اغصان تتحرى البليل

٢٢

مساء الخير

اغصان تتحرى البليل
الجزء الثاني والعشرون

شفتت يريد يضربني بسبب وحدة بايعة نفسها
ودك مكالمات طول الليل..
اسمع حجيها بس متت بدمي ..خجلت ولاول مرة اخجل
هيج..
ردت اجاوبها بس صفوان طفر عليها يريد يضربها..
جرها باسل ودفعها ورا ظهره..
انتظر صفوان شوووية..

ودار على هنا ولزمها من ايدها حجه وياها بنتر..
تعلوم امج الطااايح حظه لا تجيبي يمنا وصلافتها
هي العمت عليها..اولاااا ابوج ماعنده شي وي لهفة ومو
هي اليخابرها ...وثانياً لهفة شريفة ومحافظة
ع نفسها..يعني خاااااااف الج لو لامج نية تورطنها..

احذرج ترى لا
تنفعج معزتج عندي..
ولا تشفعلج انت هنا ..اطبكج
انت وامج وادفنجن وانتن عدلااااات فااااهمة..زبر عليها
حيل..هي رجفت وهزت راسها ودموعها تصب..
جرت ايدها وركضت داخل..
انا شلت جنطتي ووخرت الكرسي اريد اطلع..

وكف صار كدامي..لا تطلعين انتظري شوية..
تقرب لصفوان ..جان كاعد ع الكرسي وايده فوك راسه..
طبطب ع ظهره وحجه وياه بهدو..لا تضوج تولي
طفلة وامها تلقن بيها..بس انت لازم تحذر شلون تخابر
كدامها وماتدري شنو سامعة وشايفة وناقلته لامها..
بحيث متحاملة عليك وعلى لهفة هالكد..

عض شفته صفوان بقهر ..ولك انا شلون احجي
كدامها تعقلها انت..بس اكيد امها الءءء كايلتلها
تتصنت عليه..انت تدري انا من احاجيها اصعد
لشقتي حتى مو بالبيت اخابر ..
اي يجوز متصنته عليك وهي تغار عليك وامها
تحجي براسها..دربالك عليها لا تقسى عليها ..
شتدري بيه باسل؟
ادري ماكو بطيب كلبك ..

ابتسم صفوان وباوعلي..اكلج مسحيها بوجهي لو ماتنمسح؟
ماصار شي ..انت ابوي وماحاجة تقدم اعتذار..بس
الافضل اروح..
تنهد باسل وحجه..انتظري بس احاجيج كلمتين وبعدها
تكدرين تاخذين راحتج..
صفوان كام وجر باسل لحضنه.. باسه بجتفه وراح تمشى
يطلع برا..

حجه باسل بتنهيدة..وركز عيونه بعيوني..معليج بحجي
هنا ..بس لا تكثرين كعدات وي صفوان لان بمرور
الوقت الكل راح يظن بينكم شي..
وانت؟!
انا مااشك بيج لو اخليج بمعسكر ..انت بنية ضميرها
حي ماينخاف عليج..
بلعت ريك ودرت عيوني عنه ..نظراته صارت تحرجني..

حجه همس .. النبرة مالته والهدوء من يهمس..
تخلي واحد يركز ويا غصب..
لهفة ماحاجيتي نفسج؟
بس احنا تناقشنا قبل..تعرف جوابي..
ماسألتج عن قبل..قصدي هسه..باوعيلي شوية بلة؟
درت نظراتي اله..بس ماكدرت اركز بعيونه..

قويت نفسي وحجيت..لازم اروح ..
نفخ بانزعاج ومد ايده بجيبه..طلع صفطة فلوس ومد
ايده ..هاي فلوسج..
فتحت عيوني ..مال شنو!!!
احم..دنك وشوية يلا حجه..ذني جانن بجنطتج..
لكيتها!!؟