Curse of Arcana [WWBY 2014 3rd Place] Published under LIFEBOOKS

CURSE TWO: LOST FRIENDSHIP

CURSE TWO:

LOST FRIENDSHIP

Kinagabihan sa bahay—pagkauwi galing sa field trip—ay hindi ko mapigilan na mapaisip at magmuni-muni sa mga kamalasang nai-experience ko na nagbigay pasakit sa akin.

Hindi ko maiwasan na iflashback sa utak ko ang mga nangyari mula noon kela Sol hanggang sa pagpusta sa'kin ni Papa...

***flashbacks***

"Mayumi! yohooo! Sol!!!" Sigaw ko pagtapak ko sa loob ng school grounds.

Naging habit na naming magkakaibigan ang magkarera tuwing umaga papuntang school mula sa pagbaba ng bus station.

"Sandali lang Anise! Kanina pa tayo tumatakbo simula nang pag-alis natin ng bus station." Ani ni Mayumi na hingal na hingal na sa sobrang pagod.

"Oh geez. Ang lapit-lapit lang noong itinakbo natin. Isa pa parang 'di na kayo nasanay. Halos araw-araw na nating ginagawa ito, nahihirapan pa ba kayo?" paalala ko sa kanila.

Every day din palang ako ang nanalo sa aming tatlo. Nasanay nadin kasi ako lalo na ng nagsimulang maghirap ang pamilya namin. Wala ng personal bodyguards, wala naring sariling sasakyan.

Mabuti na nga lang at nakafull payment pa ako this year bago pa dumating ang ganitong unos sa pamilya namin, pero next year, baka pumunta na akong public school or what's worst baka huminto ako ng pag-aaral.

Bigla nalang sumingit si Sol na kararating lang din at obvious na obvious na pagod din sa pagtakbo ngunti hindi niya ito pinapahalata dahil mas obvious sa kanya ang pagkakaroon ng seryosong expression since birth, "'wag mo nga kaming ikompara sa athlete's leg mo since birth. We don't have that much stamina na kagaya mo para tumakbo ng ganoon araw-araw." Sabi nito habang naglalakad palampas sa'kin.

Medyo hindi ko nagustuhan ang pananalita niya kaya naman hinila ko siya pabalik sa akin para kausapin ngunit bago pa man mag-umpisa ang araw-araw naming agahan ni Sol na debate ay biglang pumagitna si Mayumi para agad awatin ang nagbabadya naming pocho-pochong pagtutuos, "Okay, tara na sa classroom girls." Ang aya nalang ni Mayumi sabay hatak sa mga braso namin ni Sol.

Habang naglalakad ay bigla nanamang sumagi sa isip ko ang kalokohan, "tara unahan makarating sa classroom." Aya ko.

"Nanaman? Ayoko ko na." buong pagtanggi ni Mayumi.

"I'm not doing it." Ganoon din si Sol na inirapan nalang ako.

"Last na ito, promise. Ganito nalang, kung maunahan niyo ako, pangako, hindi na tayo mag-uunahan tuwing umaga at pangako hindi ko na kayo uubusan tuwing recess." Ang bribe ko sa kanila na paniguradong kakagatin nila.

Maya-maya pa ay napapagyag ko din 'yong dalawa at dali-dali kaming nag-unahan sa may classroom.

And without farther a do, we started to race in the hallways of the school.

Malapit na sana ako, mga isang likuhan nalang bago ang classroom namin ng lingonin ko sina Mayumi at Sol ngunit nang muli kong ibaling ang tingin ko sa harapan ko ay may bigla akong nabunggo.

Tumama ako sa dibdib ng kung sino mang poncho pilatong nabunggo ko na kung saan nagpatilamsik sa akin sa sahig.

Bigla nalang tumayo 'yong lalaki na nabunggo ko. Dahil sa lalaki ito ay natakot ako na baka gantihan niya ako.

Subalit sa halip na gumanti ay pinagpagan nito ang parte ng damit niya na kinaumpugan ko.

May pagkafeelingero pala itong mokong na ito, it's so obvious na inaasar lang ako sa pagpag-pag na ginawa niya.