Unicode
ကိုက်ခဲနေသော မျက်ရိုးများကို ဖိကာနှိပ်ရင်း မြက်ထွေးတစ်ယောက် အိမ်ဧည့်ခန်းထဲ ခြေပစ်လက်ပစ်ထိုင်နေမိသည်။
ရုံးဆင်းချိန်မတိုင်မီ အိမ်ပြန်လာမိ၍ သမီးတို့ကိုဝင်ကြိုဖို့အတွက် ကလေးအား ဖုန်းဆက်ရပေဦးမည်။
" ကိုကို လား "
" အင်း "
ကြည့်ရသည်မှာ ကလေးငယ်တစ်ယောက် ညနေခင်း Round လှည့်ရာမှပြန်လာပုံရ၏။ သူ့ဖုန်းကို မကြည့်ပဲကိုင်လိုက်ခြင်းဖြစ်လောက်မည်။
" အသံက ဘာကြီးလဲ .. နေမကောင်းဘူးလား "
လမ်းလျှောက်သံများနှင့်အတူ တံခါးဖွင့်သံပါ ကြားလိုက်ရ၏။ သေချာသည်။ ကလေးငယ် မကြာခင် အိမ်ပြန်လာတော့မည်။
" ကိုယ် အိမ်ပြန်ရောက်နေလို့ ... သမီးတို့ကို ဝင်ခေါ်ခဲ့ပေးလို့ရမလား အေးဝေ "
" ရပါတယ် .. ကိုကိုနားဦး ... ကျွန်တော်ပြန်လာမှ သွေးပေါင်ချိန်ပေးမယ် ... ကိုကို့အသံက သွေးတိုးနေတဲ့အသံကြီး "
" ဟုတ်ပါပြီ ဒေါက်တာ .. ကျွန်တော်မျိုးစောင့်နေမယ်နော် "
ခပ်လေးလေးအတွေးတို့က မြက်ထွေးကို ပို၍ခေါင်းကိုက်လာစေ၏။ အလုပ်များကိုလည်း လက်လွှတ်တန်တာ လက်လွှတ်ရတော့မည်။ ချစ်လှစွာသောအမျိုးသားကလေးဘက်က မိသားစုအတွက် စီးပွားရေးခွဲျပေးဖို့ရန် သူပြင်ဆင်ခဲ့သော်ငြား ကလေးငယ်ကလက်သင့်မခံ။ ထို့အတွက် ငွေသွင်းစေကာ စီးပွားတစ်ခုခွဲဖို့ရန် သူတို့နှစ်ယောက်ဆုံးဖြတ်ခဲ့ကြ၏။
လာမည့်အပတ်ဆိုလျှင် သမီးနှစ်ယောက် ၅နှစ်ပြည့်ပြီ။ မွေးနေ့ပွဲသေးသေးကလေး သူလုပ်ပေးချင်သည်။ သူတို့၏အိမ်ထောင်ရေးအကြောင်းကို သူ့လောကနှင့် ကလေးငယ်၏အသိုက်အဝန်းက အားလုံးသိကြသော်ငြား သမီးနှစ်ယောက်အကြောင်းကို မီဒီယာထဲ၌ပင် အပါမခံဖူး၍ မိတ်ဆက်ပေးချင်မိသည်။
တိုင်ပင်စရာတော့ လိုနေခဲ့ပြီ။
........................
" ကိုကို ... ထဦး ... ဘာလို့ အိပ်ခန်းထဲသွားမအိပ်တာလဲ "
အသံကလေးနှင့်အတူ ကိုယ်ပေါ်တက်လာသည့် အိစိအိစိကလေးနှစ်ခု။
YOU ARE READING
တိမ္ဖံုးေကာင္းကင္ - တိမ်ဖုံးကောင်းကင် ( Completed )
Short Storyမသိတာကို အျပစ္မျမင္ရက္ပါဘူး ' ျမက္ေထြး' ေသြးစိမ္းရွင္ရွင္ထြက္ေအာင္လုပ္မွရက္စက္တာမဟုတ္ပါဘူး အျပစ္မျမင္ဘူးဆိုတဲ့ ခင္ဗ်ားကမွ ရက္စက္တာ မဟုတ္ေသးဘူး အရွင္လတ္လတ္ ေသေစတာ ' ေအးေဝ ' ( Unicode ) မသိတာကို အပြစ်မမြင်ရက်ပါဘူး ' မြ...
