هاربه للزواج 👰 💙
الحلقة 3
فجأه ترف لوحت الشنطه : ساااااد
واصف انصدم ووقف السياره علي جنب : توا بتقوليلي خيرك
ترف : شيء وصلني للحوش بس
واصف : ترف شن صاير خيرك
ترف بي عصبيه : واااصف شيء قتللك توااا قلني للحوش
واصف برق فيها وولع السياره وحرك وترف قعدت تبرق من الشباك وعرم أفكار في راسها وبين عيونها
------------------------------------------------------------------D033-10
وصلوا للحوش نزلت ترف بي صمت وواصف حرك ويفكر في اخته اللي معاش فهم خيرها وشن فيها اما ترف خشت للدار قعمزت عالسرير
ترف : خلاص اني لازم نزوج لازم نعيش حياة بعيد من علي هنا أي
ليش ترف اختارت هالحل الله واعلم
------------------------------------------------------------------D033-10
جت العشيه وروح بشير وتعبت مربوعته وتعبت الدنيا نساوين وترف راقده شويه رن تليفونها كانت بنت خالتها ( ترف عندها زوز خالات وبنات خالات مزوجات زوز بس مش مزوجات واساميهن رغد مواليد 2001 وباسمه مواليد 2002 )
ترف : الووو
رغد : راقده
ترف : أي
رغد : احني قريب نوصلوا نوضي صحصحي
ترف : تمام
ترف سكرت التليفون وناضت شافت زي الصندوق عالسرير فتحت الضي لقاته معبي شكاليط ابتسمت💙 خشت للحمام غيرت وصلت ومشت لي دار واصف دقت الباب
واصف : تفضل
ترف : اني اسفه
واصف قلب : كان تقوليلي خيرك
ترف : مضغوطه شويه متعدلش شكرا عالبوكس💙
واصف : شن بتعدي للسوق
ترف : خليها مع الليل توا بيجن خلاتي
واصف : تمام
طلع واصف وترف تنهدت ومشت
------------------------------------------------------------------D033-10
في المربوعه
بشير : نقولك بنتي ما شاء الله ادب واخلاق مناسبه لي ولدك
رمضان صاحب بشير : خلاص غدوه نبعت العيله
بشير : ومش هتندم
رمضان: ايصير خير ان شاء الله
سليم خش ومشي لي بوه : نبي فلوس
بشير : ما تسألش عليا الا وقت لفلوس انتلف بره
سليم : خيرك انك زي لحصان هيا يا بوي مخرم راني
YOU ARE READING
هاربه للزواج💙
Mystery / Thrillerلما تحس روحك تبي تهرب من حياتك بأي شكل وفي نفس الوقت مش قادر كيف ادير وكيف يصير ؟؟!😞 روايات دعاء عبدو🤍
