"ဒိုင်း ဒိုင်း ဒိုင်း"
သေနတ်သံအချို့ပြီးနောက် တိုက်ရိုက်ထုတ်လွှင့်မှုထဲရှိပြကွက်မှာစောင်းသွားခဲ့သည်။
ဘေးတံခါးကိုစတင်ဖျက်နေပြီဖြစ်သောရဲတပ်သားထံမှ သေနတ်သံများ အဆက်မပြတ်ထွက်ပေါ်နေသည်။
"မှတ်ထားကြပါ၊ မင်းတို့ရဲ့ကျည်ကပ်တွေကိုအလွတ်မထားကြပါနဲ့၊ ပြစ်မှုကျူးလွန်သူကအဆောက်အဦးထဲမှာပုန်းနေနိုင်သေးတယ်"
အခုအချိန်မှာအမြင့်ဆုံးတာဝန်ကိုယူထားတဲ့ အရာရှိ 'ရော့စ်'က သူ၏ရဲတပ်သားများကို ကျည်များကိုချွေတာရန် သတိပေးလိုက်သည်။
မကြာခင်မှာဘေးတံခါးရှိသော့မှာသေနတ်ပစ်ချက်များကြောင့်ပျက်သွားခဲ့သည်။
"မြန်မြန် တံခါးကိုကန်လိုက်"
"ရော့စ်"၏ အမိန့်အောက်တွင် ရဲတပ်သားအချို့က ဘေးတံခါးကို အတူတကွကန်လိုက်ကြသောအခါ တံခါးမှာမြေပေါ်သို့ပြုတ်ကျသွားခဲ့သည်။
"ဆေးတပ်ဖွဲ့ကို အလယ်မှာထားပြီးငါ့နောက်လိုက်ခဲ့ကြ"
ရဲတပ်သားအနည်းငယ်ကဆေးတပ်ဖွဲ့နှင့်အတူအမြန်ဝင်လာကြသည်။
"သေဆုံးဖို့ရန်စက္ကန့်၃၀အလို"
'ဂျက်' ကနောက်တစ်ခါထပ်ပြောသည်။
သူကထောက်ထားစွာအချိန်ကိုဆက်ရေတွက်နေသည်။
"သူတို့ကို 'ဘိုဝမ်'ကို ကယ်တင်ခွင့်မပေးပါနဲ့"
"တရားသူကြီးက အခြားအကြံဉာဏ်များမရှိတော့ဘူးလား၊ အမြန် 'ဘိုဝမ်'ကို သတ်လိုက်ပါတော့၊ သူ့ကိုမကယ်စေနဲ့"
"ငါအရမ်းထိတ်လန့်နေပြီ၊ ဆက်မကြည့်ရဲတော့ဘူး၊ တကယ်လို့ 'ဘိုဝမ်'ကယ်တင်ခြင်းခံရတာကိုသာငါတွေ့ရမယ်ဆိုရင်တော့ ငါနှလုံးရောဂါရသွားနိုင်တယ်"
"ငါအဲ့ကိုအမြန်ပြေးသွားပြီးသာသူ့ကိုသတ်ပစ်လိုက်ချင်တယ်"
"သေခြင်းတရားသူကြီးကို ယုံကြည်ကြပါ၊ သူအခုထိဘာအမှားမှမလုပ်မိသေးဘူး၊ အရာအားလုံးကအတိအကျ ပလန်ဆွဲထားတာ"
နောက်ထပ် မှတ်ချက်များ ပလူပျံသွားပြန်သည်။
"မြန်မြန် မြန်မြန်၊ ဆေးအဖွဲ့တွေ သူတို့ကို သွားကယ်ကြ"
STAI LEGGENDO
တိုက်ရိုက်ထုတ်လွှင့်မှု: သေခြင်း၏တရားစီရင်ရေးမှူး
Mistero / Thrillerဇာတ်လမ်းအကျဉ်း ဂျက်သည် အခြားအပြိုင်ကမ္ဘာတစ်ခုသို့ရောက်ရှိသွားပြီး အပြစ်သားများအားနှိမ်းနင်းလျှင် ဆုရရှိသောတရားစီရင်ရေးစနစ်တစ်ခုတွင် ပိတ်မိသွားခဲ့သည်။ ဤသို့ဖြင့် တရားဥပဒေ၏ အထက်တွင်ရှိသော သေခြင်းတရားစီရင်ရေးမှူးတစ်ယောက်မွေးဖွားလာခဲ့သည်။ သေခြင်းတရားထ...
