الساعه ١٠ تقريباً نزلت العروس من فوق بحكم ان بيتهم ثلاث اداور وقصر
وقفوا كلهم البنات قدامها وبدوا يرقصون معنا وتتمايل معهم بشكل جميل جداً زفوها ل زوجها وطلعوا الرجال مع عبدالله واخذها عبدالعزيز ووصلها في سياره عبدالله
وراحوا للفندق
-
قلطوا العشاء عند الرجال والحريم وتعشوا الاغلب ومشوا
لمى: ليله متعبه ل اقصى حد
رؤيا: اي والله صادقه
ذكرى: بنات بحكم الساعه ١ بروح امسح ميكبي وانام وراي دوام
ميان: روحي انا بعد بقوم
ردوا البنات : حنا بنقوم بعد خلاص بنام بنخلي الخادمات ينظفون وحنا بنروح غرفنا
ذكرى: اوكي
-
الصباح تحديداً الساعه ٩
لمى : ميان
ميان: ها
لمى : قومي نفطر بالجو الحلو ونصحي البنات
ميان: صحيهم وبعده تعالي لي
راحت لمى ودخلت غرفه وحده وحده وصحتهم كلهم قاموا ورجعت ل ميان ولقتها ف دوره المياه الله يكرمكم
نزلت تحت تسوي فطور وجت العنود تساعدها وبدوا ينزلون كلهم
رنا: دامنا كلنا بالمطبخ خلو ثلاث يسون الفطور واثنين يجهزوونه وحنا نفرش اثنين
تقسموا كلهم نفس ماقالت
العنود وميان ولمى ودنى الفطور
ورنا وذكرى ووسن ورؤيا رواحوا للحوش يفرشون ويجهزون الاغراض
وجابوا الفطور وافطروا وكانوا يسولفون فجاءه تكلمت رنا وقالت : بنات
ردوا كلهم : هلا
رنا: امس خالتي ام سهم قالت ل ذكرى هذي بنتي وذكرى ابتسمت بس محد انتبه يعني وربي جاني لاق كيف كذا خالتي امنه هي ام ذكرى
سكتوا البنات وهم يتذكرون الموقف شهقت العنود :يمه صح كيف ليكون بتزوجها سهم
ذكرى: يمه تبين اتزوج الوحش ذا
دنى : هيي عن الغلط لا الوطك
ضحكت ذكرى: امزح ياقلبي بس احس مستحيل يمه ماقصدها شي عمتي حبت تعرف فيني لاني م احضر مناسبات كثير وامي كانت بالمطبخ يعني
دنى: انا احس كذا بعد بس امي تحب تشارك وكذا هذا طبعها مدري يعني
ميان: لا خلاص زواج يبنات تجهزوا
ضحكوا كلهم وردت ذكرى: احس مو مستعده اتزوج ابداً
لمى: م احسك عروس يالله مشاعر
رنا: صح صح
دنى: حسستني تزوجت الحين
لمى: اص انتي نسولف يعني
دنى: لمحت شي اسود يابنات والله م اكذب طبعاً دنى مخروشه ودايم تخوفهم
العنود: تراها بتخرشكم وقولوا عنود ماقالت
دنى : م اكذب عند الباب
ذكرى: بقوم افتح وصيروا شوي ورا عن الباب
قامت ذكرى وفتحت الباب تشوف واحد لابس اسود وقف قلبها وقالت بنفسها بسم الله
ميان بصوت عالي: بعقلكم انتم من بيجي هالحين الساعه ٩ يمكن وعليها
ذكرى قفلت الباب بشوي : الا يبنات في شي طويل واقف لابس اسود واحس اهربوا
ميان: امشي ذكرى نفتح جيبي جلالتنا رنا
راحت رنا طياره جابتهم وجت عطتهم ولبسوهم وميان قدامها وذكرى وراها افتحوا الباب وجابت معها صوط وذكرى عصا
كان في شجره كبيره مايقدرون يدخلون ولا يشوفون زين الا يطلعون بوسط الشارع فما كانوا يشوفون الا هالشخص لابس اسود
تقدموا شوي وشافوا مافي احد بالشارع ولا العيال قاعدين اخذت العصا ذكرى وصفقته مع راسه واغمى عليه شهقوا كلهم ميان : شكله مات
ذكرى: يمه دم والله دم
ميان : اصبري بشوف وجهه
ذكرى: خلصي مين
ميان: عبدالاله!!!
ذكرى: هااا
ميان: بنادي البنات نسحبه
فكوا الباب وسحبوه لين حطوه بالحوش وواقفين على راسه كلهم تقدمت ذكرى وجابت الادوات الطبيه ومسحت دمه الي على راسه ولفته وجابت مويه بارد وكبت عليه وصحى وكلهم لابسين جلالتهم وهربوا اول ماصحى فجاءه يشوف الوان يركضون ماكان بوعيه ابداً رجع اغمى عليه
دنى: مين الي صفقته؟
ميان: ذكرى
دنى: ادق على سهم؟
ميان: كيفك بس هو الحين بس لو يدري اننا سطرناه بالشارع يجيب السياره ويدعمنا
دنى: اجل عندي فكره تعالي ياميان وذكرى امشوا نشوفه ونقوله ونفهمه الموضوع بس محد يدري خلونا بالحوش وعادي لو شافوونا
طلعوا كلهم وكان جالس بس راسه يوجعه تقدمت ذكرى : عبدالاله
عبدالاله: ها
ذكرى: انا ضربتك بالعصا ماكان قصدي بس خفنا وطلعت يدي من تحت الشجره وضربتك
عبدالاله ضحك: ياربي طيب عادي اصلاً كنت بخوفكم
ميان: هدوني عليه
دنى: اهجدي امشوا خلوه يبلع
-
"في بيت سهم "
صحى الصباح بروقان لانه امس نام بدري قام دخل المطبخ وطبخ له فطور بيض دائري وحط قطع جبن حلوم جاب توست حط عليه افكادو وحط البيض واخذ كوب شاي وطلع وفتح الكمبيوتر وبدأ يشوف وش عنده شغل خلص شغله واخذ شاور بارد سريع ولبس ثوب وسديريه وحط لثمه شماغ وطلع ل قصر ال حثلين وال شيخ
دخل لقاهم مزهبين القهوه وجالسين ف المجلس نطق : السلاام جميعااً
عبدالله: الله حيه السهم
سهم: الله يحيك وين ابوي ؟
عبدالله : شف داخل
سهم: يلا بشوفهم وجمعوا العيال الجو يبيله كشته
عبدالله: من شفتك متلثم عرفت ان دخل علينا فصل الشتاء
ابتسم له سهم ودخل داخل : السلام فيه احد يبه
ابو سهم: هنا تعال بنات تغطوا ولا اطلعوا للي مو مرتاحه
ذكرى: انا بطلع عندي شغل اصلاً
ابو سهم: درب السلامه
ذكرى: الله يسلمك
دخل سهم والبنات متغطين وقال: ودكم نكشت ؟
دنى: اييي
سهم: لعيونتس تبشرين
دنى: عاش اخوي انا بقوم اتجهز
سهم: روحي
ابو سهم: يلا وين تبون؟
سهم: النفود جهزي اغراضكم وانا بجمع العيال كل واحد يسلتم شغله والي مو موجود يجيبه
ابو سهم: طيب
طلع ونطوا البنات وناسسسه كشتته امسكوا ذكرى اججل !!
سوسن : يلا بروح امسكها مدام اني عروسه بتطيعني اذا ماعندها شي ضروري
العنود: تمام وطلعوا من المجلس وكل وحده دخلت غرفتها تتجهز ووصلت سوسن ل ذكرى: ذكرى لاتروحين في كشته خالي خالد قال
ذكرى: تكفيين مقدر الحين لازم اروح عندي شغب مُهم
سوسن: حاولي ماتقدرين؟
ذكرى: هو ياخذ ساعتين على ماتتجهزوون وتروحون اكون واصله لكم بأذن الله.
سوسن: خلاص ياحُبي
ردت بالابتسامه لها وطلعت سوسن تجهز معهم ونزلت طايره ذكرى: ياعرب بروح مشيت
ام ذكرى: وين ي امي؟
ذكرى: يمه بروح شغلي ضروري واذا قدرت لحقت لكم
ام ذكرى: طيب انتبهي ل الطريق
ذكرى: ابشري
نزلت على طول صادفت العيال بوجهها شغلت سيارتها وحطت اغراضها
اويس : على وين
ذكرى: شبغيت
اويس : بنكشت امشي معنا
ذكرى: عندي شغل مهم واذا خلصت جيتكم ارسلوا الموقع لي
اويس : طيب
كان كل هذا تحت انظار سهم ويدري ان اويس وذكرى من لما كانوا اطفال علاقتهم حلوه مع بعض بس كبرت وتغطت جاه سؤال بنفسه معقول اويس يحب ذكرى؟؟
قاطع تفكيره عبدالعزيز : ياهوه وين رحت اخلص امش
سهم: يلا
وطلعوا ماشين ل النفود وذكرى في طريقه
لشغلها
دخلت وطارت بسرعه لمكتبها تسوي اوراقها وتحول حاله ل صاحبتها نور استملت نور وقالت ارسلت لك حاله بليز حليها خاطري اطلع كشته مع اهلي
نور: ابشري ياعيوني
ذكرى: احبك والله
نور: وانا بعد
طفت المكالمه وخلصت شغلها وصارت الساعه ٣ العصر
دقت على ابوها : بابا
ابو ذكرى: هلا
ذكرى: ارسلي الموقع اذا وصلتوا
ابو ذكرى: ماوصلنا حنا نمشي وراهم اطلعي انتي وامسكي خط يمكن تقابلين العيال عند المحطه بترول تبعد عن بيتنا ٣٠ دقيقه
ذكرى: اي عرفتها يلا
طفت المكالمه دخلت البيت وغيرت لبسها لبت بلوفر اسود وبنطلون ابيض قالت بنفسها: احس غريب لبس بنطلون ابيض بس يلا
وطلعت شراب اسود وجزمه سوده ولبست عبايتها الكحليه بما انه بر ومايكونون البنات عند العيال وتحجبت ولبست كمام وكحلت عيونها وطلعت
وصلت المحطه وتناظر تشوف عبدالاله مع مفرحات طالع من البقاله و سهم يعبي بانزين وماسك جواله و عبدالعزيز ف السياره دخلوا اغراضهم وضربت بوري لهم لفوا كلهم وعرفوا انها ذكرى نطقت: ابوي قالي مكانكم وامشوا قدامي بمشي وراكم
سهم: زين
شمقت له وقالت: وحش شف شلون يقول زين وع وكانت تعدل حجابها لف لها : انا وحش يالخاسيه!
ذكرى: مدري تذكر قبل وش تقول ؟
سهم: شقلت ؟
ذكرى: كنت تسوي لي عقابات وتقول انا وحش بسطرك
سهم: ياليل تذكرين للحين
ذكرى: م انسى وبكره لاجو عيالك بقولهم بعد شكنت تسوي
سهم: طيب بس لاتقولين لهم عن العقاب ذاك الي خبري خبرتس
ذكرى: وصخ اذلف
مشى سهم وركب السياره واسرع متعمد عشان ماتقدر توصله بسرعه لاكن ماعرف انها تسرع وبس كلام قدام ابوها اسرعت قوه وتعدته وقال بنفسه: مي هينه بنت بسام
عبدالعزيز : تسولف مع نفسك؟
سهم: لا عطوني عصير مويه شي
عبدالعزيز : عطوه يعيال
-
"بسياره عبدالله وسوسن"
سوسن: تبي عصير شي ؟
عبدالله : لا
سوسن اوك
عبدالله: جبتي جاكيت شي ترا بنجلس لليل
سوسن: ماعليك جبت
عبدالله: تمام
-
"ووصلوا الساعه تقريباً ٣ ونص العصر "
نزلوا كلهم وبدوا البنات يرتبون جلساتهم والعيال كذلك والاهل جالسين
ام سهم: ايه عاشوا العيال والبنات
ام ذكرى: بنات حطوا الفرشه ذي لنا وهذيك لهم
ذكرى غمزت ل امها وفهمت وضحكوا
ام اويس: مين جابت كرك؟
ام عبدالعزيز: انا في احد جايب بعد؟
ام ذكرى: انا جبت بعد ارسلو لهم زمزمتين
ابو سهم: وحده خلوها تصب الحين
ابو ذكرى: تعالي ياذكرى
ذكرى: هلا
ابو ذكرى: صبي كرك لهم
ذكرى: لمن؟
ابو ذكرى: للعيال والبنات ولنا
ذكرى: اوك قالت بنفسها مافي من البنات غيري؟ طيب الخدامه
صبت لهم كلهم ووصلت عند سهم مدت له نطق: امسكيه خليني اربط ذا
ووقفت عنده كان يشوفهم ابو سهم نطق : شرايك نزوجهم؟ لابقين واجد
ابو ذكرى: ابد الباب حولك
ابو سهم: عاش ولد عمي والله
ابو ذكرى: عاشت ايامك يالرفيق
ابتسم له ابو سهم
"عند سهم "
ذكرى: اعجل علي
سهم: انتظري قلت
ذكرى: ماعندي صبر اوقف جنبك !
سهم: نزليه بالارض اوريك
ذكرى: ابتسمت ضحكتني الله يسعدك
حطها سهم براسه بعد كلمتها ذي واكتفى بالصمت ..
.
.
.
تعالوا سناب وانستا ف البايو🩷
