HER |MYG| Дууссан

XII

Нүүрэн дээр хорхой гүйх мэт ирвэгнэн хэн нэгний хоолой сааралтан сонсогдоно.

Амьсгалахад хэцүү болж, зүрх дэлсэж эхлэхэд би ухасхийн бослоо.

Хүнд хүнд амьсгалсаар арай хийн урагш харвал нүдний минь урд замхран алга болсон тэр минь инээмсэглэн сууж байлаа.

Үнэхээр юу болоод байгааг ухаж ойлгох тэнхэл алга. Ямар хачирхалтай зүйлс надад тохиолдоод байгаа юм бол?

Бодож, эргэлзэх зүйл их байсан ч түүнийг хажууд минь байгаад баярлаж, тайвширсан тул урагшлан түүнийгээ тэвэрч авлаа.

Бие жижиг, турьхан тэр энгэрт минь яг тааран тэврүүлэх нь хэчнээн тухтай гэж санана.