_ والله حيرتيني معاك يا مها ، معقوله عايزا تفكري؟ انتي ما قادره تستوعبي انو حيدر هو الإتقدم ليك؟ حيدر الوااااحد دا الكنتي ميته عليهو دا ،، الحصل شنو فجأه؟ لحدي أمبارح كنت قادره أشوف الغيره في عيونك عليهو مالك هسي عايزا تنطي؟
قلت ليها ما كدا يا إبتهال ، مشكلتي ما حيدر مشكلتي في العرس نفسو انا ما جاهزه ليهو ،، خايفه و ما حاسه نفسي بقدر على المسؤوليه دي فهمتيني؟
_ فاهماك يا مها و في النهايه كلنا حنعرس + مُشُگلتگُ حلها بسيط وافقي مبدئيا و أجلوا العرس دا لحدي ما تكبري شويه و تستوعبي الفكره دي
قلت ليها ما عارفه والله ح أفكر في گلآمَگ. دا + أمك وين ما شايفاها
_ أمي في بيتكم ما لاقيتيها؟
قلت ليها بإستغراب في بيتنا ! لٱ ما لاقيتا
_بتكون غشت عمتي هاجر عشان يمشوا يشربوا الجبنه في بيتكم
سكته و ما اتكلمت
_ دي خطوه كويسه عشان علاقتهم ببعض تتصلح ، يمكن أمي و باقي عماتي عملو كدا عشان يكفروا عن غلطهم لمن اتهموا أبوك بالسرقه و عادوك انتي و أمك الفتره دي كلها ، بـإذن •اللّـہ̣̥ حيرجعوا زي زماااان و احسن و ربنا يزرع المحبه و التسامح في نفوسهم ♥️
قلت ليها ان شاء •اللّـہ̣̥ + انا بعد دا راجعه البيت
_ ترجعي وين؟ متين جيتي عشان ترجعي؟
قلت ليها تُعباُنٌهْـ و نعسانه والله ماشه أنوم
_ ليه و هنا ما ممكن تنومي؟ فارشين ليك شوك نحنا؟
ضحكت و قلت ليها لٱ ما كدا والله
_ هاك المخده دي و نووومي يلا
شلت منـِْهـ♡̨̐ـِْا المخده و رقدته ، غمضت عيوني ....طق اتذكرت حاجه وقفت على حيلي و قلت ليها نسييييت الخدره
_ خدرة شنو يا بت؟
قلت ليها امي جابت ليها خدره و قالت لي أورقها ليها قلت ليها بمشي لإبتهال و بجي راجعه هسي و انا لي قريب الساعه هنا 🤦♀️
_ ما مشڱلھِ أمشي جيبيها و تعالي هنا بعملها معاك + نادي معاك سلمى و جيبي لينا جبنه م̷ـــِْن ناس أمي
قلت ليها طيب
دخلت بباب النص الفاتح في بيت عمتو هاجر طبعا بيتهم كان فاضي و كلو مقفل إلا الغرفه البتقعد فيها سلمى ، مشيت عليها و قبل ما أصلها سمعت صوت ضحك جاي م̷ـــِْن الغرفه الفاتحه على غرفة سلمى رجعت لورا و شفت حيدر و معاهو روان و كانوا بضحكوا مع بعض ، حسيت و كأنو ضربتني صاعقه ، و ما قدرت اصدق الشفتو ، حتى رجليني حسيتهم ما شايليني ، وقفت دقايق و انا بحاول استوعب في البشوفو و تلقائيا لقيت نفسي ببكي بدون صوت ختيت يدي على خشمي و طلعت م̷ـــِْن بيتهم على بيتنا و قبل ما أخش مسحت دموعي و دخلت ، طبعا بيتنا كان مليان و صوت الضحكه و الونسه عالي دخلت سلمت على عماتي و لقيتهم بعملوا في الخضره ليـّۓ أمي ، قالت لي غشيتيني ما قلت لي راجعه هسي ! طلعتي و دي دخلتك قلت ليها الونسه جرت ، عمتي هاجر ضحكت و قالت ليها خليها تتونس ساي و ما كان تجي يا بتي ، قلت ليها أمي شيلتني هم عشان كدا رجعت ضحكوا و قالوا لي خلاص هسي ارجعي ليهم ، عمتو سلافه قالت لي قولي معاك لإبتهال تعمل لي ملاح الغدا و تقفل الأنبوبه دي كويس لأنها باقيه مطرطشه و بتنسى دايما، قلت ليها سمح ، و كنت طالعه حبوبه قالت لي مالا عيونك دي وارمه كدا؟ بكيتي ولا شنو؟ طبعا كلهم ركزوا معاي ، قلت ليها آيي بكيت لمن اتذكرت الخضره الراجياني 😭 قالت لي هبله كيف و ما عندك موضوع ...خليتهم بضحكوا و طلعت و انا من جواي بتقطع حته حته ، ما حسيت انو عِنـ.̷̷̸̷̐ـديّ نيه عشان أرجع تاني لإبتهال، ما عِنـ.̷̷̸̷̐ـديّ نفس اضحك أو اتونس بيها مع زول ، دخلت غرفتي و رقعدت في السرير بكيت كدا لمن صدعت في كل مَـرّھٌ بثبت لي فيها إنو اسوأ م̷ـــِْن المره القبليه، انا ما قادره افهم طريقة تفكيرو، نفسي أفتش جواهو و اعرف انا بالنسبه ليهو شنو، ما معقوله يكون طالبني للزواج و هو بضحك و بهظر مع البنات لٱ و كمان قاعدين براهم جوه الغرفه و قافلنها عليهم ، ياخ بلا يخمهم الإتنين، قدر يقنعني إنو الفي الرساله كان كذب و إنو ما عندو علم و انا الغبيه صدقتو! ياخ هو اكتر انسان قذر و مقرف و فوقها كذاب و منافق ، بس بقيت اشتم فيهو لحدي ما شويه شويه حسيت بالنعاس و نمت قبلي و دموعي في عيوني .....
