The Mistress

Chapter 5

XENA POV

"Dad, nakausap ko na pala kahapon yung event organizer na mag-aasikaso ng birthday party para kay Xena."

Napalingon ako kay Ate Xyril ng marinig ang pangalan ko. Birthday ko na next week kaya todo kung mag-asikaso sila.

Ang sabi ko naman kahit simple lang okay na ako pero hindi pumayag ang magulang ko lalo na si Ate. Wala na akong magawa kundi ang pumayag na lang. Nagbigay na ng mga invitation para sa party.

Ibinalik ko ang tingin sa plato ko. Breakfast namin at ngayun lang kami muli magkakasama bilang Buong Pamilya.

Sobrang busy ng magulang ko at lalo na ang Ate Xyril sa trabaho hanggang saway na lang ako sa kanya pagtuwing subsob talaga siya sa trabaho niya. Lalo na ngayun na nakuha ni Ate ang partnership sa DSC (Delos Santos Company).

Sa pagkakaalala ko palugi na ang kumpanya na 'yun pero eto namang si Ate tinulungan pa sila. Alam ko ang ugali ng Ate ko. Hindi siya mag-aaksaya ng oras at pera para lang makipagpartnership sa mga kumpanyang palugi na o magsasara.

Sa resort ng pamilya namin gaganapin ang Birthday party ko. Pagkatapos ng party tyaka naman aalis ang magulang ko papuntang korea habang ako mananatili ng tatlong buwan sa resort.

"I'm so excite. Ikaw ba Xena excited ka?"

Nakangiting tanong ni Ate Xyril.. Ngumiti ako sa kanila at tumango "Yes ate excited na rin ako." Yan na lang ang nasabi ko pero sa isip-isip ko. Hindi ako excited. Ewan ko ba kung bakit ganun. Feeling ko may hindi magandang mangyayare sa resort.

Nang matapos ang breakfast namin tyaka naman umalis ang magulang ko para sa work nila at ganun din si Ate Xyril. Ako na lang ang naiwan sa bahay. Pumasok ako sa kwarto ko at nahiga sa kama.. Ipinikit ko ang mata at napamulat ng mata ng biglang tumunog ang phone ko. Napakunot noo ako ng makita sa screen ang pangalan ng bestfriend ko na si Celine. Sinagot ko ang call at itinapat sa tenga ang cellphone.

"Hello celine? Napatawag ka." Narinig ko ang pagbuntong hininga niya sa kabilang linya.

"Bes, pwede ba tayong magkita?"

Mukhang may problema ang babaeng to. Tumango ako kahit hind niya nakikita

"Sige saan ba?."

Narinig ko ang message alert ng cp ko at binasa ang message ni Celine. Gusto n'yang makipagkita sakin sa cafe na lagi naming pinupuntahan. Nagsuot ako ng simpleng dress at flat shoes ng makuntento na ako sa itsura ko. Umalis na ako sa kuwarto at nag-simula ng maglakad palabas ng bahay ng marating ko ang garahe dito sa house ng makita kong naglalakad papasok ng bahay ang isa sa mga kasambahay namin.

"Aira!.." tawag pansin ko sa kanya. Agad naman s'yang lumingon sa akin at ngumiti ako sa kanya.

"Pag-hinanap ako nila Mommy. Pakisabi na lumabas ako kasama si Celine"  Paliwanag ko. Tumango naman siya.

"Sige ho Ma'am." Aniya at umalis na para pumasok sa bahay. Sumakay na ako sa kotse ko at pinaandar ang makina.
Binuksan ni Kuya Dexter ang gate at nagpasalamat sa kanya bago ko ulit pinaandar ang kotse.. ilang minuto lang ang nilaan ko sa pagmamaneho at nakarating din sa cafe na napag-usapan namin ni Celine.

Ipinarada ko ang sasakyan sa parking lot ng cafe at lumabas na sa kotse.. napatingin ako sa kabuohan ng cafe.

Ang pangalan ng cafe na to ay SamNiel's Cafe na pagmamay-ari ni Samantha na naging kaclose ko at ang asawa nitong si Zack Alfonzo. Dala na rin na magkaibigan ang mga magulang namin.
Pagkabukas ko palang ng door ay sumalubong na sa akin si Chris at sinamahan ako kung saan nakaupo si Celine ng makita ako nito ay agad s'yang tumayo at nakipagbeso sakin.