لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 2

الكل كان مستانس من علاقه الجد ب شوق و شلون معوضها بس يا ترا هل فعلا معوضها او لا
شوق بأبتسامه : تسلملي يا جد بس بغيت اصور سفرتنا
الجد ضحك وقال: اخذي راحتك صوري اللي تبين
عوض : بسرعه مره جوعان
شوق هزت راسها بنعم و قعدت تصور و من داخلها حماس من زمان ما اجمتعو العايله كلهم بعض
شوق : خلصت
ابو وليد : يالله سمو بالله و اكلو
الكل : بسم الله
شوق بهمس لأمها : ماما نسيتي العلاج ما عطيتيني
عبير قالت : يالله رايحه اجيبه لك
وقفت عبير وقال ابو وليد : وين يا اختي ما يمدي خلصتي اكل
عبير هزت راسها بنفي: لا لا ما خلصت بس بروح شوي و برجع
راحت عبير تاخذ علاجات شوق اللي كانت تعاني من مشاكل نفسيه رغم انها ما يبين عليها و محد كان عارف بهذا الشي غير الجد و الام و الخال ابو وليد رجعت ام وليد و معاها علاجات شوق وعطتها و شافتها ام مشاري : بسم الله عليها وش فيها
عبير : لا مافيها شي بس شوي تعبانه
ام مشاري : ياعمري ماتشوف شر
جوري : شفيك شوق
شوق بتوتر : لا مافيني شي بس تدرين فيني القلب ولازم اخذ علاجاتي قبل الاكل
جوري هزت راسه اهااا
شوق اخذ علاجها و كملت تاكل
عند عوض اللي كان مره مشغول بالاكل ولا عطى اهتمام للموضوع قال و هو يأشر على طبق شوق : مين مسوي هذا
العنود : شوقي مسويته مره لذيذ تسلم يدك
عوض ضحك و قال : مايهم اذا لذيذ او لا بس سؤال قالولك اننا عايشن بأمريكا علشان تسوينه
شوق مره تضايقت من عوض وسكتت قعدت تاكل صح الموضوع بسيط بس ماتقدر ما تتضايق من ابسط الاشياء
لمار: خلاص ماتبي لا تاكل
ابو وليد: بس انت وياها اكلو بهدوء
الجد : وش هو طبقك يا شوق
شوق : سويت هذا صحن اجبان و فواكه و بان كيك
الجد : والله ما اعرف وش هو البان كيك ذا لكن ما دام شوق مسويتها عطيني منها اجربها
شوق ابتسمت وقالت: حاضر يا جدي الحين احط لك بس ما قلتلي تبي عسل ولا شوكلاتة عليها
الجد : حطي لي عسل يا عسل انتي
شوق بخجل : تسلم يا جدي
ابو رنا : الله مين قدك ابوي يقولك يا عسل
ضحكت شوق بخجل و حطت لجدها و قعد يضحك عوض و يحارشها وقال : ههههههه اي عسل يا جدي الله يهداك بس
شوق طالعته وسكتت وقالت : تفضل جدي ، انا خلصت الحمدالله
ابو وليد : اقعدي وانا ابوك ما كملتي اكلك ، لا تتضايقين منه ذا الخبل وصفق عوض على راسه
شوق : لا الحمدالله خلصت شبعت
جوري: خير شوق ما اكلتي شي اقعدي كملي معنا
شوق : لا والله مره شبعت ،يالله سلام و اذا خلصتوا انا فوق بغرفتي اكمل التوزيعات
البنات : طيب
طلعت شوق متجه لغرفتها و كانت متضايقه من عوض و متضايقه كيف قاعد يضحك عليها و من داخلها يقول ليش يسوي كذا من اول يوم و أنا ما سويت له شي و ما كنت تدري ان عوض كان يحارشها علشان يسمع صوتها و كيف ترادده بكلامها و كيف هو ينبسط لما يتكلم معها بهذي الطريقه وكيف ما ينبسط لكلامها و هي معجبته الاولى كان معجب بشخصيّتها من يوم ما كانت صغيره و زاد اعجابه لها الحين ،دخلت غرفتها وبدلت ملابسها لبجامه كاشفه أكتافها و جلست على الكرسي و صارت تبكي و زاد بكائها اكثر لما شافت رساله من رقم مجهول يقول ( انا طلعت من السجن يا **** ولا تتوقعين اني بتركك هههههههههه مستحيل اتركك وراك وراك لين ما انهي عليك يا ***** انتي و عايلتك تحسبين اني نسيت كيف بلغتي عني الشرطه ههههههه لا مانسيت وراح اخليك تندمين على اليوم اللي جيتي فيه على الدنيا و اسوي فيك مثل ما كنت اسوي فيك قبل و خبرك كفايه يا رخيصه ) شوق جلست تصيح زياده و طلعت تنادي امها ببكي و نزلت بدون شي يغطي أكتافها : ممماااااااماااااااا
عبير اللي كانت جالسه تاكل : بسم الله شفيها
جوري لعوض اللي كانو واقفين برا المجلس يغسلون يدهم : كله منك امش نروح نشوف شصاير
عوض رفع أكتافه : مالي دخل و خلصي امشي
نزلت شوق من الدرج تبكي و طلعت عبير و شافتها جايه لها تبكي توقعت من كلام عوض وقالت: بسم الله عليك شفيك عادي ما صار شي يا ماما
جاء عوض و جوري و شافوهم واقفين عند الدرج و ام شوق تحضنها قالت جوري لعوض : لف وجهك لابسه بجامه
عوض صد وقال: صديت صديت
جوري ل عمتها عبير : شفيها
عبير وهي تمسح على شعر شوق : زعلانه من كلام عوض
جوري التفت لعوض اللي كان صاد: قلتلك بس ما تسمعني شفت شلون كله منك
شوق ببكي بحضن عبير : لااااااا يا مااامااا لا ماما طلع يا مااماا شوفي و بدت تبكي 
مدت لها الجوال وقالت عبير : مين اللي طلع
شافت الرساله و انصدمت كيف طلع صقر و كيف حصل رقم شوق خافت عليها منه وقالت : مالك دخل فيه مايقدر يسوي لك شي
شوق ببكي : ماما خااايفه يا ماما اخاف يسوي شي والله خايفه
عبير رجعت تحضنها وقالت : ماعليك منه امشي معي و محد يجيك انا اعرف كيف اتصرف معه
دخلت شوق و عبير المجلس اللي كانو يتفطرون فيه و جوري وعوض دخلو بعدهم قال ابو وليد : بسم الله شفها تبكي
عبير جلست على الكنب و معاها شوق ماسكه يدها و تحضنها و قالت : صقر طلع من السجن و داز لها رساله 
ابو مشاري وقف وقال : كيفففففف
شوق ببكي : مدري مدرييي
عوض شاف ان كل العيال قاعدين يطالعون فيها و في داخله شي يقول له عطها شماغك و فعلاً نزل شماغه و تقدم لعمته عبير و قال لها : اخذي يعمه غطي أكتافها اخذت عبير شماغه و حطته عليها و قال الجد : تبكين و حنا كلنا معك ماعليك منه ما يقدر يسوي لك شي وانا موجود
شوق ببكي : بس خايفه خايفه
تقدم ابو وليد يحظنها وقال : ماعليك انا موجود و مايقدر يسوي لك شي عطيني جوالك اشوف المحادثه
مدت شوق الجوال وشاف الرساله وقال ابو وليد : صدق انه خسسسيسسس
ابو وليد قال للجد وش مكتوب بالرساله وقال الجد لشوق : ما عليك منه والله ما يجيك والله خليه يولي وانا ابوك والله ما يلمس شعره منه تعالي
فتح الجد يده و تقدمت شوق تحضنه و كانت تبكي وقال و هو يمسح على راسها : ما عليك كلنا معك ماعليك انتي بس هدي ما راح يصير شي ان شاء لله غير اللي كاتبه الله
بعدت شوق تمسح دموعها و قالت : ان شاء الله
العنود وهي تاكل : ولا يهمك شوشو إذا تطلب الأمر راح أصير محاميتك
ضحك الكل على العنود و ضحك شوق لها و ناظرت عوض اللي واقف و كان يبادلها النظرات و هو عاقد حواجبه و مكتكتف بعد ما قرا من الرساله
جوري : ولا يهمك كلنا معاك اصلاً
تقدمت تحضنها وقالت جوري : ما تعودت عليك كذا لا تبكين
شوق : ان شاء الله
ابو وليد : روحي غسلي ووجهك حبيبتي وتعالي يالله
شوق لجوري : تعالي معي وانتي بعد غلا و لمار
جوري : يالله جايه
لمار : اخلص اكل و أجيك 
طلعت شوق مع جوري و غلا من المجلس وقالت عبير : والله خايفه عليها منه
ام مشاري : افا عليك عبير العيال كلهم موجود ماراح يجي يسوي شي ماعليك
محد كان يعرف ان ابو شوق كان يت*حرش فيها من لما كانت صغيره حتى لما كبرت ما تركها بحالها غير الجد و ابو وليد و عبير و الحين عرف عوض من الكلام ان ابوها يت*حرش فيها
تقدم ابو وليد لاخته وقال : افا عليك يا اختي تخافين و حنا حواليك
عبير سندت راسها على صدر اخوها وقالت: عساني ما انحرم منكم