في هوى دارك سنين العُمر

في هوى دارك سنين العُمر بارت 15

غرور ناظرت لريهام : قلتي انك عطيتي رقمي لغيث؟ لانه جاني اتصال من رقم غريب ؟
ريهام هزت راسها بالنفي : لا ما عطيته وي !
غرور رفعت كتوفها : مدري والله توقعته هو ،
عنود مدت لهم الجوال : شرايكم بذي الفستان؟
ريهام : واو تجننن ومتاكده انتي راح تحلينه ،
غرور ابتسمت وهي تقوم : شرايكم نطلع لمول؟
عنود : اي تكفين يلا ومحمد راح لاهله و اخذ هتان معه ،
ريهام وقفت وهي تسحب العبايه و تلبس : يلا بدون نقاش معاكم معاكم وين ما تروحون ،
-
تركي كان جالس في المجلس ويناظر لـ هتان الي يلعب قدامه ومحمد وسطام يسولفون اخذ نفس وطلع جواله الثاني من جيبه وهو يشغله اول ما شغله ناظر لاتصالات من شوق و اكثر من رساله بالواتس دخل وهو يقرا " مين انت" رد " وكل الرسايل تساؤلات اخذ نفس وهو يكتب لها ' اعتبريني فاعل خير،
شوق كانت جالسه مع حور عند المسبح وياكلون ورق عنب ،
شوق : يعني كان يراضيكِ وجاه اتصال و هج؟
حور : اي اعتقد عمي غازي اتصل عليه صاير شي يمكن ،
شوق : ا..سكتت وهي تشوف جوالها اول ما وصل رسالها وفزت وناظرت لـ حور ' رد رد!
حور فزت : مين و شقال ؟
شوق سكتت وهي تقرا وهمست ' اعتبريني فاعل خير ؟؟
-
نايف : قايل لك اني مدري عنها ولا عارف عنها شيء!
فيصل : كل اهل الديره يتداولون هالخبر وتقول ماتعرف شي!
نايف : كله كذب يعني ما تصدقني!
فيصل : لا ما اصدقك لانك انت شلت الورقه !
نايف : معرف شي ماني داري عن شي ي فيصل،
فيصل : الا تعرف كل شيء و تخبي عني علمني افضل لك!
نايف تنهد ونطق : اي عندي في حائل ارتحت الحين؟
فيصل ناظر بصدمه : تستهبل على راسي انت!
نايف : مو تبي تعرف؟ خلاص علمتك ،
فيصل مسكه من طرف ثوبه : صاحي انت !
نايف رفع نظره : اي صاحي احبها و زوجوها لغيري!
فيصل وقف بصدمه وهو يطالع فيه ،
-
هنوف : ابوه يعني عرف بالموضوع ؟
عبدالعزيز تنهد : اي عرف وكلمت نايف يصمل على الجحد ،
هنوف بخوف : طيب لو كشفوه وعرفوا انها معه ؟
عبدالعزيز : ماراح يعرفون دام نايف ما علم احد ،
هنوف : طيب اكلم ترف؟
عبدالعزيز هز راسه بالنفي : لا خليها غافله عن الموضوع ،
هنوف سكتت وهي تناظر فيه : امك تعبت اخذه المستشفى عمي اكيد تدري بذي الموضوع ؟
عبدالعزيز : اي ادري و رايح لها الحين ،
-
جاسر ناظر لـ نآهل : نايف مستحيل يسوي هالحركه،
نآهل : كلهم شاهدين والرجال شافه بعيونه يعني يكذب!
جاسر : اي احتمال يكذب عنده دليل انه نايف خطف بنتهم! هي متزوجه ليه يخطف وحده متزوجه بالعقل ي ابوي!
ناهل : لو اخوك صادق ما خطف البنت ما كان عصب كذا ،
جاسر اخذ نفس وسكت وهو يجلس على الكرسي ،
-

ام فيصل : شصار و ليه فيصل راح الديره ؟
غازي : مطلعين كلام انه نايف خطف وحده متزوجه ،
ام فيصل شهقت بصدمه : وشووو؟؟؟
غازي : اي هالكلام يتداول بين اهل الديره ،
ام فيصل : حسبي الله ونعم الوكيل وش هالكلام ما يخافون ربهم وش يبي ولدنا يخطف وحده لا ومتزوجه بعد!
دخلت شوق وعقدت حواجبها : وش صاير؟
حور وقفت ورا شوق وتناظر باستغراب بملامح ام فيصل ،
ام فيصل : حسبي الله عليهم مطلعين اشاعات انه نايف خطف وحده متزوجه من الديره!
شوق فزت بصدمه : نايف خطف وحده متزوجه!
-
غرور كانت في المول مع البنات دخلوا لمحل العطور وقفت وهي تشم اكثر من عطر وهمست : ريحته تموت ي بنات ،
عنود اخذت منها العطر : عطيني اشم ،
ريهام : واو العطررر ريحة شتاء وتحسينه بارده تجننن ،
غرور رجعت تبخ و تشم : واو والله ي بنات يهبل يهبل باخذه و..سكتت من رن جوالها وناظرت للبنات: جاسر ؟
عنود بضحكه : توي كنت بقول خذي له عطر حب وحركات ،
ريهام : اي بالله عشان كل ما يشم العطر يتذكرك ويطيح اكثر ،
غرور ضحكت وهي ترجع الجوال بشنطتها : يلا ع ذوقكم ،
ريهام : لا خير ذوقنا على ذوقك انتي يا حياتي ذوقك يجننن ،
غرور توجهت وهي تاخذ من عطور رجالي و تشم الروايح والتفتت للبنات: هذا العطر باررد ينفع صيف وشتاء شرايكم؟
عنود : واو يجنن و ريحته قويه ،
غرور : هاه تم ؟
ريهام : اي اي تم وطلعي سعر العطر من جيبه ،
عنود ضحكت ومشت وهي تاخذ لها عطر ،
غرور : زين لونه من الخارج اسود نفس سواد قلبه ،
عنود ضحكت وهي تناظر : يالله منك امشي نشوف الفساتين ،
غرور : روحوا انتم وانا بشوف وش يبي قاعد يتصل ،
ومشت طلعت من عند الباب توجهت وقفت في الخارج و ردت بهدوء : اهلين سوري ما قدرت ارد قبل شوي ،
جاسر : ليه وين كنتي قبل شوي؟
غرور : مع البنات في المول وكنت مشغوله بـ اختيار هديه لك ،
جاسر عقد حواجبه : ليه وش المناسبه؟
غرور رفعت كتوفها : الى الان مافي مناسبه لكن اذا اقتنعت و وثقت ساعته نقدر نقول في مناسبه ،
جاسر : اي زين جايك بعد كم يوم ونتفاهم ،
غرور : ليه ما تعلمني وش عندك في الديره؟
جاسر : والله شغل خاص ماله داعي اعلمك ،
غرور : يعني مانت واثق فيني؟
جاسر : انتي وش رايك المفروض اثق ؟
غرور : خايف تثق؟
جاسر هز راسه بالنفي ونطق : خايف انخذل ،
غرور : وخايف ان العمر لوعات وحسايف؟
جاسر : واني افقد القلب الحقيقي ،
غرور عقدت حواجبها : خايف وانا معك؟
جاسر : الخوف منك انتي ولا الدنيا وناسه مالي خوف منهم زي ما ابوكِ سرق مني الامان وتركني يتيم الاب ف الخوف من بنته الان تتركني فاقد القلب و يتيم الحب ،
-