لن اُكسر

البارت الثامن عشر

لن اُكسر

البارت الثامن عشر
بقلم .. زينب الشمري                                zan_eb15

تغثني اسوالفك.من تطعن بمكفاي واسويهن نفس مخنوك.
كوه يفوت الريه....
لو حبيت غيرك جاصرت بيه الزود
بس بالون البيض  جانت النيه...

كلها اتلونت صحبانك وصدكان .
وتغير وجها الناس يوميه.
خلصت العمر صافن وفكربيك
وابمكضيه اسكت الروح مكضيه.
وماهنت ابد من شفت غيري وياك
وخفت لا اجرح شعورك هانت عليه .
اعشكت المو للوفه مخاوين
وتناسى العشك والعافيه شويه.
كلها  تلوم لو من ونينه يصيح
مايحجي الناي  سره بكلب راعيه

يوميه ع صوتك جايني العصفور
يمكن مو  انس ملك السماويه.
ماخنتك ابد والخلق هذا الكون .
مامجبور اقسم والعمل نيه
بس كلمت شلونك تحيي بيه موات
يحيلي بضحكته احلام ورديه.....
.
.
.
.

❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️❣️

باوعتلة بلامبالاة .. شتشوف داغسل الطارمة كتلهم اكمل ويرجعون اني هناا اساعدهم ..

.. هاا يعني خدامة؟

وية كلمتة الصارت غصة بلعوومي فتحت حلكي اريد اجاوبة واردة انت...

كطع كلامي دخول صلاح من باب الشارع وهوة يسحب السيم مال باب طب باوعتلة باوعلي بصدمة والثور الكبالي بسرعة مد ايدة سلم على صلاح الصافن علينة ..

وتلكة جنا يعرفنة من سنين وطاحو تمطك وبووس ومحااضن واني عيوني احسهن دخنن من كلاام هذا الثور شكد مستفز وحقيرر اريد اجااوبة بس ما نطوني مجال طاحوو دك سوالف نكثت الماسحة والصوندة بيدي حيل خليتهم يباوعلي وطبيت جووة اريد اطلع حركتي احس راح اموت بحسرتي اذا ما اردة تندمت لان مارديتة حتلو صلاح جان موجود لو رادتة بس اخخخ من لسااني لنعكد كبالة ..

صررت احووص بلمطبخ ومكورة ايدي بعد ليوين راح اضل اعااني واتعب عبالي تفرج تاليها صررت خدامة؟

بعد وبعد راح اضل انهاان اي هااي اهانة الي من كال خدامة ماحترم مشاعري وكال التلفظ كلمات احسن من هاي خدامة خيكول مساعدة
صخام لطاام لحظة ليش ابررلة ؟؟؟

ليش مااكول اني فعلا خدامة وكاعدة هناا تترحم علية والوادم وتعطف علية واني عندي عارات موجودة ليش مااعترف واكول صدك اني خدامة هناا مساعدة هه اضحك على نفسي اقشمر روحي فعلا اني هناا خدامة براتب ما كال شي الولد حجة الصدك ..

ليش اكرها واحقد علية ماحجة شي كال صدك صووج بية اني الي جاي اكابر واحاول اصدك روحي بس الواقع صادم ومؤذي لازم اتقبلة ..

احاول اقنع نفسي انو عايشة بكرامتي وماهتم لكلشي وراكعة الدنيا جلاق بس وكت الصدك يطلع هذا كلة بس حجي اريد الفعل وكت المفعول بس مدا الكة اريد مااهتم مااشيل هم بس الكة رووحي غاركة بكل هذني وحدي لا معين لا مناصر وحدي اجاهد الحياة واوكف على رجلية لا سند لا عوجية اتوجى عليها اسند نفسي بنفسي ..

شفت استكاين الجاي رحت غسلتهن وصعدت فووك لكيت مَدين تون من ضهرها واني هم رجلية تفصخت تمددت والغفية للعصر نزلت لكيت مراد وامة كاعدين يسولفون شوية مراد رجلة تحسنت صارلة كم يووم يكدر يسند روحة ع محجر وينزل ويصعد وحدة ..

ويمهم مرة و جهالها تلاثة تصير اخت ام مراد الصغيرة

ابنها بدة الجاي على زولية باوعتلي وكالت .. يبنية عفية تعااي مسحي الجاي لا تلكع الزولية ..

صررت اتحسس من كلشي وهيا منتضرتني اجي اشيل وصخ ابنهاا ..

رحت جبت سفنجة وماي مسحتة كلة وهيا تكول اهنا واهنا واني ودي اركع طاسة برراسها رحت كطفتها بلمطبخ ..

انتجيت على مطبخ لا اردي طاحت دمعتي مخنووكة حييل ضيگ بصدرري ذابحني ذبح باوعت لروحي لمراية بلمطبخ مال كاونتر وكلت عندي عائلة ترة والله ابو واخون وام ليش هيج وضعي والله عندي اهل ليش هيج ليش ؟

الابو مو سند بنتة والاخو حزام ضهرها والام شيالة الهموم ليش اني اهلي ماعدهم و لا صفة من ذني صفات ليش اهلي معربدين سكارة كح.. مكتوبلي شلعاان الكلب والذلة والاهانة و عود عدي اهل تهي بهي الله يا الله اهل لا هاهية ..

طلعت اخت ام مراد والهوسة مال الجهال والكلينس والكوابة رحت لميتهن كلهن وغسلتهن ولملمت البيت وكعدت كامشة رجلية ..

ام مراد .. والله تعبتن اليووم بنيتي

ابستمتلها بخفة صدك الواحد من يسمع الكلام الحلوو ينسي كل تعب  ويشمر كلشي ورة ضهرة .. لا خالة تعبج رراحة

بعدين صفنت بسررعة وكلت اكيد دتعطف علية وتكول ماعدها احد خلي افرحها بكم هلحجاية ترتاح شوية والة هيا غصبن عليها تشتغل براتب وفلووس ابني اي اي دتعطف علية اني مجرد خدامة هناا ..

لازم يصيرلي كياني الخاص وكرامة ولا اضل تحت رحمة احد لازم ابني نفسي وحياتي ومستقبلي من جديد باجر اذا زوجت شكوول لاجهالي امكم جانت الناس تعطف عليها وخدامة بلبيوت وبيت جدهم دعاررة والله يمشون ومدنكين راسهم ..

لازم اطور نفسي وابنيها من جديد حتى اطفالي يفتخرون بأمهم من يكبرون ويكولون اي هاي امنا تعبت وجاهدت وبنت نفسها بأيدها ..

اندكت الباب ام مراد كالت روحي فتحيها .. طلعت فتحتها جان صلاح طب وكال

.. مراد ووين ؟

نور .. موجود جوة

صلاح .. هاا خووش اخذيلي طريق بس لحضة

التفتتلة منتضرة يحجي .. اكرم شسوالج؟

نور صغرت عيووني .. اكرم؟  منو هذا اكرم؟

صلاح .. ابن خال مراد شفتج ضاايجة من جنتي واكفة شحجة وياج سوالج شي

ذبيت حسررة واني اتصنع القوة الفاشوشية .. ماكو شي بس كال خلي الجهال يلعبوون بعدين غسلي الطارمة

صلاح .. متأكدة؟

نور .. قابل دااجذب عليك

صلاح .. ممممم تمام اخذيلي طريق

نور .. طب محد موجود فتحتلة باب الاستقبال ورحت لمراد كتلة يحي يشووفة كام مراد يتوجى تلكاة صلاح كعدو يسولفون رحت سويتلهم جااي وديتة الهم ..

مراد .. شرايك نروح للنجف

باوعلي صلاح وكال .. ليش شعدنا

مراد .. شنو شعدنا نزور الامام والمقبرة شوري نغيرر جو انروح كلنا اهلي واهلك

صلاح .. هاا اذا هيج عاادي

طلعت وسديت الباب ..

〰️〰️〰️〰️〰️〰️〰️〰️〰️〰️〰️

مَدين..

صررت اهتم بمراد دوة كلة بوقتة واحضرلة ملابسة يسبح يجي صلاح يسبحة واتعلمت انضف جرحة واغيرلة الشاش والباندج وهوة يتألم ويصك سنونة واني احس روحي تروح بلكووة اصبر نفسي احااول اكملة بسرعة ..

مرات مااكدر اكمل كلبي مينطي ادوس علجرح واعقمة واضغط علية اتصل على صلاح من جهاز ام مراد يجي هوة يكملة ..

اجو اهل ام مراد والجيران يتحمدون اله بسلامة ورايحة منا جاية منا من جانو يتغدون جانت علية شهرية ومدمرة مالي نفس لكلشي مختنكة حييل ..

احس انكطع الهوة هاي هية طلعت للطارمة اتنفس وهما كلهم جوة يضحكون ويسولفون مو حسد وانما شعور صعب تفسيرة من فاقد الاهل وتشووف غيرك يم اهلة ويضحك ويسولف وانتة يتيم يمكن غيرة اي اني اغار لان اهل وبينهم كاعدين واني ماعدي اهل ليش؟

طاحن دمووعي والعبرة بلعوومي فززيت على ايد على متني كمززت بسررعة ..

بلعت ريكي من شفتة فووك راسي كال .. شبيج منو وياج ليش تبجين احد غاثج ؟؟؟

مسحت دمووعي وكتلة .. لا بس هيج

.. شنو الهيج احجي مَدين منو ويااج

نفجرت بلبجي واني احجي بنبرة عالية .. محد محد كلبي الوياي ومأذيني

صغر عيوونة يريد يتفهم الاكولة .. شنو كلبج شبيج؟

.. مختنكة مشتااقة لاهلي من ماتو لسة مارحتلهم للكبر بس مرة وحدة حييل محتاجتهم واريدهم

هز راسة بتفهم وكال .. طبي جوة هسة الولد يردون يطلعون يغسلون لا يشوفوج

طبيت ليجووة وصارن النسوان يجيبن الماعين بلمطبخ ويطفررن تكابلنة عليهن اني ونور وام سعد خلصناهن اول ماكملت صعدت اون من ضهرري وكلبي لحد مانمت ..

كعدت المغررب واني انزل شفت نور يم ام مراد ومراد يكلها .. بعد يومين نروح للنجف نزور ..

ام مراد .. اي والله مشتاگة لعلي صار هوواي مازايرين فدوة لاسمة بس انتة شلون ورجلك

مراد .. ماعليها شي وناخذ البنات و بيت ام صلاح حسبي حسابج غدة هناك ومناك نطلع لكربلا ونرجع لبغداد

ام مراد .. ياا صدوك يممة يالله نشالله نكعد من فجر حتى نلحك

مراد .. لا شسالفة ب 7 نطلع شكوو ورانا

ابتسمت بمرح جا كتلة اشتاقيت لاهلي يمكن حياخذنا جرريت نفس وعدلت نفسي وكملت طريقي ونزلت ..

عيونهم جانت متوجهة علية ام مراد كالت .. يمة مدوونة باجر من صبح نروح للنجف ولكربلا غدانا هناك شسوون انتي ونور

باوعتلهة .. شنسووي يعني بكيفج

مراد .. لا يممة لتخلين بنات يطبخن اني اكوول لام صلاح عليهاا خووش برياني سوويلنا جدر جبير حتى نووزع هنااك كم ماعون بثوواب ابووية ..

ام مراد .. هاهية يمة التشووفة هسة اخابرها اكللها

مراد .. تلكين صلااح هسة كللها .. كلليها البرياني كوون حار مو مثلج نااكلة

طلع مراد للاستقبال وامراد سحبت موبايلها تخاابر ام صلاح ضليت ادور نور لكيتهاا باب صالة كاعدة بلطارمة تبجي وجر حسرات ..

ركضتلهاا .. شبيج نوارة حبيبتي منو وياج؟ ؟

نور مسحت دمووعها بسررعة .. مابية مَدين مابية شووية مختنكة من بيت

مَدين بحزن .. ايي والله مختنكة حتى اني بس هسة فررحت لان باجر راح اشووف اهلي نروح للنجف والله طاك كلبي عليهم ..

نور .. هه مو لله ياخذونة ديعطفون علينة لان احنا مجرد يتامة خدامات عدهم وديحاولون يكسبون بينا اجر وثواب ..

عقجت ملامحي بتساؤل .. شبيج نور شهلحجي شنو يعطفون شنو خدامات

نور بجدية وكفت وهيا معصبة .. ترة هااي حقيقة والله ديعطفون علينة مو لله احنا هناا مراد جابنا هنااا يحصل حسنات بروسنة وامة كذلك واني مااكدر اعيش يم تترحم وتعطف علية ونشالله اطلع عن قرريب

تريد تمشي كمشت ايدهاا .. شبيج نور شهلحجي من غاثج من حاجاج منو اذاج اكو احد حسسج بشي كوولي

نترت ايدي وكالت .. محد وراحت صعدت فووك..

بقيت مصنمة بمكااني شتقصد نور معقولة حجيها صدوك؟  بس لا ناس حبابين وام مراد طيبة ومااذتنا بحجااية وحدة ما اتوقع هااي نور طابكات عدها شووية وترجع لعقلها ..

طبيت ليجوة ام مراد كالت.. يمة ماترحن لام صلاح تساعدنهاا بلبرياني

باوعت البيت نضيف كتلها .. اي عاادي

.. خووش اخذي نور وروحي الهم.

.. نور شووية مختنكة يمكن ماتروح

.. ياا اسم الله شبيها شو صيحيلها

.. هسة

صعدت لغرفة لكيت نور دافنة وجهة بلمخدة كتلها .. ترحين لام صلاح ..

نور .. لا

مَدين. . ام مراد صيحلج

نور.. كليلها مالها خلك

مَدين .. براحتج

نزلت ليجوة لفيت شالي عدل لكيت مرا  يمها كتلها تكول مالي خلك بعدين كالت ع راحتها.

.. يلة اني رايحة

مراد .. وين؟

مَدين .. لام صلاح تريدني اساعدها

مراد .. لبسي عباة اسلامية لطلعين هيج

باوعتلة مستغربة هووة شعلية؟  ماعندت رحت لبست لكيتة واكف بلباب على عكازتة كال يلة ..

مَدين .. شنو تروح وياي

مراد .. لا اوصلج

باوعت هوة باب كبال باب شتوصل متكلي رحنا سوة دكينا الباب طبيت وكف حاجة مراد يتفقوون بسيارة منو يرحون ..

دخلت ليجوة اتلكني البنات سئلن على نور كتلهن مالها خلك .. كالن يلة ايدج ويانا راح نسوي كدر دولمة بعد ..

كعدنا بلصالة جبنا الغراض درة ثرمت مكونات  الدولمة وام صلاح جابت بهارتها بخبختهن وكعدنا اني ونوال نلفها بورق عنب ..

طب صلاح جرر نفس وكال .. افييش يريحت هللي هلة بلدولمة هلة هلة شيجيب بااجر اويلي ..

ام صلاح .. هااي علمودك ييمة طبختها راح اسوويها مخصوصة الك

صلاح .. هلا بنبع الحنان هلا بامي هلا بلغالية هلا هلا بام صلييح وجرها باسها برراسها

ام صلاح .. شعدي غيرك يايمة

نوال .. اي عيني بس صلليح سويلة نوال بيش الحگة

صلاح .. بدينار واحد لو اكلج درهم

ام صلاح .. اي كلكم جهالي بس اخووج خطية صارلة شكد ماشيفتة وجان غايب عنا غير لخاطرة ..

نوال .. اي ليش لا هذا صللاح عوزج تغيرين اسم الفيس تكتبين صلووحي سر سعادتي ونوال سر نضافتي حاطيني بس اغسل ماعين

طكووها كلهم بضحكة وصلاح اشتغل بلخباثة يغورهاا عود امة تحبة اكثثر منة وهااي تكمزز ركضت ورة صلااح وعافت دولمة علية بت الذينة ..

كملنا لف وام صلاح خلصت البرياني هيا ودرة كملنا كلشي ب 11:30 اجة صلاح كال اجة مراد يكول يلة ..

سلمت عليهم ولبست الجبة هية صااية وبيها سحاب ماسديت السحاب خليتها هيج واني لابسة جووة تراك اسوود طويل ماطالع مني شي ..

طلعنا خزرني وكال سدي السحاب اتنهدت سديتة وطلعت طبينا للبيت لكيت امة ناايمة كال سويلي جاي قبل لا تنامين ..

رحت سويتة وديتة لغرفتة خذة وضل مركز بعيوني تلبكت بسررعة نزلت عيوني خذة الكووب وطخ ايدي كلبي الله لايجذبني يمكن صارن دكاتة 1000 وشوية ..

طلعت بسررعة وسديت الباب واني منطيتة ضهرري طفررت للغرفة طلعت ملابسي رحت سبحت ومشطت ونمت يفرراشي لكيت نور غاطة بلحلم ساابع والمخدة مليانة دمووع امرها غريب هلبنية مدري شبيها متقلبة المزاج ..

حطيت راسي على مخدة وذكررت صخااام علية شهررية مااكدر ازور الامام خررب بختي لا يالله بااجر انفضح والله مااكدر افووت ..

وحييل مختنكة واريد اشكي لعلي وماراح اكدر ازورة يرربي ليش هيج ليش هلحض النعال .. كمت ابجي من كل عقلي لحد مانمت ..

فززيت الصبح على صووت مراد يدك الباب يكعدنة من نووم كمت فتحتلة باب بكفشتي ضل صاافن علية واني مطفية بعدين انتبهت عزززة بدون حجاب طبكت الباب بوجه قووي جريت حجابي لبستة فتحت الباب لكيتة ماكوو ..

كعدت نور بلكوة سحلتها من الفرراش رحت غسلت بلحمام الفوك ونزلت سوويت ريوك ونور تمشي وتطوطح تريكنا غسلت الماعين بسرعة ورحنا اني ونور ..

لبست بنطرون اسود وبلووز للركبة اسود وحذاء وحجاب ..

نور لبست بنطرون ثلجي وبلوز كصيرر وفوكة سوويتر نزلنا مراد كال تررة زيارة لبسن عباة ..

باوعت لنور كتلة .. ماعندي عباة

كال .. يممة عندج عبااة

كلتلة يي عدي وحدة خذاها منها وانطانيهاا كتلة .. مااعرف امشي بيهاا

كال .. من ننزل لبسيهاا

ونور طفررت لبست جبة كالت احسن من عباة اني ردت البس جبة استاذ مراد كال عباة احسن 😒..

طلعنا بررة حملوو الجدورة والكلاصات وسفر بسيارة مراد لان عالية وبيها جنطة جبيررة كلشي حطو بيهاا ..

صعدنا ويا مراد اني ونور واجت نوال وصلاح اليسوق لان مراد رجلة مساعدة ومراد بصدر وام مراد كالت يم ام صلاح اروح شعدي وياكم بسيارة اخو صلاح درة وام صلاح وام مراد وابوهم ماراح ضل كال عندي شغل ..

انطلقنا واني بصف الجامة صاافنا على شاارع صلاح عالك اغااني ويتعاركون هوة ومراد ونوال مشتغلتهم تصنيف وضحك ونور ساعة تضحك ساعة تكلب خلقتها واني مبتسمة على حجيهم وضحكهم ..

وصللنا للنجف ساعة 10 الصبح اول شي كالو نزور واني انمغصت لا ياا الله ..

صفوو السيارة بلكراج نزلنة كلنا لبيت العباية وشلتهة لركبي مااعرف امشي بيهاا ومراد يخزرني نزليها غلست شسوويلة مااعرف امشي ..

صلاح ومراد واخو بلبداية يمشون وام مراد يدفعها صلاح واحنا وراهم نمشي طبينا من شارع الرسول يسمو النسوان منا ومنا يفترن ويعاملن وصلاح يصيح يلا ما يلا..

صررنا مقابيل الامام وجعني كلبي ونزلن دمووعي نور كذلك بسررعة بجت ..

كمشت ايدها طبينا التفتيش وصلنا باب ساعة يتفقون على مكاان رحت لام مراد كتلها عندي عذر شرعي كالت .. صدك تحجين ماكلتي من جنا بلبيت ..

ضليت سااكتة كالت ضلي هناا بررة كتلهاا عززة يكشفوني الولد

ام مراد  .. لعد شسويلج صدك تحجين

مَدين .. اني شعلية قابل بيدي هيا

اجت ام صلاح وكالت بصووت مسموع ياا انتبهوو الولد لصوتها ضلو يباوعلنة اني كمت اكمزز كتلهاا تنتبهوو فضحتنة ..

اجة مراد كال .. شبيجن

ام مراد .. مابينة بس مَدين ... يتبع

فضلا وليس امرا تابعو هلحسابات

HOWRAA-55
Temprans

لتنسون التصويت + 10 تعليق ..

❤️❤❤️