"طلاسم" السلاطين

Part 51

اللهم صلِ على محمد وآله محمد

#"طلاسم" السلاطين ☠️🔥

بقلمي: اسراء بني عباد 🤍

لا تنسون التصويت + التعاليق بين الفقرات + متابعة للحساب 🦋

"قراءة ممتعة"

><><><><><><><><><><><

وليام::- هههه أخذها لبعيد عنكم حته ينفذ القذارة الي بباله

فرح::- وليام ماما

سيف::- نباوعله عيونه حمر وما يباوع بوجه احد
كام يريد يطلع وامي جلبت بي..

فرح::- ماما وين تريد تروح
وليام::- فر..فرح امي فرح

لزمته غصه شهك بيها وامي كابلته تبجي وتحضن بي وهمه واكفين..

فرح::- يبعد امك يمه يروح امك حبيبي
وليام::- أريد اروحلها عوفيني اروحلها
-اجي وياك امشي

هز راسه بالرفض وابوي أشرلنا نكوم يمه
كمنا اني وسند حاوطنا ورفضنا رفض قاطع أنو يروح وحده أخذنا اني وسند ورحنا للمقابر..

اول ما وصلنا نزل روحه مفرفحه وكأنو راح يشوفهم واكفين كباله سرع مشيته وهوه يتعثر ولمن صار كبال قبورهم جمد بمكانه ودار راسه يباوعلنا عيونه قطعة دم والدموع جامدة بيهن..

سند عصر ذراعي باوعتله راح يبجي قبل وليام ابتسمت بحزن على گلبه وحنيته وراح قبلي وكف يمه يطبطب على كتفه ووليام بس صافن على القبور..

وليام::- هن..هنا دفنوها مقتوله هنا

يحجي بلا وعي ويأشر على قبرها
تقربت يمهم وهوه يباوعلنا شلون محاوطينه
ابتسم بحزن ويهز راسه بالرفض رافض يستوعب الحالة الي هوه بيها..

سيف::- وليام خويه
وليام::- اخذهم مني سيف حرمني منها ليش بيه ذنب

بساعة قهر وحيرة نزلت دمعه من عيني كبل مسحتها ما عرفت شنو الكلام الي ممكن يخفف عنه وهوه بهل حالة..

وليام::- شايفينها أنتم شايفينها شكد حلوه شايفينها مو

هزيت راسي بـ لا وهوه عصر عيونه رفع راسه للسمه يتنفس بضيق حنه ظهره وكعد بصف قبرها يحفر بيده..

باوعت لسند هوه هم جان مستغرب مثلي
بقى يحفر يحفر لحد ما طلع جنطة سوده جلد
صفن بيها ومن بعدها نكت التراب عنها ويمسح بيها بهدوء، فتحها ونكت الغراض الموجودة بداخلها جانوا إكسسوارات وصور وشغلات قديمة كلش ومتربه..

فتح علبة كبيرة متروسة مجوهرات
لمن شافهن وكعد يدور بيهن نزلت دموعه
رفع راسه للسمه يجر حسرات ويشهك عفنا براحته يطلع المكتوم بداخله حته يرتاح..