Chiee Stories

May isang ginto at permanenteng batas sa loob ng San Narciso High School: Huwag kang dadaan sa dulo ng pasilyo ng Building 4, kung saan matatagpuan ang pintuan ng Grade 11 Section 4-Sampaguita. ​Ang 4-Sampaguita ang kilalang sementeryo ng mga patapon. Dito tinatapon ang mga kicked-out, basagulero, sugarol, at mga estudyanteng binitawan na ng guidance counselor. Walang gurong tumatagal sa kanila ng isang linggo, at walang sinumang nangangahas na lumapit sa kanila-maliban kay Roxie Mae Soriano. ​Si Roxie ay hindi ang tipikal na mabait o mahinang transferee. Siya ay isang anti-social, hyper-intelligent nerd na may suot na makapal na salamin, oversized na uniporme, at may IQ na lampas sa normal. Ngunit huwag kang madaig sa kanyang hitsura. Hindi siya marunong umiyak, hindi siya marunong matakot, at lalong hindi siya marunong sumuko. ​Nang itapon siya ng principal sa klase ng mga pasaway, akala ng buong paaralan ay magiging biktima siya ng mga malulupit na pranks. Ang hindi nila alam, pumasok si Roxie sa silid na iyon para sa isang sikretong psychological thesis. Para sa kanya, ang mga hari ng gulo-kabilang ang misteryoso at mapanganib na lider nilang si Thunder-ay hindi nakakatakot... sila ay mga "ligaw na specimen" lang na kailangan niyang paamuin gamit ang siyensya, blackmail, at matinding mind games. ​Sino ang unang susuko? Ang kawan ng mga lobong walang kinatatakutan, o ang nag-iisang nerd na may hawak ng kanilang mga madidilim na lihim? ​"Observation Number 1: Ang mga delinquent ay madaling paamuin kapag alam mo kung aling bahagi ng utak ang may lamat." - Roxie

​"Hindi lahat ng nawawala, dapat pang balikan. At hindi lahat ng nahanap... buhay pa." ​Sa isang liblib na baryo sa Barangay San Miguel, isang misteryosong kuweba ang matagal nang iniwasan ng mga tao-ang kuwebang pinaniniwalaang tirahan ng mga masasamang elemento. Ngunit nang mawala ang pitong taong gulang na si Elena sa gitna ng gabi, ang pagmamahal ng isang magulang ang nagtulak kay Mang Juan na pasukin ang sulok ng kadiliman. ​Natagpuan nila ang bata. Buhay. Walang sugat. ​Ngunit sa likod ng mga matang dati'y masiyahin, may kakaibang lamig na dala ang bata. Isang gabi, dahan-dahang babangon si Elena na may nangingitim na mga ugat sa mukha at mga matang tuluyan nang nawalan ng buhay. Ang kanyang unang kagat sa sariling ina ang magiging mitsa ng isang nakakakilabot na sumpa. ​Ang kuweba na kanyang pinanggalingan ay hindi pala tirahan ng maligno, kundi pugad ng isang sinaunang virus na bumubuhay sa mga patay. Sa pagkalat ng impeksyon sa buong baryo, kakayanin ba ng isang pamilya na patayin ang sarili nilang anak upang makaligtas, o tuluyan silang lalamunin ng sulok ng dilim?

Isang kuweba ang nagising. Isang baryo ang naging sementeryo. At ngayon, ang buong mundo ay tuluyan nang nilamon ng dilim. ​Matapos ang madugong pagtakas ni Mang Juan mula sa Barangay San Miguel at Sitio Ugong, napadpad siya sa mga guho ng isang malaking lungsod na pinamumugaran na ng mga "nahawaan." Sa gitna ng kawalan ng pag-asa, makakasagupa niya ang isang grupo ng mga nakaligtas na pinamumunuan ng isang matapang na binata. ​Hawak ng grupong ito ang nag-iisang pag-asa ng sangkatauhan-isang prototype ng lunas na natuklasan bago tuluyang bumagsak ang gobyerno. Ngunit ang pagprotekta sa vial na ito ay hindi magiging madali. Sa bawat sulok ng lungsod, hindi lang ang mga nagwawalang halimaw ang kanilang kalaban, kundi pati na rin ang kapwa nila tao na handang pumatay para sa sariling kaligtasan. ​Magsisimula na ang bagong yugto ng pakikipagsapalaran. Kakayanin ba nilang bawiin ang mundo mula sa epidemya, o tuluyan silang lalamunin ng sulok ng dilim?

Ayon sa siyensya, ang memorya ay imbakan lamang ng mga datus at nakalipas na eksperimento. Madaling burahin, madaling sirain kapag nagkaroon ng isang malalang system crash. ​Matapos ang perpektong konklusyon ng high school, akala nina Roxie at Thunder ay nahanap na nila ang permanenteng pormula para sa kanilang magpakailanman. Ngunit sa isang iglap, isang malubhang aksidente ang bumura sa lahat ng datus na pinaghirapan nilang buuin. ​Ngayong nasa Kolehiyo na sila, ang henyong nerd na si Roxie Mae Soriano ay kailangang humarap sa pinakamahirap na laboratoryo ng kaniyang buhay-ang buhay kung saan ang kaniyang nag-iisang specimen... ay tumitingin sa kaniya bilang isang kabuuang estranghero. ​Si Thunder Narciso ay nagbalik sa pagiging malamig, mapanganib, at pusakal na delinquent na walang maalala tungkol sa 4-Sampaguita. Walang alaala sa mga kuting, sa mga asaran, at sa pag-ibig na nagpabago sa kaniya. ​Can logic rewrite a forgotten love? O tuluyan na bang mabibigo ang pormula nina Roxie at Thunder? ​Welcome to the new experiment: The Amnesia Formula. ​📢 IMPORTANT NOTES FROM CHIEE: ​NOTE 1: Yes, guys! This is the official holding page for BOOK 2! It is officially happening! 🧪💥 ​NOTE 2: WARNING: This book will contain 200% more angst, tears, and heavy kilig as Roxie tries to make Thunder fall in love with her all over again. Prepare your hearts (and tissues). ​NOTE 3: CHAPTER 1 IS CURRENTLY LOCKED. I will only drop the first kabanata once I see enough votes and once the comment section is overflowing with your theories and excitement! ​Let the waiting game begin. Comment your thoughts below! 👇❤️