The Seductive Doctor (Savage Beast #3)

Chapter 43

Frances

Mahigpit ang hawak ko sa manibela. Diretso ang tingin ko sa kalsada lalo na ng pumasok na ako sa north luzon expressway pauwi sa bulacan. I can't call it a home anymore. Dito ako lumaki at ito ang nagsilbing hometown ko sa nagdaang ilang taon. Ang Sta. Maria bulacan anv nagsilbing takbuhan ko sa tuwing napapagod ako sa syudad, sa tuwing may hindi magandang nangyayari. Sa tuwing kailangan ko ang pagmamahal at alaga ng aking pamilya.

Hindi ko napigilan ang pagtulo ng aking luha ng sumagi sa isip kong sa nagdaang ilang taon...may pamilya ba talaga ako? Oo nga't may tinatawag ako Mommy at Daddy, mayroon pa akong ate. But do I really belong to them? Syempre hindi, lalo na ng sabihin nila sa aking ampon lang naman ako. That just, justify kung bakit ganuon ang trato at turing nila sa akin. I'm thankful kay Mommy kasi kahit hindi niya kayang suwayin at pigilan si Daddy sa tuwing sinasaktan ako nito, kahit papaano ay naramdaman ko pa din ang pagmamahal at pagaalalag niya sa akin. Kahit papaano...

Napakagat labi ako ng medyo lumabo ang aking paningin. Mabilis ang patakbo ko sa aking sasakyan dahil expressway ito. Bukod sa mga private vehicle at may kasabayan akong bus at naglalakihang truck. Pilit kong ikinalma ang sarili ko, hindi pwedeng magburst out ako ngayon dahil baka mawala ako sa aking sarili sa oras na makaharap ko na sila.

Punong puno ang utak ko sa kung ano ang mga salitang sasabihin ko sa kanila. Sobra sobra ang galit na nararamdaman ko ngayon, halos manginig ang kamay ko habang nakahawak sa manibela.

"Tangina" madiing pagbuga ko ng marealize kong halos mawala ako sa sarili habang nasa gitna ng daan.

Sumabay ang walang humpay na pagtawag ni Augustine sa akin. Wala na akong nagawa pa kundi ang patayin ang cellphone ko at wag na munang intindihin iyon. I need them, ofcourse their support is a big help for me. Pero iba ngayon, para muna ito sa sarili ko. Closure para sa totoo kong pagkatao, at paniningil sa lahat ng ginawa nila sa akin sa kabila ng lahat ng isinakripisyo ko para sa letcheng pamilyang ito. Tangina!

Matapos ang halos isang oras na byahe sa loob ng expressway ay dahan dahang huminto ang sasakyan dahil sa pila papasok sa tollgate ng bocaue. Para akong nilalamig dahil sa loob ng walong taon, kahit nakauwi ako galing sa guam ay hindi na ulit ako nangahas na umuwi dito. This is my comfort zone and at the same time, marami ding masasakit na nangyari sa akin dito.

Nanatili ang mariin kong paglalapat sa aking mga labi. Parang lalabas ang puso ko sa aking dibdib dahil sa halo halong emosyon, pero sa lahat ng iyon. Sobra sobrang galit ang nangingibabaw.

Ilang sandali ay natanaw ko na ang pamilyar na kanto patungo sa aming bahay. Nadaanan ko pa ang malaking mansyon ng dating governor. Napairap ako sa kawalan, bahay iyan ng walang hiyang si Lumi. Mainit talaga ang dugo ko sa babaeng iyon, magkakalaro kami dati, kasama ang isa pa naming kababatang si Tathriana. Mas matanda siya sa akin ng isang taon, si Tathi naman ang pinakabata.

Inaamin kong medyo bully kami kay Tathi nuon, parehong may kaya ang pamilya namin ni Lumi at nagtratrabahong katulong ang mama ni Tathi sa mansyon. Ginawa namin siyang utusan nuon, tuwing tuwa naman siya na para bang ayos lang iyon sa kanya basta ay kaibigan niya kami. Isang araw ay hindi na lang kami nagpansinang tatlo dahil sa kagagahan ni Lumi. Hindi na naayos pa ang relasyon namin lalo na ng pumasok na kami sa college at napunta sa manila. Pero kahit ganuon, mas gusto ko si Tathi kesa sa hinayupak na si Lumi. Tangina niya.

Huminto ang aking sasakyan sa tapat mismo ng aming bahay. Bahagya kong hinampas ang manibela. Nagpapasalamat na nakarating ako dito ng maayos. Buong akala ko ay ipapahiya ako nito sa gitna ng nlex, tangina baka gumawa pa ako ng scene duon at maging laman ng balita kinabukasan. Breaking news, isang uugod ugod na puting honda brio ang nangahas na bumaybay sa kahabaan ng nlex at naging sanhi ng mahabang traffic.