في ضريح العشق حمامـــــه......💙🕊

السادس والثلاثون

#في ضريح العشق حمامة.........

السادس والثلاثون ......

وئام الشيـخلـــــي.......

بارت طويل يعادل بارتين للعيونڪم الحلوه شوفوني تفاعلڪم ♥

مركب حلم في بحر الاشواق نسافر بالحروف بين الجمال وعذب الوصوف و على شموخ الوفاء ترتسم نجوم السماء لترتقي الأنظار إليها فتزداد شموخا مساء الجمال.♥♥♥♥♥

ـــــــــ

سحبت ايد رغده ڪلت وصليني استحي امشي بوحدي ــ

وكلت لهدى ـ مبروك التخرج دڪتوره ـ

ومشيت واثقه من نفسي بـس احس ڪسره بداخلي ماادري ليش ـ

ڪالت ليش هيج تصرفت هدى شڪيت بشي ــ

هيام ــ والله والله. مو بنت ابوي اذا مارديت الها الصاع صاعين ــ

رغده ـ فدوه شڪد حلو منظرج وانتي تتهدين ـ

واني اليوم اهد على امي وين ضامه هاي الڪحله ومڪحله بيها الغزال ــ من اجي اڪلب البيت عليها انطيها خبر ــ

هيام ــ مارجعت لخاطرها ابددد ـــ من البدايه متردده رغم لهفتي بالايام الراحت ــ

بس رنت ابالي ڪلمات الاخذ بحياتي دور الاب بحنيته ـ

خالي نجم ڪلامه محفور بدماغي مثل النقش على الحجر ـ

من يرفع شاني بين استاذتي ويفتخر بيه ويقطع مسافه من الموصل للبصره بس حتى يشوفني ويطمان عليه ــ

ورغم ڪل افضاله عليه ويڪولي بنت ابوها ورفعه راسنا ــ

بس لهذا السبب رجعت حسيت النضرات عليه ــ يمڪن لان لابسه احمر ـ

رغده ـ الشفقه سالفه ــ والاحمر سالفه والعيون سالفه ــ والضفيره الهنديه سالفه
والطول سالفه وبعد مجموعه السوالف تڪونت لوحه فنيه ـــ

مشينا وشفت وائل واڪف وي ولد ـ ڪلت اليوم ماناوي يخلص ــ

رغده ڪالت هذا وائل موبالله ـ

رديت اي ــ

رغده ــ حلو يحضي ــ شوفي الولد الوياه من زمان شاڪه بي من امن الجامعه شوفي المسدس بحزامه رافع الستره وادري من بغداد ــ

من شافنه اجه سلم ــ

واني ورغده ردينا السلام ـ ولزمت ڪف ايدها وضغطت علي اخفي ارتباڪي ــ