أتعلم ما هي السعادة الحقيقية؟ ان تكون تحب احد من أعماق قلبك، وتقرر الحياة أن تبعدك عنهُ، لكن فجأه يعطيك الله فرصه جديدة للبقاء، انها السعادة الأكبر على الإطلاق .
_____________________
قررت أن تقول له ربما تكون اعطتهم الحياة فرصة جديدة ليجتمعا سويًا .
-"اية بقى كنتى بتعملى اية هِنا؟"
"بص هحكيلك، كنت ببحث على حاجات غريبة في العالم واماكن متمش اكتشافها لحد دلوقتي وأسرار العالم المخفية ولقيت جملة كدة بتقول ان زمان الناس كانوا يعرفوا كل اسرار العالم لان كل الاسرار دى كانت مكتوبة على جدران، وفي حاجات كانت مخفية في صناديق بس جه وقت وحضارتهم اختفت وكل الاماكن اللى كانت موجودة فيها رموز والغاز غرقت زي اتلانتس فا مقدرناش نوصلها .. هما كانوا بيتنبوا بإنه هيحصل في حضارتهم حاجة، فا في مجموعة كبيرة منهم قرروا يكتبوا في كذا كتاب عن أسرار مختلفة وحاجات اكتشفوها عشان يجي حد زينا كدة ويكتشف الاسرار دى، وبعدين بعد ما اختفت حضارتهم اختفى كل كتاب من التلاته وراح في مكتبات مختلفة، وبس مذكروش اختفوا فين، بس كانوا ذاكرين عنوان منهم وكان باللغة اليونانية وترجمته طلع اسمه أسرار العالم، ولسة في كتابين بس مكانش مذكور اي حاجة عنهم، انا عارفة ان ده عبط واكيد هتقولى ان مفيش حاجة زي دى ...
اثناء ما كانت تتحدث قاطع حديثها يوسف ليقول : -"ثانية واحده، هي فعلًا حاجات متتصدقش بس عارفة يا نور، انا بشوف في عنيكي انك صادقة ولما بتتكلمى على حاجة بتكوني مؤمنة بيها من جواكي وبيبان في عنيكي فعلاً، ورغم ان دى حاجة مش عارف صح ولا لا بس طول ما انتى مصدقة انا كمان مصدق ، ولو كنتي بتدوري عليهم، انا مستعد ادور معاكي كمان".
أنهى حديثه مبتسمًا ناظرًا اليها بعيناه التي تلتقى بعيناها وكأن نظرات عيناه تخبرها : "انا اصدقك مهما حدث" .
احمر وجنتيها خجلا لتشيح نظرها عنهُ، وهي قائلة : "طب اية، تيجي ندور، بس انا عاوزة اقولك انك ممكن تمِل لإن الموضوع صعب ."
-"اه تمام يلا بينا، وانا مستعد ومش همِل متقلقيش"
ليبتعد عنها ذاهب ناحية تلك الكتب المرصوصة على الأرفُف ليبحث عنهُ كتاب كتاب دون كلل او ملل .
___________________
عندما نكون مع احبتنا لا يهمنا مقدار تعبنا او ماذا نفعل او لماذا، كل ما يهمنا اننا هنا بجانب حبيبنا ونراه امامنا، في ذلك الوقت لا يكون للوقت وجود، يمُر وكإنه فراشة مرت على قلوبنا مرورًا خفيفا، يُصبح كل شيء سريعًا دون الشعور بالملل، فقط الشعور بالحب والسعادة .
__________________
مرت الليلة جميعها في محاولتهم لإيجاد الكتاب لكن دون جدوى، لتقول نور متعبة :
-"خلاص بقى يا يوسف دورنا هنا في كل حتة والمكتبة مفيهاش حاجة ".
نظر لها وهو يتحدث "طب ما يمكن موجودة استني هندور كمان" .
YOU ARE READING
بوابة نحو الغير مألوف ( متوقفه )
Fantasyماذا لو اصبحت كل القصص التى قرئناها عندما كنا صِغار واقع؟ ماذا لو اصبح هناك بوابات تنقلنا لعالم اخر وكل تلك الخرافات او التى نظن انها خرافات هي حقيقة وواقع؟ ماذا لو كل احلامنا الضائعة نجدها في عالم اخر موازياً لعالمنا .. وتُكتَب النهاية السعيدة لأح...
