صـوت بـاب الشقـة بيرزع جـامد وبعديهـا بـ صوت عـالى ..
محمـود : انتــى يا ســت اسراء زفــت
اسـراء بخضـة : فيــه ايــة !!
محمود : انتى كنتى فـ المستشفى بتعملى ايـة ؟؟
اسـراء : نعــم !! وحضـرتك عرفت منين ؟؟
محمـود : عـرفت وخلاص جاوببى على قد السؤال
اسراء : انا مش طالبـة عندك هو ايـة اللى جاوبى على قد السؤال ما تتكلم معايا زى ما بتكلم معاك
محمود : يهمك فـ ايـة عرفت منين ما عرفت وخلاص
اسراء : اها يهمنى عايزة اعرف
محمود : باسم يا اسراء اللى قالى .. ارتاحتى!
اسراء : الله يحرق باسم على اليوم اللى شوفته فيه وسى باسم عرف منين؟
محمود : ما تسأليـه هو انا دلوقتى عايز اعرف انتى كنتى هناك بتعملى اية ؟؟
اسراء : ملكش فيه يا محمود وقولتلك ملكش دعوة بيـا ولا انت ولا باسم ده محدش يدخل فـ حياتى وبعدين هى وصلت بيه انه يراقبنى!
محمـود : هو مش بيراقبك هو شافك صدفة وبرده مردتيش علي سؤالى
اسراء : صدفة! لا يا محمود مش هرد على سؤالك .. انت اخويا ولا اخوه هو يا تخرج الزفت ده من حياتتنا يأما لا انت اخويا ولا عايزة اعرفك بقى انا زهقــت مش واحد ملوش اى لازمة يغيرك ويقلبك عليا خليك راجل بقى
محمود بعد الجملة دى منغير تفكير راح ضارب اسراء بالقلم
اسراء بصتله بـ استحقـار وسـابته ومشيــت .. دخلت اوضتهـا وقفلت عليها بالمفتـاح ..
دخلـت اسراء قعدت تعيط على مخدتها لحـد ما راحت فى النـوم ..
صحيـت تـانى يوم على تليفون سمـر
سمـر : ايـوة يابنتى كل ده نووم
اسراء : كان نفسى مصحاش والله
سمر : اية ده فيه اية؟
اسراء : هبقى احكيلك اما اشوفك
سمر : طيب تمام هنروح لكريم ولا اية؟
اسراء : مش عارفة هعرف انزل ولا لا
سمر : فيه يابنتى ! فيه حاجة فى البيت؟
اسراء : اها استنى هشوف اخويا فـ البيت ولا لا لو مش موجود هنزل
سمر بـ استغـراب : طيـب !
اسراء : استنى بقى
