DAUNTLESS CHANGE (PUBLISHED)

CHAPTER 4 - WHY?

Tahimik lang akong nakaupo sa sala at nakatitig sa front door. Bored na ako. Wala pa kaming one week na kasal ni Errol, nababagot na ako.

Para lang akong security guard dito sa loob ng bahay niya. Paikot-ikot. Parang nagroronda. Dito ko na-realized na mahirap pa lang naghihintay na lang ng salary. Kailangan, mag-start na ako sa plano ko.

Mahirap din ang kalagayan ko. Provided nga lahat pero nganga naman ako. Busy si Errol. Halos tumira na sa opisina. Kapag umuuwi naman ay halos hindi ako kinakausap.

Pero nahuhuli ko siyang laging nakatingin sa akin. Naiinis na ako. Lagi na lang ganoon.

Nakakapanis ng laway.

Ngayon, hinihintay ko siya. Kailangang magtuos na kami. Hindi ko pala kayang deadmahin na lang ang lahat at maghintay na lang ng biyaya.

Ewan ko ba sa sarili ko. Kahit hindi ko na dapat problemahin pa si Errol at isiping lugi siya dahil hinire niya ako ng ganito lang, hindi ko mapigilang maging concern.

Or maybe because I started to care about him? Lagi ko na lang kasi iniisip ang kalungkutan sa mga mata niya. Lagi na lang akong nagiging intersado sa pagiging mysterious niya.

Lagi ko na lang siyang iniisip!

Pero ako ba? Iniisip niya ba ako?

Argh! Nasisiraan na talaga ako ng ulo kakaisip sa kanya!

Huminga ako nang malalim at kinalma ang sarili. I need to focus. Hindi ko paiikutin ang mundo ko kay Errol. Kailangan ay magkaroon din ako ng sariling buhay. Hindi iyon ganitong hinhintay ko siya at panonooring malungkot.

Tumayo na ako at kinuha ang macbook. Akin daw iyon sabi ni Errol. Feel free to use it, sabi pa niya noon. Sumalampak ako sa carpeted na sahig at kumunekta sa wifi.

I search about cosmetics. Nanood din ako ng mga tutorials. Hindi nagtagal ay busy na akong inaaral ang cosmetics industry.

Doon dumating si Errol. Bigla akong hindi mapakali. Ang initial na naramdaman ko ay nasabik ako. Na-imagine ko ang role ng magasawa. Sabik si wifey kay hubby. Susugurin ni wifey si hubby ng yakap at...

Erase! Baka nakakalimutan mong mayroong sariling mundo si Errol. Iniisip mo ang role mo bilang wifey pero siya ba? Alam ba niyang maging hubby?

Mabuti na lang ay kumontra ang matinong bahagi ng isip iyon. Iyong parteng hindi marupok. Bumalik ang focus ko sa ginagawa.

Handa rin akong deadmahin si Errol!

"What are you doing?" basag ni Errol sa katahimikan. Naupo siya sa sofa at inilapag ang attache case sa mesa, katabi ng macbook ko.

Kahit ramdam na ramdam ko ang presensya niya at nasasamyo ang pogi niyang amoy ay umasta talaga akong deadma. Pagkakataon ko na itong bumawi!

"Erica, I am talking to you." mababa ang tono ni Errol. Serious.

Umismid ako. "I am busy. Bakit ba?"

"I just want to help."

Naupo siya sa tabi ko at niluwagan ang necktie niya. Mukhang balak makiusyuso sa ginagawa ko. Isinara ko ang macbook at hinarap siya.

"Help? Bakit?"

Tinitigan niya ako. Mukhang puzzled sa reaksyon ko. "Why are you angry?"

Napabuga ako ng hangin. "Wala." inis kong sagot at niligpit na ang macbook.

Bigla akong nainis sa sarili ko. Maliwanag ang resolve ko sa sarili kanina. Hindi naman kami nagmamahalan ni Errol. Hired lang ako. May sarili siyang mundo. Gagawa rin ako ng sarili kong mundo pero heto ako, gusto ko siyang sumbatan.