يا غلطة ظلم باكت لذة العشرين

بارت ٢٧

السلام عليكم
*********

# بقلم/ الكاتبه - سانسا
****************

: هوه فوكايه ويبوس بيه فاقد وأنفاسه
عاليه وخر لتتقرب مني

همام - ليش تمنعيني منج

: ماكدر انسه الصار ميروح من بالي صعبه
وهمس يم اذني وحسيت جمدت أطرافي
من سمعت كلامه

همام - ليش مانعتني منج ليش هيج
اتسوين بيه موتعرفيني ما اكدر بلياج
تعرفيني اذا متنامين ابحضني ما اعرف
انام اله يمج تعرفيني اشكد احبج وهيج
اتسووين بيه هيج ضيعتي حبنه كل هذا
الحب وتتركيني علمود بيت اني الأعرفه
اليحب يضحي ويتنازل عن شغلات
في سبيل الحب بس انتي شنو سويتي

:احس النفس ضاق عليه ودموعي مابطلن
من سمعت كلامه يتلمس ابجسمي ابجرءه
وما اتخيلت هيج يصير بيه واني بلكوه اقنع
نفسي اتقبله وتالي هذا كلامه يطلع منه وهذا
كلامه كله يعني يتخايلني رغد رغبه الرغد
وبس مو اليه وجسمي اني

ااااه كاااافي كاااافي الله يخليك اصحه
على نفسك حرام عليك هيج اتسوي بيه
وخر راسه من ركبتي وشافني ابجي

همام - اشبيج أذيتج ليش هذا البجي

:حجيت ابصوت مخنوك من الصدمه
اني ضحى ضحى ليش هيج اني ما
استاهل الديصير بيه
وحس على نفسه وعرف شنو معنى كلامي
يتخايلني رغد
وكتله ابعبرتي
:اذا مناسيها وتحبها ليش اتزوجتني
بعدني مكملت كلامي وحط أيده على
حلكي

همام - اشششش كافي لتكملين

:وخر أيده من حلكي بعد محجيت شي
ووخر من فوكايه بدون كلام وحط أيده
على راسه وافتر بل غرفه

همام - ليش هيج ديصير ويايااا ليش 

: بعد ماعيط باوع عليه بعدني على نومتي
وابجي واشويه وطلع من الغرفه حس ابنفسه
امسوي شي غلط بس والله مو بيدي مااكدر
اتقبله اعرفه هسه وين راح
للحديقه علمود يباوع ابراحته على صور
رغد بس اني شنو ذنبي من ازوجني وبعدني
اصغيره وهوه بعده يحبها اني شنو ذنبي
وكمت دخلت للحمام غسلت وجهي واشوف
ركبتي متحسسه صايره حمره وطلعت من
الحمام ولفيت شالي اريد اشوفه وين راح
وطلعت من الغرفه ونزلت على كيفي الدرج
والبيت ضلمه قليل اكو ضوه واشوف علاء
نايم بل صاله معقوله هيج مشاكل هوه وامنه
ونايم بصاله على القنفه بدون غطه وعفته
ورحت للحديقه وشفته مثل عادته كاعد بل
حديقه عل مرجوحه وصافن يعني ميباوع
بصور رغد ابصراحه ارتاحيت ماعرف ليش
وعفته ودخلت البيت وكسر خاطري علاء
من شفته مامتغطي جبت غطه وغطيته على
كيف وهوه نايم ماحس عليه
وسمعت

همام - اححممم

: انداريت عل صوت ورأسن جرني من ايدي
حيل وصعدني سحل واتعثر بل حطوه ودخلني
الغرفه وذبني بل كاع