"طلاسم" السلاطين

Part 50

اللهم صلِ على محمد وآله محمد

#"طلاسم" السلاطين ☠️🔥

بقلمي: اسراء بني عباد 🤍

لا تنسون التصويت + التعاليق بين الفقرات + متابعة للحساب 🦋

"قراءة ممتعة"

><><><><>><><><><><><><

احس رجفة وسرت بكل جسمي بعدني استوني أريد أستوعب المكتوب وفززني صوت أبوي يبعدني عن طريقة..

ابو فرح::- وخري شعندج واكفه بالباب روحي دخلي اختج لغرفتها ما اريد أشوفها طالعه منها اني رايح اجيب محمد للبيت شنو يبقى متهجول برا علمود جنابها الكسيف

فرح::- بوية بس فعلته جانت جريمه بحقها

ابو فرح::- وخريي عن وجهي شنو جريمه ما جريمه شاب تحكمت بي غريزته وغلط وشصار عليها قابل ماتت هاي هذيج هيه السبع ياكل بيها عشرة ايام شلون يعني اذبحه حته ترتااحن مو الفايدة بيجن اذا راح منيي

حسيت الدم صعد لراسي شنو من اب هذا لا أحساس ولا ضمير اليسمعه يكول هوه مستفاد منه وخايف يخسره..

تعداني يريد يطلع وعارضت طريقة شمرت الورقة بوجهه احجي ببرود بس اني أعصابي تتراجف وجسمي يختض..

فرح::- لا ميحتاج تذبحه ولا تتعب نفسك وتروح تدور علي أظنه مرتاح بكيس الزبالة

كملت كلامي وأشرتله على الكيس الأسود واني جسمي كله يختض وانفاسي تسارعت صح كلامي جان ببرود بس داخلي يغلي شكد جان أنسان منحط وقذر وكل خيسة الدنيه بي بس ساعتها تمنيت ما يطلع الموضوع حقيقي..

رفع الورقة صفن يقرأ بيها واني أشوف لونه انخطف تسارعت أنفاسه وايده بقت ترجف كبل عصر الورقة بيده وباوعلي عيونه ناطه وعصر زندي..

ابو فرح::- شش..شنو شنوو هااي منيين جبتيها احجيي

فرح::- لكيتها على هل كيس بالباب

باوع للكيس نتر ايدي وراح رفعه جان ثكيل عفست وجهي بقرف لمن دخله للحديقة وأشوف الدم يقطر على الأرض منه والريحة ملت المكان..

خليت ايدي على حلكي حسيت روحي لعبت ورجعت كم خطوة للخلف وابوي يهز راسه بالرفض لحد ما فتح الكيس وبقى صافن بي بلعت ريگي وتقربت حته أشوف وعساني لا تقربت المنظر المقزز بقى طابع براسي ما كدرت اتحمل اكثر كبل استفرغت واني اشوف أعضاء جسمه متقطعة مثل الحيوانات الرجلين والايدين وراسه مقطوع ومخلي فوك ظهره..

حسيت روحي طلعت واني كاعده بالأرض استفرغ وابجي من كثر ما المنظر مقزز، رفعت راسي واشوف ابوي بعده على وكفته وصافن بي جامد مثل الصنم ما انطه اي ردة فعل، هناك وفزيت على صوت وراي..