ថ្ងៃថ្មីនាយក្រោកពីដំណេកធម្មតា តែក៏មិនឃើញកាយតូចនៅក្នុងបន្ទប់ នាយងើបចេញពីពូក រេភ្នែកសម្លឹងទៅមើលទ្វារបន្ទប់ ព្រោះអាចថាគេនឹងនៅក្នុងនោះក៏ថាបាន តែអ្វីៗមិនដូចការរំពឹងទុករបស់នាយទេ សម្លេងបើកទឹកក៏មិនឮ ស្រែកហៅក៏មិនឆ្លើយ បែបនេះមានន័យថាគេមិនមានវត្តមាននៅក្នុងនោះទេទើបនាយសម្រេចិត្តទាញយកកន្សែង មុននឹងដើរសម្ដៅទៅបន្ទប់ទឹក ។
« អ្នកប្រុសថេយ៍មិនបាច់ធ្វើទេ ទុកអោយខ្ញុំចុះ »
« មិនអីទេ ខ្ញុំអាចធ្វើបាន »
« ថេយ៍មិនបាច់ធ្វើទេ ក្រែងជាប្អូនម្ចាស់ផ្ទះមិនចឹងឬ?? ធ្វើបែបនេះដូចក្មេងបម្រើណាស់ ឃើញហើយពិបាកភ្នែក » ជូលីដែលទើបនឹងមកដល់ក៏តបឡើង សឹមលូកដៃទាញកៅអីមកអង្គុយ
« ទោះបីខ្ញុំជាប្អូន ក៏រាប់ទុកថាជាអ្នកដទៃដែរ ក្រែងនៅផ្ទះគេមិនចឹង យ៉ាងហោចណាស់ក៏ត្រូវចេះក្រែងចិត្តគេដែរ ទោះបងប្រុសមិននិយាយអ្វី យើងជាអ្នកស្នាក់អាស្រ័យក៏គួរតែមានចិត្តខ្លះដែរ ព្រោះទីនេះមិនមែនផ្ទះយើងឯណា៎ »
« នេះ ឯងចង់ថាអោយយើងឬ?? » នាងក្រមុំតបឡើងដោយខឹងសម្បារមិនពេញចិត្ត ក្មេងនេះប្រហែលចង់ថាខ្លួនជាដទៃ ដែលសុំកន្លែងស្នាក់អាស្រ័យ ហើយមើលទៅ
« មិនមែនទេបងស្រី ខ្ញុំថាអោយខ្លួនឯងទេតើស៎ បងស្រីកុំលើកដាក់ខ្លួនអី »
« អា៎ ឯង— »
« មានរឿងអីឬ?? » សម្លេងធំគ្រលររបស់ជុងហ្គុកដែលទើបនឹងចុះមកដល់ក៏បន្លឺឡើង ជូលីដែលឃើញនាយមកបែបនេះ ក៏ទម្លាក់ដៃដែលចង្អុលកាយតូចអម្បាញ់មិញចុះយ៉ាងរហ័ស
« គ្មានអីទេជុង អូនគ្រាន់តែនិយាយលេងជាមួយថេយ៉ុងប៉ុណ្នោះ » នាងរហ័សរកលេសមកតបនាយវិញទាំងញញឹម
« អឹម មីនអាដួសបាយទៅ »
« ចាស៎ អ្នកប្រុស »
[SKIP]
« យ៉ាងមិច បានការអីខ្លះ?? » ជូលីដើរចូកមកខាងក្នុងហាងកាហ្វេ រេភ្នែកសម្លឹងទៅមើលនាងក្រមុំជាមិត្តសម្លាញ់ខ្លួន ក៏ឃើញថានាងកំពុងអង្គុុយនៅជ្រុងម្ខាង ទើបខ្លួនក៏បោះជំហានទៅរក ទាញកៅអីមកអង្គុយ សឹមនិយាយប្រយោគសំណួរដាក់នាង
« នេះយកទៅមើលទៅ » នាងក៏ដកសាមីចេញពីកាបូបទម្លាក់វាលើតុ ជូលីក៏លូកដៃយកវាមកកាន់
« នេះ!! វាមានកូនហ្អេស?? » ក្រោយឃើញក្រដាសលទ្ធផលឆ្លុះអេកូជារូបកូនក្មេងភ្ជាប់ជាមួយឈ្មោះថេយ៉ុងនៅលើសន្លឹក ថែមទាំងបញ្ជាក់ថ្ងៃខែអាយុទារក ជូលីតបឡើងកំហឹង ឆួលឆេះខឹងសម្បារជាខ្លាំង នេះ ក្មេងនោះមានកូនជាមួយជុងចឹងឬ?? មិនអាចទៅរួចទេ ហេតុអីមានរឿងនឹងស្មានមិនដល់នេះកើតឡើង
នាងក្រមុំកាន់ក្រដាសលទ្ធផលនោះ ឡើងញ័រដៃ កែវភ្នែកប្រែជាចង់កំហឹង សម្លឹងមើលទៅក្រដាសសនោះឥតប្រិច
« នេះឯងចង់ទៅណា ជូលី?? » រីស្សាតបឡើងយ៉ាងរហ័ស តែអ្នកដែលដើរចេញទៅបែរជាមិនខ្វល់ នាងក៏អាចដឹងថា គេអាចនឹងខឹង តែនាងខឹងអាក្រក់យ៉ាងនេះ ក្មេងម្នាក់នោះច្បាស់ជាចប់មិនខាន ។
« ជូនយើងទៅវិញបន្តិច »
« ឯង គេមានក្មេងណា មិនអាចធ្វើអីផ្ដេសផ្ដាសបានទេ » ក្នុងចិត្តកំពុងតែនឹកភ័យ ទោះនាងមិនពេញចិត្តនឹងក្មេងម្នាក់នោះដូចជូលី តែគេមិនដែលមានគំនិតចង់ធ្វើបាបអ្នកណាអោយហួសហេតុជាងនេះទេ ជាពិសេសអ្នកដែលកំពុងពពោះ
« ជារឿងរបស់យើង ឯងមិនបាច់ចង់ដឹងទេ »
៚ ភូមិគ្រឹះត្រកូល ចន ៚
ជូលីចុះចេញពីឡាន ដើរសម្ដៅទៅក្នុងភូមិគ្រឹះដោយជំហានជើងញាប់ៗ ធ្វើអោយអ្នកដែលនៅអង្គុយនៅក្នុងឡានប្រែជាអង្គុយលែងជាប់
« ហ៊ើយជុងហ្គុកមកវិញ!? » រីស្សាដែលឃើញឡានជុងហ្គុកពីកញ្ចក់ហាក់ភ័យជាខ្លាំង ព្រោះមិនដឹងធ្វើយ៉ាងមិច មិចក៏នាយកមវិញអីចំពេលរកាំរកូសអ្វីបែបនេះ តែបើនាយមិនមកក្មេងនោះច្បាស់ជាទ្រោមខ្លួនរបស់ជូលីមិនខាន ។
« អ្នកនាង »
« នេះស្អីគេ??! ឯងមានកូនជាមួយជុងហ្អេស?? » នាងលើកបង្ហាញវាអោយគេមើល ថេយ៉ុងក្រោយឃើញហើយ បូករួមនិងការនិយាយរបស់នាងទៀត ធ្វើអោយគេភ័យ ព្រោះអ្វីដែលគេខ្លាចបំផុតពេលនេះបានមកដល់ហើយ នាងដឹងថាគេមានកូនជាមួយជុងហ្គុកហើយ
« ឆ្លើយមក!! ឯងមាយាអីខ្លះដាក់លោកស្រីចន រហូតបានទាំងគេ មានទាំងកូនទៀត!!!?? »
« អួយ៎ អ្នកនាងលែងខ្ញុំសិនទៅ » ថេយ៉ុងរអ៊ូឡើង ក្រោយនាងចាប់អង្រួនស្មាគេខ្លាំងៗ សឹងតែផ្លោះក.ទៅហើយ
« អ្នកនាង លែងអ្នកប្រុសថេយ៍ទៅ »
ព្រូស*
« អ្នកប្រុសថេយ៍ » មីនអាប្រញាប់រត់មកត្រកងកាយតូចយ៉ាងរហ័ស តែក៏មិនទាន់ កាយតូចត្រូវដួលដដែល
« អួយ៎ ហ្អឹកហ្អឹក »
आप पढ़ रहे हैं
អេតាសុីវិលលក្ខខណ្ឌ( ចប់ )
फैनफिक्शनស្នេហាដែលកើតឡើងដោយការរៀបចំ ! ពួកគេសុទ្ធតែមិនដឹងខ្លួនដូចគ្នា ។ « កូនត្រូវតែរៀបការជាមួយក្មេងម្នាក់នោះ ព្រោះគេមានចៅរបស់ម៉ាក់ » #ការរងចាំមនុស្សដែលខ្លួនឯងស្រលាញ់ត្រឡប់មកវិញ ទាំងដែលមិនគិតថាគេស្រលាញ់ខ្លួនវិញ 02 / 05 ~ 16 / 07 / 2021 #អេត ម៉ារីរដ្ឋា(ថេ-ថ...
P 33: ឯងមានកូនជាមួយជុងហ្អេស??
शुरू से प्रारंभ करें:
