يا غلطة ظلم باكت لذة العشرين

بارت ٢٤

السلام عليكم
*********

# بقلم/ الكاتبه - سانسا
****************

: وراح بدل وطلع واني رحت للحمام سبحت
وبدلت ولبست عبايتي احس كلبي مقموت
أحس راح يصير شي وكملت وأخذت جنطتي
ونزلت وصبحت على جدو وبيبي

ام همام - يله اتريكو قبل لاترحون

: لا بيبي ما اريد اكل تلعب نفسي من الطريق

ام همام - ابراحتج

: بس عمو همام اتريك وسلمنه عليهم وطلعت
وركبت السيارت وصعدت ليورى  وباوعلي من
الجامه الأماميه

همام - مدام ماأشتغل عندج مو سايق مالتج
تعاي كعدي كدام احسلج لاأطلع قهر كلبي كوله
بيج

: بس اهنا مرتاحه أكثر

همام -اني اشكلت كوميييييي يله

: ونزلت صعدت بل صدر وساق سريع
ولاحجه كلمه وعبالك يريد ينفجر عليه
ودرت وجهي اباوع من الجامه وخليت
راسي عل جامه وانعادت كلماته
الجارحه التهم والطعن والشك وفوك كل
هذا يرين يتقربلي ودموعي ينزلن ماحجينه
ولا كلمه وصرنه يم صيطره مال شرطه
وازدحام سيارات
همام- اكعدي عدل ونزلي راسج وعدلي عباتج يله

: اي
واكو منتسب من بيناتهم كل اشويه يباوع
عليه بس سويت نفسي ماشفته وصاح

همام -  ياكلب

: ونزل من السياره وطبك الباب قوي
وسحب المنتسب من ياخته ونزله دك بوكسات
ويردون يفاككونه العالم التمت ماكو مايقبل
يوخر عمو همام من الولد

الضابط - اشلون تتهجم عل منتسب
اليوم اله ابيتك بل سجن

همام - عادي بيتني بل سجن بس اسئله
ليش اني هيج سويت هيج

الظابط - اشسوه

همام - يباوع على عرضي وتريدني اسكتله
اول مره كلت يجوز بل غلط بس من كررها
لا والله مااسكت

المنتسب- سيد بس اني

الظابط- اسكت ولا كلمه
اني اعتذر منك وتكدر تروح هسه

:وركب عمو همام السياره وساق سريع وبس
يضرب بيده يباوع عليه يريد يموتني وضل
يسب ويغلط واني ساكته ابد حته نفس بل
كوه اتنفس أخاف يضربني

همام - امكيفه مووو الولد يباوعلج وانتي امكيفه حضرتج

:  اني شعليه قابل كتله تعال باوع عليه
واتقرب رفع ايده راد يضربني وخليت اديه
على وجهي ونزل ايده وضرب لستيرن

همام -استغفر الله

: ونزلن دموعي

همام-  كافي لا تبجين موتيني راح اتجلطيني
كافي مسويتلج شي

: مسحت دموعي وضلينه ساكتين منا لمن
وصلنه البيت اهلي أحس اسنين مشايفته
البيتنه ولزمتني العبره ونزل هوه قبلي واني
نزلت من السياره ولكيت محمد اخويه منتضرني
بل باب بس شافني اجه حضني