paano kita maaalis sa isipan,
maitatakwil, kung ang kagandahan
mo ang siyang nagwawala sa aking
panaginip, ang unang sumasagi
sa isip, pagmulat ng mga mata: ikaw
ang unang makikita.
sabihin mo kung paano at anong
makagagamot, anong makahihilom
sa sugat ng matalim na hiwa ng
milyon-milyong taon-liwanag;
nakakaltas man ang mga pagitan
sa iyong kabutihan, umaapaw pa rin
ang katotohanan, na ako lámang
ang tunay na masidhing
nangungulila, bumabathala,
sa naiwan mong imahen
sa alaala.
lagi akong sasaiyo,
kahit ikaw man ay
hindi sumaakin
kailanman.
8 Hulyo 2015
3:33 nh
BINABASA MO ANG
sintones (isang antolohiya)
PoetrySinasabing sinasalamin ng isang akda ang karampot na katotohanan ng búhay; at sa ganang ito, ng mga akdang naririto, ang búhay at katotohanan ay ipaparis sa isang berdeng sintones. Maasim, bubot, magaspang. At ang kasariwaan, marahil, ay ibibigay na...