ومَق الدُليار .

الدُليار السَابع .

ديانا دكول الـ غياث :
رشَ الدرب تيزاب حافي اعتنيلك
چَا شِلي بـ الرُجلين الما تجَيلك 🔥!

غياث يجاوبها :
لو مو ترش تيزاب
لو تُزرع الغام
اللحم خلة يروحَ
أوصلك اعضام 🔥♥️ .

_____________

ديانا :

- رحت يم البنات  بَـ وقت العشاء و چانت موجود عمتي اُم حسن يمهم
و سوت رِيتاج النا عشاء كباب و طماطة لاجَعة و بتيتة

- كعدنا كُلنا بـ الكاع و كعدن عمَتي و خالتي و البنات
چانت كعده كُلش تجنن و حنينك حِيل و تسوى الف طلعة ، حچت عمتي

ام حسن : بَناتي أكلن زين باچر وراچن مشَي و تعب

- جاوبتها رِيتاج
رِيتاج : يُمة ما نتعب  قابل اول مرة نمشَي ترة كبرنا احنى

ام حسن : اي تبقن  بناتي حتى لو كبرتن

رِيتاج : الله يخليج النا

- خلصنا العشة بَسرعة و كُل وحده سَوت شغله ، صاحت النا خالتي

ام ريتاج : يلا سبحن و نامن ورانه كعده من الصبح والله
الي متقبل تكعد راسًا اعوفها و اروح مااحاول وياها ابد

رِيتاج : اي ماما عود احنى نُكعد

- هَمست ريتا قريب مِني
ريتا : اتحداجن اذا تنامن  وباجر غياث يجي

ديانا : اسُكتي فَضحتينا

- سبَحنا وحده ورا الثانيه و صعدنا فوك نحضر الغراض بـ الجُنط
أثناء ما نرتب صاحب رِيتاج

رِيتاج : حبابات اخذن مشَط ويأجن لتنسن

سالي : شنو رايحين نسوي تسريحات و ناخذ مشط

ديانا : اي صدُك خل ناخذ  مشط و ملابس و عطر خاف نطب نسبح هناك

- سدينا الجَنط و كملنا و رحنا كُل وحده تمددت على فراشها
حچَت رِيتاج

رِيتاج : اكُلجن شو كومن خل نطبك الچرابَي و نّام سوية اليوم

- كمنا سحَلنا الچرابة و طبكناهن و صار مكان چَبير ، جبنا بطانيات
و مخداتنا و تمددنا وحده بَصف الثانية و بدينا نسولف