Graveyard Love story

Chapter 15 - (CAUSE I'M LEAVING)

GL_15

(CAUSE I'M LEAVING)

——-

Rheema's POV

Pagkapasok ko sa mansion nagdiretso na ko sa kwarto ko. Kinuha ko na ang mga damit ko sa closet at nilagay ito sa isang maleta. Niligpit ko na lahat ng stuffs ko at nilagay ko sa isang back pack para hindi ako mahirapan kapag kakailanganin ko sila. My stuffs are my make-ups, tissue, my headrest, charger, wallet, and etc. Mga dalawang oras din ang inabot ng pag-aayos ko ng mga gamit ko. Hindi ko namalayan ang oras. 

Bumaba ako sa sala dahil nagugutom na ako. Bibingka lang kasi ang kinain namin ni Kurt e lunch time na 'yon. Habang pababa na, naka-amoy ako ng mabangong pagkain, lalo tuloy nanggalaiti ang mga alaga ko sa tiyan.

"Hmm ang bango. Mom? Ano niluluto mo?" pasigaw kong tanong habang naglalakad ako papuntang kusina.

"Kare-kare baby. Malapit na 'to maluto, gusto mo kumain?" tanong ni Mommy habang nakaharap sa niluluto niya.

"Opo, I'm starving to death na Mommy," pag-iinarte ko. I'm acting like a child na naman haha okay 'to para asikasuhin ako ni Mom.

"Just wait a couple of minutes, maluluto na 'to. Kumuha ka na ng plato mo at magsandok ka na ng kanin," tsk akala ko pa naman hahainan ako ni Mommy. Hmp sige na sige na ako na ang kikilos para sa sarili ko.

Nagsandok ako ng kanin sa plato ko at bumalik ako sa kinauupuan ko kanina. Maya-maya nilapag na ni Mommy ang kare-kare sa lamesa pati ang partner nitong bagoong. Nagsimula na akong kumain. Merienda time na pero naglulunch pa lang ako. Okay na rin 'to para tumaba naman ako, masyado kasi akong sexy e.

"Pakaen!" sabi ni Kuya na nasa gilid ko na pala.

"Eh di kumain ka. Magsandok ka doon, wala kang maid dito!" sabi ko sabay irap sa kanya. Hindi ko nga alam kung bakit naglaho na ang mga kasambahay dito mula no'ng natapos ang lamay.

"Ang sungit naman ng napakaganda kong kapatid. Wala nga akong maid dito kaya pwede bang ikaw na lang?" pang-aasar niya.

"Asa!" sagot ko. "Huwag ka ngang istorbo kumakain ako. Mommy oh!" At heto na ako nagsusumbong kay Mommy sa pangungulit ni Kuya kahit na kanina pa lumabas ng kusina ang mapagmahal kong ina.

"Sungit mo!" sabi ni Kuya at umalis na siya sa tabi ko para siguro kumuha ng plato at kanin. Wala pang five seconds ay nandtio na siya sa tabi ko. Kamag-anak niya ata si Flash.

"Oy mag-ingat ka sa pag-uwi mo bukas ha? Nasabihan na ni Mommy si Daddy na uuwi ka kaya siya ang magsusundo sa'yo sa airport," sabi ni Kuya habang nagsasandok ng ulam.

"Okay," matipid kong sagot.

"Hay kung wala lang meeting ang mga share-holders ng kumpanya dito next week e sasamahan na kitang umuwi. Nag-aalala lang ako na mag-isa kang babyahe," ayan Kuyang-kuya na siya kung umasta ngayon pero infairness nakakatouch siya.

"Drama mo Kuya. Okay lang ako, promise I'll take care of myself. At saka isang oras lang naman ang byahe sa eroplano para lang akong namasyal no'n sa MOA."

"Oh sige basta tumawag ka kapag may problema ha?"

"Kapag may problema lang Kuya? Paano kapag wala hindi ako tatawag?" pamimilosopo ko.

"Ewan ko sa'yo! Basta give me some updates," sabi niya sabay subo sa kutsara na may kanin.

"Updates Kuya? Artista ba ko para magbigay ng minu-minutong updates?" pamimilosopo ko ulit.

"RHEEMA! Titigil ka diyan sa pamimilosopo mo sa akin o sasaksakin kita ng tinidor?" ayan sumigaw na siya at nakaturo pa sa akin ang hawak niyang tinidor.