قضية لاتموت
البارت ٢١
زينب العبودينسرين:وين رايحة
ريان:افتح الباب غير-أمشي دخلي جوه إني مو موصيتج الباب ماينفتح أبد
-إذا مموجودة بس أنت هنا
-ريان روحي كملي أكل وراها تغسلين أنتِ واخوج وتنامون
واساساً يمكن مو علينا لإن أختفى صوت الباباندك مرة ثانية بس خفيف
صاحت خالة من جوه-يمه نسرين الباب يندك
-داالبس حجابي خالة
دخلت اخذت شال وشمرته على راسي بعد ما دخلت ريان وفتحت الباب الدنيا هندس وماكو آحد بالباب طبكته كبل والجهاز بيدي رجعت إتصلت عليه-كاعد تلعب عليه أنت شنو متخاف الله
-جبتلج غراضج ومعاجبج ست نسرين تعالي طلعي اخذيهن وفضيها باجر مسافر
-إي شكو جبتهن مو أبوك كلي تعالي باجر
-أريد اودعج يجوز أريد أعتذر منج
-أنتَ.!تعتذر
-متعرفين النفوس تتغير بمرور الزمن، يلله طلعي عاد تعبان أريد أرجع وفوكاها بردان
-ممرتاحتلك
-طولتيها تره
-نزل الأغراض من السيارة
-تخافين اخطفج ست نسرين
-مجاهد
-عقله
-وبعدين وياك
-هههههه احب اضوجج
-احلف بعافية أبوك مناوي على إي شر
-الهاي الدرجة تشوفيني شخص سيء
-أكثر "اكثر بهواي
-قهرتينيصاحت خالة عليه بصوت عالي، ارتبكت مثل الشخص ألي مسويله جريمة ، كتله : راح أسده مو تتصل ولتدك الباب هسه إني إطلع بس أروح الخالة لان صاحت بصوت عالي شحجي عليك الله لا يوفقك كوة اريد تسويلي مشاكل بحياتي
وأني بأذني الموبايل طلعت ريان بيبيتها دازتها دخلت للبيت وياها ورحت على خالة
-شنو يمه سالفتج كلت خاف صار عليج شي منو دك بابنا بهذا الوكت
-العرسان إلي كعدوا بالمشتمل الجديد
-شبيهم
-زوجته متخربطة رادوني أقيس الضغط مدري منو كايل عدنه جهاز
-يا عيني ميخالف خطية روحي قيسيلها الضغط بس شلون يمه بلله طلع جذاب هاي الدنيا تخوف انتظري أروح وياج-لا "لا يمعوده خالة شيوديج ورجلج وبعدين عمتها مرة جبيرة هيه ألي اجتي
-لعد أخذي ليث وياج
-خل ينامون هيه دقيقة واجي خالة تره هنه بيتين بيناتنا
هسه بسرعة أجياخذت جهاز الضغط ورحت لبست جبة وطلعت حسيت كلبي يريد يوكف صوت الجلاب عالي كلش والدنيا هندس اول مطلعت فتح دبل أشارة رحت عليه بسرعة وكفت يم الباب ودكيت الجامة نزلها وفتح الضوة الداخلي للسيارة جان لابس قمصلة نفخ لونها أسود ولحيته مرتبة وسوادها فاحم أجذب إذا اكول مو جذاب
أحس رجفة حتى بصوتي
-يلله جيب الأغراضباوع عليه وأبتسم
-بدون سلام هيج كبل جيب الأغراض ، تحسسيني شوفير عندج
YOU ARE READING
قضية لا تموت
General Fictionكاتب للروايات تسرق فتاة عقله بغموضها وقضيتها وحكايتها تشوش العقل ! قالت لهُ لا تتجاوب معي إهمل رسائلي لأنني سأحولك لشخص مريض لا يثق حتى في نفسهُ وانتم كذلك أيها المتابعين إن دخلتهم وتعمقتم بسطور هذهِ الرواية ستجعل منكم شخص لا يثق حتى ف...