم :ادم خلاص كفايه
ادم :دا كان عايز يعتدي عليكي
تسنيم :كفايه بقولك
بالفعل تركه ليتنفس بصعوبه بالغه أما تسنيم طردته للخارج وأغلقت الباب نظرت إلي ادم بغضب الذي بدوره ينظر إليها ببرود :عجبك كده
ادم :دا اقل حاجه مع الحيوان دا انا كنت بقرا أفكاره كان ناوي يعملك فضيحه عشان يسترو عليكي ويجوزهولك
تسنيم بدهشه :بني ادم قذر مستبعدش عنه اي حاجه من دي بني ادم زباله
ادم :ممكن تطلبي مني اربيه على فكره
تسنيم :ازاي ؟
ادم :جربي
تسنيم :ماشي عايزاه يتربى بس متقتلهوش
ادم :لا متخافيش مش هموتو مش حبيب القلب برضه
تسنيم :حبيب مين لا دا ابن خالتي عادي ودا عشان خالتي ميحصلهاش حاجه لكن هو ميولع انا مالي
ادم :يعني مش بتحبيه
تسنيم :كان يا آدم كان ميستحقش مش اي حاجه تتحب كده وخلاص
ادم :الامنيه الي جايه ايه
تسنيم :مش لما تربيه
ادم بخبث:ومين قال اني مربتهوش هتعرفي دلوقتي المهم الي بعده
تسنيم :مش عايزه حاجه
ادم :يعني ايه مش عايزه حاجه منفسكيش في اي حاجه
تسنيم :لا
ادم وهو يحاول قرأة أفكارها : يادي النيله مفيش في دماغك غير المملكه الجن
تسنيم وهي تنظر إليه بفخر :ايوووه
ادم :طب هتقولي لأهلك ايه
تسنيم :هما متعودين اني بسافر كتير بسبب الآثار والحاجات تبع الكليه هقولهم اني طالعه هناك
ادم وهو يمسح على وجهه بتعب :ماشي موافق بس بشرط
تسنيم وهي تصفق:اشرط زي مانت عايز
ادم :اول حاجه تكوني معايا ولازقه فيا متغبيش عني لحظه
تسنيم وهي تأدي التحيه العسكريه:تمام يا فندم
ادم :امممم وايه كمان وايه كمان اه متتكلميش مع حد هناك
تسنيم :تمام يا فندم
ادم :انتي هناك هتبقى بصفه خاصه ماشي
تسنيم :تمام يا ايه صفه ايه !!!
ادم بخبث : مراتي مرات ابن الملك !!

استووووب كده فصل كمان عشان في ناس طلبته وقولولي رأيكو ومتنسوش الڤوت 🤍
دمتم بخير وسعاده 🤍✨