• ဒဏ်ရာရခြင်း
ဘဝဆိုသည်မှာ ဤသို့ပင်။ကောင်းမွန်သည့်အရာများကို သင်ဆုတောင်းပါက ဘယ်တော့မှဖြစ်မလာသော်ငြား မကောင်းသည့်အရာများကိုတွေးလိုက်ပါက ၎င်းတို့မှာချက်ချင်းကိုအကျိုးပေးလာလိမ့်မည်။ဥပမာပြောရပါက လုပ်ကြံသူဟာ ချမ်းသာလာဖို့အတွက် နေ့တိုင်းတွေးသော်လည်း ဘယ်တော့မှဖြစ်မလာခဲ့ပေ။မနေ့က ဒဏ်ရာရတာနှင့်ပတ်သတ်ပြီး ဘာရယ်မဟုတ်တွေးလိုက်မိရုံသာရှိသေး၊ ဒီနေ့ သူတကယ်ကြီး ဓားထိုးခံလိုက်ရသည်။
၎င်းဒဏ်ရာမှာ နက်လဲနက်၏။လက်ချောင်းသုံးချောင်းစာမျှရှိသည့်ဓားရှည်မှာ သူ့ရင်ဘတ်ကိုဖောက်ဝင်သွားပြီးသူ့ခန္ဓာကိုယ်အား ဖြတ်သွားလုမတတ်ပင်။ကံကောင်းစွာပဲ ကိုယ်တွင်းအင်္ဂါများမှာ မပျက်စီးသွားပေ။မည်သို့ပင်ဖြစ်စေ ဒဏ်ရာရထားသည့်နေရာမှာ အနည်းငယ် အန္တရာယ်များသဖြင့် သွေးများစွာကိုထွက်စေပြီး နည်းနည်းတော့ ကြောက်စရာကောင်းနေပုံပေါ်သည်။
ပတ်တီးစည်းပြီးသွားသည့်အခါ သူအတော်လေးကောင်းလာသလိုတောင် ခံစားရသည်။သူသည် လေ့ကျင့်ရေးများလုပ်ခဲ့စဉ် အတောအတွင်း၌ ဒီထက်ပိုဆိုးသည့်ဒဏ်ရာများကိုပင် အကြိမ်အတော်များများရခဲ့ဖူးပြီး တောင့်ခံနိုင်ခံဆဲသာဖြစ်သည်။ကံမကောင်းသည့်အလုပ်ရှင်မှာ သူ့ဘဝတစ်လျှောက်လုံး၌ အလိုလိုက်ခြင်းခံခဲ့ရသဖြင့် ဒီလိုသွေးထွက်သံယိုမြင်ကွင်းအား တစ်ခါမှမမြင်ခဲ့ဖူးပေ။သူ့မျက်နှာမှာ အတော်လေးဖြူဖျော့နေပြီး လုပ်ကြံသူအား ပြန်လည်ကောင်းမွန်လာစေရန် နာခံစွာဖြင့် အိပ်ရာထဲမှာသာလှဲနေစေသည်။
အားဆေးအမျိုးအစားပေါင်းစုံအား သူ့အတွက် ရေနွေးဖြင့်ထည့်ပြုတ်ထားပြီး ဆေးတစ်စက်မှမကျန်အောင်အကုန်သောက်ပြီးသည့်အချိန်ထိတိုင် သူ့မှာ စောင့်ကြည့်နေခြင်းကိုပင်ခံနေရ၏။သူ လက်ကိုဆန့်ထုတ်လိုက်ပါက အဝတ်အစားတွေဝတ်ပေးခြင်းခံရမည်၊ ပါးစပ်သာဟလိုက်ပါက အစားအစာများရောက်လာလိမ့်မည်ပင်။ဘာမှလုပ်စရာမရှိသည့်နေ့များက အလွန်သက်တောင့်သက်သာဖြစ်နေတာတောင် ဒီလိုအကျင့်ပျက်လူနေမှုပုံစံကြီးသည် သူ့အတွက်တော့အနည်းငယ် မကျွမ်းဝင်ဘဲရှိလှသည်။ပထမဆုံးနှစ်ရက်ကဆိုလျှင် ဝတ္ထုဆန်သလိုခံစားနေရသော်လည်း နောက်ပိုင်းမှာတော့ သူ့ခန္ဓာကိုယ်က တဖြည်းဖြည်းနှင့် မသက်မသာဖြစ်လာရသည်။
YOU ARE READING
The Unemployed Assasin [ဘာသာပြန်] /Completed/
RomanceOriginal Title_杀手他失业了 Author_Bailu Wei Shuang [白露未霜] Total Chapters_9. •This is Myanmar Translation and I don't own the story. •All credits to respectful Author and English Translators.