Epilogue
Soulmate.
"Smile ka."
*CLICK!*
"Uy teka!"
True love.
"Ngitii!!!"
*CLICK!*
"Ano ba Sydney. Tigilan mo ako."
Nagtawanan kami.
"Isa lang naman."
"Isa ka dyan. Halos mapuno na nga ng mukha ko yang camera mo e! Gusto mo pang isa? At teka nga! Ano bang gagawin mo sa mga pictures na yan?"
"Secret."
"Aynako. Ewan ko sayo."
Niyakap niya ako mula sa likod, "Ito naman. Masyadong highblood. Buntis ka na noh?"
"Uy Lorenzo tigilan mo ako! Hindi pa tayo kasal FYI."
"Bakit? May iba namang babaeng nabubuntis kahit di pa sila kasal ah? Pwede namang unahin yung honeymoon. What do you think soon to be Mrs. Chan?"
Napangiti na lang ako. Tatlong taon na pala kami. Pero hanggang ngayon, hindi pa rin kami kasal. Twenty pa kasi ako nung mag-propose siya. Ngayon, twenty three na ako. Siya naman, twenty four.
Hay.
Hanggang ngayon, hindi pa rin ako makapaniwalang nangyayari lahat ng to. Hindi pa rin ako makapaniwala na natagpuan ko na sa wakas ang matagal ko ng hinahanap.
Yung soulmate ko.
Bawat tao, may kanya-kanyang soulmate. Soulmate. Other half kung tatawagin. Isang taong kukumpleto ng buhay mo. Yung parang hindi mo kayang lumipas ang isang araw na hindi kayo nagkakausap. Yung taong komportableng komportable kang ikwento sa kanya ang lahat. At parang ang dami-dami niyong kapareha. Malaki ang parte niya sa buhay mo at kahit gaano kayo ipaglayo ng tadhana, babalik siya sayo. Bakit? Kasi nakalaan kayo sa isa't isa. May isang red string na naka-attach sa mga daliri niyo na nangangahulugang kayo talaga.
Pero may iba ring mag-soulmates na hindi nagkakatuluyan. Siguro kasi ganun lang talaga. Hanggang magkaibigan lang talaga sila. Bestfriend. Yung taong napagkukwentuhan mo sa lahat at feeling mo kulang ang buhay mo pag wala siya. Madami kayong kapareha at komportable kayo sa isa't isa. Other half. Bestfriend.
At hanggang doon lang yun.
Bakit?
Kasi magkaiba ang soulmate sa true love.
Maaaring siya nga ang soulmate mo. Pero... iba pa rin kasi ang true love.
True love.
Mas malalim sa salitang Soulmate ang True love. Mas makahulugan. Kapag trinanslate mo yan, ang ibig sabihin... Totoong pag-ibig. Ang hirap hanapin ng totoong pag-ibig. Parang kalsada lang na lubak-lubak at paliko-liko. At sa parte ng paghahanap o paghihintay mo ng true love, marami kang taong masasaktan at maraming beses kang masasaktan. Pero gaano man kabigat yang nararamdaman mo, huwag kang mag alala. Lilipas din yan. Dadating at dadating ka pa rin sa patutunguhan mo, sa kabila ng lubak lubak na daan. Makikita mo rin siya. At sa mga oras na yun, masasabi mo na lang sa sarili mong... Siya na talaga.
Isang beses nga may narinig ako, "Nakita ko na yung soulmate ko! Pero san na kaya yung true love ko?"
Ako nga rin e. Napapaisip. Sino kaya yung soumate ko? Sino kaya ang true love ko? At napapangiti na lang ako pag naiisip ko kung gaano ako kaswerte.
Kasi yung soulmate ko... at yung true love ko... ay iisang tao lang.
At eto.
Magsisimula na.
