Fortune Of The Heart [COMPLETED]

Final Part

NAGBABASA si Pierre ng business magazine pero wala roon ang buong atensiyon niya. Panaka-naka ay sumisingit sa isip niya ang mukha ni Erika. It had been a month and two weeks since she left home. He missed her so much. He missed her smile, her laughter, the way she hugged him, kissed him, and whispered "I love you." He missed waking up in the morning next to her, and making love with her at night. He missed everything about her.

"Napakabagal mo namang magbasa, hijo. Kanina ka pa nakatitig sa pahinang iyan. Hindi ka na umalis."

Kumunot ang noo ni Pierre sa narinig na pamilyar na tinig. Pamilyar din ang linyang sinabi ng nagsalita. Nakadama siya ng déjà vu. Noong huling beses na sumakay siya sa eroplano ay may pumuna rin sa pagbabasa niya ng magazine. Napalingon siya sa katabi. Ganoon na lamang ang gulat niya nang makita ang matandang manghuhula.

"Holy shit! Ikaw na naman. Magka-crash na naman ba ang eroplanong ito?" Tatayo na sana siya pero pinigilan siya ng manghuhula.

"Hindi magka-crash ang eroplanong ito," sabi ng manghuhula.

"Kung gano'n, bakit nandito ka na naman?"

Ngumiti ito. "That was quite a journey, hijo, wasn't it? Maraming nangyari sa 'yo nitong nakaraang pitong buwan ng buhay mo. Nalaman mo ang nangyari sa mga babaeng sinaktan mo, na-realize mo ang mga pagkakamali mo, nagsisi ka, nagbago, umibig, at nasaktan. Marami ka sanang natutuhan sa mga bagay na iyon."

Bumuntong-hininga si Pierre. "Yeah. It was quite a journey. It was like a roller coaster ride. And, yes, marami akong natutuhan. I deserved all the pain I've gone through these past few months. And until now."

"Maaari namang mapawi ang paghihirap ng loob mo kung susundin mo lang ang sinasabi ng puso mo. Huwag mong pahirapan ang sarili mo. Magtiwala ka sa isinisigaw ng puso mo..."

Dumilat si Pierre. Naidlip pala siya nang sandaling ipikit ang kanyang mga mata habang naghihintay na makalulan ang ibang pasahero ng eroplanong kinaroroonan. Bumaling siya sa katabing upuan. Bakante iyon.

Bumuntong-hininga siya. Naisip niyang hindi masamang espiritu ang matandang babae. Tinuruan lamang siya nito ng leksiyon sa buhay. Ipinakita nito ang mga pagkakamali niya na nagresulta sa kanyang pagbabago. Itinuro din ng manghuhula ang landas na dapat niyang tahakin patungo sa babaeng mamahalin.

Marahil ay tama ang manghuhula. Hindi siya dapat umalis ng bansa para makalimot. Bagkus ay dapat niyang sundin ang dikta ng kanyang puso.

"THAT'S the promise of true love and forever... with Addison Homes," pagtatapos ni Erika sa kanyang ad concept presentation. I-p-in-ause niya ang video sa logo ng bagong developed na subdivision ng Living World Corporation na ginawan ng TV ad ng kanyang team.

Nakita ni Erika ang approval sa mukha ng mga kliyenteng nasa presentation room. Sa puntong iyon ay alam na niyang successful ang unang project niya sa Bright Minds Advertising.

"Very good. We like it," sabi ng kliyente. "You must be very much in love, Miss Benedicto, to come up with a very romantic concept like this."

Ngumiti lamang si Erika bilang sagot. Kung alam lamang ng mga kliyente ang pinagdaraanan niya. Hindi pa rin siya nakakabangon mula sa masakit na karanasang iniwan sa kanya ni Pierre. Hindi madaling kalimutan ang isang pag-ibig na nagbigay sa kanya ng walang katumbas na saya at lungkot. It had been a month and two weeks since she last saw her husband. She missed him so much. She was still mad at him but she was also still in love with him. It was crazy.