تـنـاثـرو ونـدثـرت

البارت (1)

عادل : شعندي غيرج وعيونج ساكت عنه بس ابوج مينحمل ولا تخافين انشالله يوافق

ريحانة : اني اروح

عادل : تحبيني

ريحانة : استحيت كلش بسرعة شردت نزلت بس كلش خفت خاف واحد يشوفنا
وبعد اسبوع صدك عادل دز امه واخته لبيتنا يخطبوني جنت متوتره وفرحانة كلش بس يافرحة ماتمت ابوي صار عصبي كلش ورفض وامي صديقات ويا امه لهذا ضلت تقنع بأبوي ولان خوش ناس وقريبين ونعرفهم بس ابوي قفل مينطي لعادل ونحرمت من طلعت الشارع وضليت اشوفة بلسطح كلما افرش يضل يباوعلي لان سياج السطح ناصي وعادل طويل كلش من اوكف يمه ابين بنته ههههه
جان كلش مقهور من ابوي بس علاقتة بأخوي زينة ومره جنت اغسل بلسطح مثل كل كم يوم وسمعت صوت عادل وراي عرفته طافر على الجوارين

عادل : ريحانة شلونج

ريحانة : زينة بس كم مره كتلك لا تطفر عادل اذا شافونا اني اتأذة

عادل: ريحانة اني تعبت يومية اتوسل بأخوج يقنع ابوج بس ماكو فايده وامي تلح عليه اخطب بنت خالتي لان كاتله روحها عليه وامي فرحانة بيها واني گلبي مايهوه غيرج شلون حاجيني

ريحانة: من گال هيج متحملت بجيت عادل تدري اني هم احبك والله بس مابيدي شي

عادل: اني ما اكدر ألح خاف يأذوج ويدرون اكو شي بينا

ريحانة:  اي صح اهلي ميتفاهمون بهيج شغلات حجيتها وزاد بجيي روح شوف حياتك وعفته ونزلت اجيب الفراشات بنص الدرج گعدت ابجي شلون بيه اذا صدك خطب بنت خالته اموت اني واشوف عرسه وهو جوارينا وين اروح اضل يومية اشوفة واشوف زوجته وياه ما اتحمل اموت والله اموت ياربي صبرني شسوي رجعت صعدت دنكت على سطل المي اغسل وماحسيت غير ايد تسحب ايدي فزيت
عادل عزا شسوي هنا عزاا روح روح الله عليك روح لا يجي واحد

عادل : ولج افهمي احبج لا تبجين ما اعوفج والله بس حاير اريد طريقة اخلي ابوج يوافق بس لا تظنين اعوفج بيوم اذا عفتج معناها. اعوف روحي واضل بس جسد

ريحانة : عوف ايدي .. باوع بعيوني وتنهد وبعد ايده عن ايدي

عادل : راح انتظر كم شهر تنسي السالفة وارجع اخطبج واحاول احجي ويا ابوج واقوي علاقتي وياه بهاي الفتره والله كريم انشالله يوافق

ريحانة : انشالله .. ابتسم وگال

عادل :  ماريد اشوف هاي دموعج ضحكي وأمني ما اعوفج يروحي

ريحانة : خجلت كلش منه ماعرفت شنو احجي

عادل : توقعت راح تشردين مثل كل مره ههههه

ريحانة : ها اروح اجيب الفراش وانت روح لا يجي واحد

عادل: هههههه اي هاي ريحانة الاعرفها هههه شردي شردي

ريحانة : وگفت على الدرج اضحك وابجي ماعرف ليش خايفة خاف امه تخطب بنت اختها او ابوي يرجع يعارض زواجنا
بعد فترت شهر عادل رجع يحجي ويا ابوي وبعدها بشهرين رجع خطبني ولم جوارينا كلهم اليعزهم ابوي وميرفظلهم طلب وحاجو ابوي وكالهم مخطوبة تعذروني خطبوها مني وانطيتها ما اگدر اتراجع بكلامي عيب وهنا جانت صدمه أليه ولعادل شفته من طلع عصبي كلش گوة لازم روحة طلع بسرعة واني المغربية اخذت الفراشات وصعدت لگيته بلسطح مالتنا ... انت متخاف واحد يشوفك شبيك عادل