" في غرفه سوسن وعبدالله "
سوسن: عبود
عبدالله: لبيه
سوسن : لبى قلبك احس جوعانه
عبدالله : وش خاطرك فيه ؟
سوسن: ابي عصير باردد
عبدالله: فالبرد ذا؟
سوسن: مافي برد حيل بيخلص الشتاء!
عبدالله: طيب يلا بروح اجيب لك
سوسن: ابي مانجو مع كذا فرواله يمي
عبدالله ضحك على كيف توصف له: شهيتيني شكلي بجيب لي ولك
سوسن: ابي وافلل
عبدالله وهو يلبس جاكيته : طيب قفلي الباب لا تفتحين لين ادق عليتس
سوسن: تم بروح اشغل التلفزيون نتابع فلم
عبدالله: طيب لاتندمجين وماتردين تخليني اوقف بالبرد
سوسن: ماعليك ياحبيبي
ابتسم عبدالله وطلع وقفل الباب وراه واما سوسن راحت تسوي نفس ماقالت
-
"عند ذكرى "
رجعت للبيت هدوء نزلت اغراضها بدون صوت ودخلت غرفتها تنزل الكمبيوتر والاوراق والمفتاح وفصخت عبايتها ولبست بجامه ودخلت دوره المياه (اكرمكم الله ) غسلت وجهها وفرشة اسنانها وطلعت تسوي سكن كير لبشرتها زفرت بتعب بعد ماخلصت : اخيرا ً تعبت والله
واعلنت نومها .
-
"عند سهم "
الساعه تقريباً منتصف اليل 2 همس بتعب : ابي انام بسس لف لورا يناديه حق الشنط
..: وين شنطتك
سهم: هذي الي لونها اسود
..: امسك
سهم: يعطيك العافيه
..: الله يعافيك
اخذ سهم شنطته اشر بيده ل تكسي او اجره
..: وين اوصلك ؟
سهم: ل شارع الصحافه
..: يلا اركب
سهم: افتح بدخل شنطتي
فتح له وركب
تقريباً بعد ٢٠ دقيقه وصل نزل دخل البيت كل الانوار طافيه واضح محد صاحي كان وده يكون احد من العيال صاحي يسوي له اكل زفر بتعب : ياليل محد قاعد
دخل داخل لين وصل غرفته نزل كل شي ودخل دوره المياه (اكرمكم الله) وبعد ماخلص دخل سريره يعلن النوم ..
-
" الصباح الساعه ٨ "
اجواء ممطره وغيوم جو رهييب
دنى: الجوو يموتت!
ذكرى بتمتمه: ياليل اطلعي بنااام
دنى وهي تنط عند سريرها: قومي مالي دخل الجو يجنن!!
ذكرى : طيب
دنى : وجع قومي
ذكرى : ها قمت وش بيصير !
دنى: نطلع البر !
ذكرى: اي قولي لهم وانا باخذ غفوه
سمعت كلامها دنى ونزلت تحت ودخلت المجلس
دنى: نطلع بر !
ابو سهم: فكره ممتازه
دنى: اي والله ي ابوي !
ابو سهم: شرايك يا ابوي ذكرى
ابو ذكرى: معكم
ابو سهم اجل وصلوا خبر للباقي
طلعت دنى وهي تركض بتوصل خبر لهم
اما نجي عند عبدالاله كان طالع يدندن بصوت واضح م انتبه للبنت الي جايه طايره خلعت كتفه صرخ : وجعاه ياعزوز
قربت دنى بعصبيه : وجع توجعك ياسحليه !
عبدالاله : ياحلو من مسك شوشتك ذي وطيرك من هنا تشوفين تشوفين ويأشر على الدرج
دنى وهي معقده حواجبه: وانا اخت سهم تقول كذا !
عبدالاله: دزي بس
دنى: وجع ومشت وخلته
تفور من العصبيه دخلت على ذكرى وتصرخ وتشرح لها السالفه نطت ذكرى من الصراخ والعصبيه وتشوفها كيف تشرح ضحكت ذكرى بصوت عالي : بموت خلاص وقفي
دنى وهي معقده حواجبها ومعصبه: اقولك اقوله كذا يقولي كذا والله مدري وش اسوي مو صاحي
ذكرى: اخ مو صاحيه
دنى: قومي بنطلع البر قومي نتجهز
ذكرى وهي تضحك : اخ صدق
طلعت دنى توجهت لغرفتها تغير لبسها وحطت شوي ميكب ونزلت تحت لهم تنتظر يخلصون
ابو سهم : خلصتي ؟
دنى : اي يبه
ابو سهم لف ونطق بصوت عالي : ي أهل البيت
نزل سهم على صوت ابوه ونطق : على وين ؟
ابو سهم : كشته !
سهم : طيب
دخل المطبخ شاف امه تسوي فطور ونطق : ابي اكل ياميمتي
ام سهم : لبيه يعيوني ابشر الحين اقول للعامله تسوي لك وحنا بنطلع للبر والحقنا طيب ؟
سهم : تمام
طلع سهم متوجه لطاوله الطعام ب انتظار الاكل
-
كلهم بالشارع يحطون الاغراض وكلهم ركبوا بسيارات عائلاتهم
بعد تقريباً طريق ساعه نزلوا النفود
ابو ذكرى : ها زين المكان ؟
لف ابو عبدالله له: اي والله زوين
ابو عبدالعزيز: لو مقدمين داخل احسن
ابو سهم : لا يبوي محد يطلعنا بعدين خلنا هنا احسن
لف على ورا ونطق : ياعيال نزلوا الخميه وطقوها
عبدالعزيز: ابشر
تجمعوا العيال ينزلون الخميه وبدوا يبنونها وكانت خيمتين
عبدالعزيز وعبدالله يبنون خيمه
و اويس وعبدالاله يبنون خميه
