الارهابي وذات النقاب
ام غايب
البارت ٢١
جان مخلي الخاولي على ركبته ولابس برموده وفانيلا
كعد عل قنفه وطلع جكاير ودخن وحده ويباوع عليه واني كل شويه اوخر عيني منه وارجع اباوع الكا يباوع ويجر نفس بالجكاره
خضر- غلط من طردتج هذا الشي لتحجي لان اعرفه ....ومن يومهه مشايف النوم بعيني لان تصرفت هيج ..لو كاتلج ودافنج ولا مسويهه ...ومراح اسامح نفسي وبهاي النقطه خسرت رجولتي
اعرف ماعندي تبرير بس انت بيومهه استفزيتيني ....وهم لو شكايله جان مفروض مااسويهه وبس هدأت عرفت نفسي غلطت ملكيتج
جنت احاول استوعب كلت خاف صاير بيهه شي
خاف من ضربتج طلقه وعفتج خاف واحد بسسببي اعتددددده عليهه وترددددين الصدك شوفي ااي درجة قذاره ووووصلت بحيث تمنيت لو واحد مغتصبج
عل اقل بسببي ومظلومه
ومن سألتج كلتي واعيه انهدددد حيلي لان انت جنت بالنسبه الي شي مختلف زززززين شلون فهميني شلوووون اختج انتي شغلجن سالفة الفديو اختج استسلامج الي .....كاعد يخلي عقلي يشطح هوووووواي احجيلي هسه بدون ميطلع صوتنه انتبهي ولتستفززززيني لان مخبل ااااني ومااريد بشرررر يعرف
ميمونه-من جنت طفله وكعت على بوري
خضر-هااااا صح يعني هاي المده الراحت طلعتي بجذبه ....حلو ....زين استفاديتي اي كملي....كمليلي وووووين رحتي ....وين جنتي اذا مرجعتي البيتكم لج كلبت الدنيا عليج فص ملح وذذذذذذاب وهسه جايتني
بسبب وصفك ....عفيه والله كملي..... كملي خل اشوف بعد ابداعج
ميمونه-بجيت ....والله ماادري كل الي اعرفه محد طاخني بحياتي كلهه غيرك انت
خضر-ميمووووونه باوعي عليه انت ششايفتني كبالج
ميمونه-باوعت علي تذكرت شلون طردني بالشارع كتله ودموعي تنزل ....محد لازمني غيرررك والله مااعرف بعدين تذكرت سالفة وكعتي من جنت صغيره ....بيش احلفلك وتصدك معارفه احد قبلك
طردتي وشمرتني بدون حتى ما استر روحي
.....وحافيه .....وحتى مسابحه ....وانت تعرف ماعندي غيرك ....لان عفت ابويه مريض واختي ....وسمعتي ....وكلشي ورايه ...واجيت وياك
بدووون وعي وعقل ركضت وره كلامك ووهم حبك
واخذت الي تريده مني وشمرتني
رأساً كام اني خفت نظرته خوفتني حيل مثل الي راد يهجم رأساً كمت اجه قريب عليه واني تبعدت
لتتقرررب مني ابددددد شتريد..... تريد تطردني ...لو تريد تضربني مااستغرب بعد
خضر-دتشووووفين نفسج شتحجين لو متشووووفين .....
هاي عوووود كتلج لتستفزززيني ....دير بالج تحجين
سددددي الموووضوع بعد لحد باجر نروح دكتوووووره واذا الغشاء مالتج بي اشكال اني ادفع عمري كله علمود اخليج تسامحيني
واذا طلعتي تضحكين عليه باوع عليه
وسكت .....مااكلج اموتج لان اجذب عليج اذا اكلج
اكدر اموتج ....بس اعتبر نفسي من الاموات وانت هم اعتبرج ميته ودنك .......واخذ واحد من الفراشات وفرشه بقيت واكفه.....وابجي
يعني باجر راح ياخذني ....مااعرف مصيري باوعت علي فرش فراشه وخله مخدته ونزل كوشه ودار وجهه
بقيت اباوع علي فرشت فراشي اني هم بس على صفحه بعيد عنه دار وجهه
خضر-فرشي يمي بلله واحد بالغلط فتح الباب ...شيكول علينه
ميمونه-بقيت اباوع علي ....شلت فراشي وخليته بصف فراشه ونمت انطيته اني هم ظهري ...كمت ابجي
وجوده كلب عليه المواجع بغبائي وشلون صدكته وبعت اهلي وباجر هم راح يطردني اذا جان غشائي مابي خال وهاي شلون مااعرفهه .....وين اروح وانطي وجهي باجر
اذا فلك متصدكني وهو ميصدكني يارب يطلع مثل ميشك هو واخلص حتى اذا ابقه ولا اطلع للشارع
كمت احس بي يلوب ويتكلب هواي
الحد ما حسيت راحت الحركه ....درت وجهي علي جان نايم شعره خفيف اشبه بالاكرع بس توه ديطلع وحواجبه طابرهن .....بقيت اباوع علي بحقد
من اتذكر الايام العشتهن والخوف وكلام فلك بسببه اكرهه حسيت حبي اله صار كره واللحظه باوعت علي بجيت بانكسار خذلني ومو بس هيج وهمني بحبه
وهسه ميصدكني مسحت دموعي ودرت وجهي عنه
......
فلك-بعد ما ورود حسستني بحسين سهل
بقت بعقلي اكسبه ... صعدت بيومهه جريت عيني بالكحله وخليت مسكارا وحمره مااخلي مكياج حتى قبل بس ذني اكتفي بيهن لان بشرتي متحتاج
ولبست من الدشاديش الي جايبهن الي ووكفت كبال المرايه اول مره انتبه على جمالي وجسمي ....جنت طويله وشعري وسط مايل للقصر ولونه فاتح
وصاحبة جسم ملامحه الانثويه بارزه
باوعت على المرايه ....كافي فقر يا فلك وعيشي حسين حلو والخير مبين علي من بيته وسهل واذا مو سهل خلي يصير سهل لشوكت الناس تدوس بيج برجلهه
ورود محد كللهه تخلي يتزوج ....ومراح اخذه الي كله
اني مو حقيره ....بس اني اريد اعيش واريد ابني بحضني
انتظرت لليل مبين ....مبين ورود كامت تغار على زوجهه
مني ....باوعت على الساعه ب١٢ وهم مصعد ....يمكن حس بلي سوا ذاك اليوم من تقربلي
ماشي براحتك حسين هسه تتهرب يجيك يوم وتكوم انت الي متكدر متصعدلي
الاول مره اكتشف جرئتي صح ممسويه شي بس جرئة تفكيري ....وانانيتي بس الطفل الي مهدد انحرم منه انطاني هاي الجرعه .....ويمكن العالم البشع الي شفته وافكارهم القذره خلتني افكر باشياء مستحيل يخطر ببالي اسويهن
اجتي ببالي ميمونه والف سؤال اسأل ....وين ميمونه راحت ...عايشه ميته ....وين صفه بيج الدهر ....عيونهه صارت كبال عيوني من تكلي والله بريئه
رجعت طلعت الاوراق ....كلت بلكي ممنتبهه عليهه
وارجع واكول شكو ادور ....هيه وينهه اصلاً
تمددت بجربايتي واني افكر ......بكلشي بحياتي
كلشي جان صعب ....معقوله يصير سهل بس شلون
لكيت نفسي اصير جبانه مو بالقوه والتفكير الجنت بي
قبل شويه .....عرفت الانسان تجي لحظات قوه واذا مستغلهه بهاي اللحظه يصير عنده برود ويتملكه الخوف
غمضت عيني استصعبت النوم والف تفكير شاغل عقلي حسين ميمونه مستقبل الطفل الي راح ينمو باحشائي
الي قبل ليصير نقطه بداخلي اخاف من خسارته
عيون ليليان بت زينه وضحكتهه واطراف ايدهه ونعومة بشرتهه اتخايلهه طفلي الي راح انحرم منه
بجيت بمجرد شعور حرماني منهه ....غفيت وهيه بعيوني الدرجة حلمت بطفل كلش حلو بحضني وابوس بي
وخايفه علي وداير مدايري حيايه وچلاب واني ضامته بحضني ومغطيته بكل جسمي حتى محد يشوفه
فزيت الصبح ....بحدود العشره ..... مختنكه حيل ......طلعت من الغرفه لكيت هيفاء كاعده على الدرج وبيدهه لعابه تمشطلهه وتسولف وياهه ....مااعرف شتحجي بس كلامهه ممفهوم ابد ...لان صوتهه ناصي مثل الدندنه
الاول مره اتقرب منهه ....اخاف منهه مع العلم مااعرفهه بس من خلال اللحظات القليله الي من بعيد اشوفهه وتصرفاتهه الي ممفهومه ....تقربي الهه هو معاملتهه للعابه كانما طفل بيدهه
تقربت عليهه عل صامت هيه ابد مو يمهه ولا كانما اني واكفه يمهه
هيفاء-غسووقه ....حبيبتي ليش شعرج هيج اني مو تعرفيني مااحب شعرج يكفش ....ليش تلعبين بي
-لتكولين اكول ال بابا عليج غلط ميصير ....اني من اقرر تسمعين كلامي
-ليش تبجين غسوقه ماما ....تعرفين اني احبج واريدج ارتب وحده ....مااريد احد يكول شعرهه ممرتب
فلك-بقت تحجي ويه اللعابه كانما غسق حقيقيه رتبت شعرهه ......وكامت فرحانه وجودي مأثر عليهه ولا انتبهتله .....غريبه جداً ودائماً من اشوفهه من بعيد كانما شخص موجود كبالهه تحجي ويا .....شكيت بيهه جن او شي تخوف وعايفيني وياهه بنفس الطابق
صادف يوم جمعه ..سمعت صوته جوه ......دخلت للغرفه بدلت لان مااكدر انزل ...جوه بهاي الدشداشه
وغسلت ونزلت .....جان احد بالحمام مااعرف منو بيهم رحت للمطبخ شفت حسين يزكي الحديقه مي معناتهه
ورود بالحمام بقيت اباوع علي من بعيد
شلون اخلي ينتبه الي اريد اروح يمه بس بأي عذر واي سبب ..... كلت ماكو غير اكله اريد اروح ال خاله
مريضه بلكي يقبل اروح وبنفس الوكت احجي ويا
درت وجهي على الهول وعيني اتجاه الحمام ورجعت درت وجهي على حسين .....فتحت الباب وتقربت علي
فلك-صباح الخير
دار عليه بهدوء ......والصونده بيده يرش بيهه وكاف بجامته .....جان يشتغل بالحديقه جاوبني
حسين-صباح النور
فلك-رجع دار وجهه يگمل السگي ولا كانما واكفه كباله
كتله ....ابو علي ....جاوبني بدون ميباوع عليه
حسين-خيرج فلك
فلك-اريد اروح الخالتي مريضه
حسين-ماشي مو مشكله
فلك-صدك .....وابتسمت
حسين-شنو هاي كل الفرحه لان راح تروحين البيت خالتج
فلك-مشتاقتلهه هواي وعندي اوراق هم ناسيتهن
حسين-اوراق شنو
فلك-هيج معاملات وتوراق مستنسخه
حسين-ديلله جهزي نفسج لعد هسه وره صلاة الظهر اخذج
فلك-ماشي ماعندي شي .....مااحس اله ورود ورايه
ورود-خيرج فلك
فلك-باوعت عليهه خجلت لان صوتهه بي نبرة شكوك
مع العلم ماكو شي ...ومصاير شي بس اني هيج افسرهه يمكن لان اعرف بنفسي شريد
كتلهه طلبت من ابو علي ياخذني الخالتي
ورود-شوكت ترجعين
فلك-ليش
وزود-مو اني تعبانه وعود ردت نروح اني وحسين الهه ....وهيفاء تبقى وحدهه .
فلك-اذا هاي عادي أأجل الروحه
ورود-لا روحي هسه والعصر اني اروح
فلك-ماشي براحتج واذا تريدين تروحين هسه ماعندي مشكله أأجل الروحه
ورود-لا روحي واني العصر اروح
فلك-براحتج.....حسين ابد محجه ولا كلمه ولا عبالك يمنه دخلت اتريك شويه ودخلو هو ورود من الحديقه
اول مدخل كلي
حسين-استعجلي عندي شغل
فلك-ماشي ....غسلت المواعين الي اكلت بيهن واكو كم شغله عل مغزله وصعدت اركض بدلت بسرعه ولبست نقابي بس رفغته عن وجهي بين مااروح ونزلت ردت اكعد بالهول سمعتهم بس صوتهم مو كلش واضح بس اكو صوت ومثل الحديه بي
كمت وكعدت عل قنفه الاقرب من باب غرفتهم
وشويه كم شغله سمعت
ورود-كافي حسين اروح ...... مااتحمل بعد اني انانيه ماشي ..
حسين-اني مكاعد اكلج انانيه فهميني ورود
اني تعبان كتلج مااريد اطفال دخلتينه بسالفه مااتحملهه ابد كتلج من البدايه مااريد هاي السالفه
وممقتنع بيهه اني اكول خل ننهي هاي المهزله
ورودً- والفلوس والايام الي حاربت نفسي وتحملت فوك الشهرررين قربك منهه في سبيل انت تحس وتسد النقص العندك تالي متالي هسه تكول ننهي
حسين-من اشوفج ماخذه ركن وتبجين بسببي مااتحمل
ورود والله احبج مااريد اخسرج وجود هاي البنيه راح يخليني اخسرج
ورود-ليش تخسرني شوف شكي بمحله يعني بديت
حسين-لا طبعاً ماكو هيج شي بس طولت السالفه توقعت فتره قصيره ويصير حمل ورود من اجتي هاي البنيه واني احسج بعدتي عني صرتي مو انتِ
ورود-اني نفسي حسين
حسين-عوفج من هاي ابسط شغله صرتي شكوكيه وانت مو هيج
ورود -ليش اريد اروح لان الغيره عليك تعبتني عوفك مني هاي مشاعر كل مره ينام رجلهه ويه غيرهه ....عوفني وحدي
حسين-ممتوازي وكتلج اني مااريد اطفال ورود
اني قررت البنيه تروح وارجع الفلوس
ورود-هاي لان كتلك وديني الاهلي الى ان تصير حامل ارجع ....ليش تسوي هيج
حسين-من كل عقلج تريدين تبعدين عني طول هاي الفتره تعرفيني مااكدر ....ورود اني اذا مااشوفج والله ماارتاح احس نفسي يتيم وضايع
ورود-حسين لتصعبهه ...السالفه اصلاً امي مريضه ولازم اروحلهه
حسين-اوديج يوميه وبليل ارجعج
ورود-عليك الله حسين لتعرض
حسين-ورود مااقبل ابد تروحين وترجعين بنفس اليوم ماشي اوديج لا تعذريني
ورود-ياريت لو جان لان كلبي يوجعني بس والله والله العظيم بدون اي تردد اجازف واجيبلك طفل ...اني لو احمد الله ليل ونهار عليك هم مو كافي
وتريدني اصير انانيه وياك ....واحرمك من تصير اب...
اني هسه مو متوجعه بس قبل متوجعه اكثر عل اقل هسه متأمله انت تصير اب ..بس فدوه اروحلك حسين لتعارض روحتي لان اتعب اكثر ....كاعد اتدمر من تصعد بغرفتهه وهسه اعرف بسببي بطلت بس اني اريدهه تصير حامل واخلص
حسين-وبروحتج متفكرين نبقه وحدنه
ورود-عندي ثقه بيك مراح تتخطى الاتفاق مووو حسين
مراح تكرهني وتحبهه صح
حسين-اكررهج شلون اكرهج وانت روحي فهميني .
فلك-لعد شلون تحبهه كل هذا الحب وبستني وكعدت تحضن ومن هالسوالف .....الي يسمعك يكول مثالي خرب بالحظ .......معناهه انت سريري يا حسين ...وتلعب على حل شعرك
شويه وطلع هو شافني كاعده عل قنفه كمت كلي ماكو روحه وطلع بدون ميحجي ولا كلمه ....وورود بقت بغرفتهه مطلعت كمت وصعدت والله مليت من هالوحده
فلك -طلعت الاوراق اريد ارجع ادور على التقرير من جديد بلكت جنت ممنتبهه
وصدك كعدت اكلب وروفع ورقه واقراهه الى ان لكيته
بقيت فرحانه ممصدكه بس التقرير كاتبين جرح داخلي مااتوقع يسفيدهه .....كلشي متستفاد منه ......ميسوه الكعده الي كعدتهه وظهري الي انكسر
لميت الاوراق وخليتهه على صفحه .......توني تمددت دخل حسين
بدون كلام ...ولا مقدمات .....اجه عليه اني اباوع علي جنت واكفه بعدني مااحس اله رفعهه الدشداشتي وسحبني على الجربايه
دفعته عني ......اني مووو حيوانه لتتقرب مني هيج
حسين-ذاك اليوم من تقربتلج لان كلتي اني مو حيوانه ضغطت على نفسي بس ممضطر اضغط على نفسي من البدايه تعرفين زواجنا شنو وسحبني عدلني
لتتوقعين بيوم من الايام احبج فهمتي
اتفاقنه بس تجيبين ترورررحين
كمت ابجي على معاملته ....ونذالته نذل بمعنى الكلمه
كمل وطلع......احس نفسي حيوانه صعب شعور نفسك حيوان كعدت ابجي
واني المطيه احاول اكسب هيج انسان يحسبني حيوانه لو ما الطفل كااعبرك وانت حيوووووووووان حيوان كمت ادك على وجهي
يارب لشووووكت ....لشوووووكت مليت من الذل خررررره بالفلوس والله
تأذيت حيل ....نفسياً .....مااريد اصير حيوانه
تعبت ....كرهت الفقر الي وصلني هيج ....وكرهت كلشي
كله من وراهه الحقيررررره كعدت على حيلي منهاره ......وتريدني اصدكهه وانطيهه الدليل علمووووووود السافل الي خربت سمعتنا علمووووده
لو تموووووتين والله لو تموووووتين ميمونه
كمت شمرت الفراش بالكاع وكلشي انهاريت ......اتحاجه ويه مرته الامير ويطلعهه بيه
كعدت على الحايط انتجيت ......وكمت ابجي على حظي المصخم شلون بيه هسه ....انطي الطفل شسوي تعبت حيل
للعصر صعدتلي ورود .....دكت الباب ودخلت
اني باقيه على كعدتي .....من اجه تقربلي وراح حتى مسابحه كاعده اكول وبعدين يعني استسلم وانطيهم الطفل واخذ ابويه ولا اهين نفسي اكثر باوعت عليهه بحقد
ورود-راح اروح هيفاء بامانتج
فلك-كمت وكفت كبالهه .....علمود زوجج ميتزوج عليج اقترحتي يدورله على وحده فقيررر. رره الدنيا ملطشتهه تبيعلج قطعه من روحهه
ورود-جنتي تكدرين متقبلين ....من كتله هذا الاقتراح لان مجنت اعرف اكو وحده تكدر تبيع قطعه منهه
تفاجئت من مره بال٣٢سنه قبلت تتزوجه علمود تخلفله
عانس جانت ومحسيتهه محتاجه فلوس حتى تبيع ابنهه حسيتهه خطر على حياتي وزواجي
فلك-كمتي شرطتي علي صغيره
تكولين شلون تكدر تبيع طفلهه لان تخليت باصعب اختيارين بين ابويه وبين طفلي
بس برأيج شلون.... اعوف ابويه يموت واختار طفل بعده حتى مصاير باحشائي ......ولو جان باحشائي هم راح اختار ابويه ......بس راح انصحج نصيحه لوجه الله
عوفي الصلاة لان الله ميحب الميخافون منه
بقت تباوع عليه .....محجت ولا كلمه بالبدايه
بعدين كالت ....اصلاً اني راح اكون الخاسر
فلك-اني اااااني الي راح اخسر اني الي راح انطيج ابني
ورود-شوفي فلك احنه محتارينا اي وحده
فلك-صح اختاريتو الي ماعدهه سند
ورود-صراحه حسين سأل عليج بالمنطقه وكالوله مو زينه اني كاعد اتفاجئ بمشاعرج هسه اني رجلي مااسلمه الاي وحده ولان انت سمعتج مو زينه
اختاريتج حتى مستحيل يفكر بيوم من الايام يرتبط بيج
وانت بأول يوم انحجه وياج بعتي
ليش كاعد تحملينه مسؤلية محد لزم عليج مسدس وجبرج انت بنفس اليوم واللحظه قبلتي
شتريدين وحده غيري محرومه تشوف وحده بساعه وحده تقبل تنطي ابنهه ترفض
اني هم مالي ذنب من انشال رحمي
جنت حامل ومباقيلي شي ويصير عندي طفل
بس شهر واحد مجهزتله كلشي وفجأه بلحظه وحده فتحت عيني خسرت ابني الي انتظره يملي حضني
وفوك هذا كله صاير عندي نزيف حاد خلاني اخسر رحمي ......شعبالج حسين ليش الحد الان ممتزوج
تدرين ليش لان يحس بتأنيب الضميرررر تجاهي هو خسرني طفلي ورحمي
فلك-شلون
ورده-جنت يم اهلي اجه ياخذني....وصاير طينه .. اول مره بحياته كلهه يشرب حسيت بي من صعدت ردت انزل كتله انت شارررب
نكر كال لا ابد .....بس اني اشم ريحه وعيونه ثكيله ردت انزل واصريت جانت هيفاء هم موجوده هيه وجهالهه لان زوجهه سافر ومر اخذهه ......ساق وبقيت الطريق كله ضايجه منه وهو يحجي لسانه ثكيل ويكول مشارب
حتى هيفاء كالت اني هم حسيت بي شارب وتعارك ويانه
الى ان فجأه بغمضة عين مااعرف حتى بهاللحظه كلشي اختلف ومن يومهه اني خسرت ريحة الامومه وهيفاء خسرت اطفالهه وعقلهه
فلك-وهذا كله وخايفه يتزوووج صدك تحجين ورود
هذا دمركم كلكم وانت باقيه ويا
ورود-هو مجان سيء وتأذه وصل للموت ....اصلاً طلعته من الموت جانت معجزه وهو مو الشراب جان شاب طايش يصبي ويصوم جماعته لحو علي وتعرفين واحدهم من يستفز الثاني بالرجوله ....فاهمين الرجوله غلط .....استفزوا وشرب والله عاقبه وعاقبنه ......حسين من النوع الي جان يخاف من الله بشكل
وسامحته بس بداخلي وجع ومرات حقد على خسارتي بس واني انتظر يصحى انمحى وجعي وجنت بس اريده يكوم ووراهه هو انسان ثاني بعد احسن من قبل ليشرب
وهاي راح يصير عمره ٤٣سنه
فلك-شكد جان عمره من سويتو الحادث
ورود-٢٤سنه بعده توه
فلك-ليش شوكت تزوجتو
ورود-تزوجنا هو عمره ٢٣سنه
فلك-وهيفاء
ورود-شوفة عينج خسرت اطفالهه ٢ولد واحد سنتين وواحد ٣وبنيه عمرهه ٦سنوات
فلك-غسق
ورود-اي غسوقه الله يرحمهه .....الحجي هواي واني تأخرت على امي فدوه فلك علاجهه اذا مأخذته تنهار وتأذيج هيه طبيعيه ترعه وعرفيهه على نفسج بس لتجيبيلهه اسم حسين ابد
فلك-بقيت صافنه وانقهرت حيل ماادري انقهر عليهم على نفسي .....رحت ال هيفاء فتحت الباب خاله لعابه مثل التنومهه .....اشوف مصيري هيفاء .....هاي هيه فقدت اطفالهه وصارت بنص عقل كمت ابجي
مااريد انطيهم ابني وماريد اخسر ابويه وماعندي حل غير الخضوع الهم
................
ميمونه-بعد ماغفه خضر مأجاني نوم اخر شي غمضت عيني تعبت من البجي وحركة الگلب كلت شيصير خل يصير باجر
بقيت فتره طويله مغمضه عيوني احاول انام حسيت على نفسه قريب عليه ردت افتح عيني بس كلت لا خل اشوفه شيسوي لو شيحجي ....لان يدري بيه نايمه
وراهه كل جسمه صار قريب على جسمي
وباسني على عيني .....شكد جنت كارهته بس السخيف خله شي بكلبي يتحرك من سوه هيج وراهه خله ايده تحاوط خصري
ووجهه جبال وجهي ونام
حاولت بداخلي ابتعد عنه ....بس ضعفت بحضنه
وصار عندي امل يصدكني او هو هيج سوه وراح يعترف
مجبوره اتأمل لان ماعندي احد غيره بعد
فزيت الصبح على صوت الباب يندك حيل وعلى نفس النومه قريب عليه فز باوع عليه وكام بسررعه فتح الباب
رسل-ايدي راحت شكد ثكيل نومكم الولد بره منتظريك اطلعلهم خل اكعد ميمونه تطلع من الاستقبال
ميمونه-كمت رأساً وخضر راح للحمام كبل
شلت الفراش عل سريع اني ورسل وسفطته على البوفيه حبوبه اشتغلتني رزاله لان كاعده متأخره
طلعت من الغرفه جان يغسل وجهه واسنانه باوع عليه من المرايه الكباله
ميمونه-تتريك
خضر-اي بس خل اشوف الولد وجهزي نفسج حتى نروح
ميمونه- رحت وعفته الخوف تملكني كمت ادعي يطلع خلل واضح يارب انت تعرف محد طاخني قبل واني مظلومه يارب يطلع هو متوهم
اول مطلع سمعت هوسات باوعت من الشباك يكولون هوسات ويضحكون وفرحانين
وبدو بيوسون بي
راشد -لك يابه هله ومية هله طلعت يالعاررررررر واخيراً
حمصه-ولك عارررر من البارحه طالع وركضت لام تك وتك وبعت العشره
راشد-لا وفوكاهه شاتلنه بالحر
حمصه-اشم ريحة فطور صباحي فاخر مال محروم من فتره ....وداير مدايره مقبللات مختلفة الالوان
راشد-بس خويه بشرنه من لكيت التك وتك شنو شعورك
خضر-يا طايح الحظ كللكم وخليتوني اصبح بوجهكم وبعدين شو تحجون بمرتي
راشد-جا ام تك وتك وين جانت نايمه يعني انت صبحت بوجهه
شعلينه اذا هيه بومه بعد احنه وراهه
حمصه-بس كلي بروح ابوك خالد وين شو سيارته ماكو
خضر-طالع
حمصه-دكووول هيج من البدايه
......مااحس اله شال سلاحه وكام يرمي .....
كعدو كل الولد مخروعين نزلو ركض علاوي وسلمان
وخالد هم طلعلهم
خالد-هاااي شنووووو تخبلتوووو انتوووووو
حنصه-شعليه اني هذا خضر كلي ماعندك سلاح ترميلي
رجعه ....رجعه للسجن هذا مناوي على خير
خصر-شلقضيه ابن النعال منو عتب عليك تختفل بطلعتي
خالد-لا يعني جديات انتو اكو براسكم عقل حمصه اشتغلت رحمة الله دخيلكم عوفو خضر بحاله ووالله اذا شفتك شايل سلاح بعد حمصه ثق بالله ادخلك للسجن
خضر -مااحس اله حمصه فر سلاحه وقريب على رجلي رمه طلقه كمزت اني
حمصه-مو كلنالك موجوده الكائنات
خالد-يعننني اااااانت .....امشي اطلع برررره احند وحق الله اذا شفتك هنا لسجنك انت شنوووو السلاح عندك لعبه
حمصه-يمعود فلتت ايدي عل زناد قابل ارمي خضره اني
سلمان-مو صاحين والله تعال لك خضره مشتاقين
خضر-ولك شنوووو هاي شوكت اجيت يمعود ابو الغيره
سلمان-شلقضيه ياب صاير شكلك شكل مجرمين
خضر-رحت شبكته وبوسته ورجعت بوست الولد ودخلتهم للاستقبال كاعد يدخلون صاح خالد
خالد-حمصه اذا تدخل تنطيني السلاح
حمصه-افه عليك تطردني
خالد-متعجبني تصرفاتك الدنيا فالتووووو عندك
حمصه-يابه جنك على سلاح ولا يهمك
وانطا السلاح ودخل
خضر-شوكت اجيت سلمان
سلمان-مصار هًواي خل اروح اغسل واجيكم والله عبالي صار شي على خالد من حسيت الرمي ببيتنا
علي-وين عزوز وشاهين
راشد-عزوز وشاهين بالمحل جايبين بضاعه كالو روحو ووراكم نجي
بقيت كاعد يم الولد شقه وصحك وسوالفسوو ريوك اني بقيت كاعد علي وسلمان نكلوهن وراهه اجوي شاهين وعزوز وهم كعدنه سوالف وضحك ....جنت كلش مفتقد هاي اللمه والجمعه
وراهه كل واحد راح كالو بليل نجتمع يم حمصه
بمناسبة طلعتي
شاهين-متجي للمحل اريد اسولف وياك
خضر-لا والله عندي شغله ....بربك ميمونه يمكم ومحد يكلي
شاهين-لك مو بسهوله اجتي دتعال اليوم للمحل لو مراي اول وبعدين نروح سوه الحمصه
خضر-ان شاء الله الله كريم
دخلت للبيت بعد ما طلعو جانت ميمونه تغسل مواعين بالمطبخ باوعت عليهه
خضر-مو كتلج جهزي نفسج
ام خالد -اهلا خضر حتى متكلف روحك تدخل تسلم عليه شدعواك متسوه الربايه والايام الي سهرت بيهه عليك من تمرض
خضر-اااه مرت عمي والله التهيت همه ذولي خلوني اشوف دربي والبارحه انت نايمه مردت اكعدج وراح عليهه باسهه
خضر-يلله استعجلي ميمونه عوفي المواعين
ام خالد-وينن رايحين ليش
خضر-اغراضي بببيتي هناك اروح اجيبهن
ميمونه-ماعندي شي بس اللبس نقابي والعبايه
رحت لبست عباتي والنقاب بسرعه بس رجلي ترجف من الخوف مااعرف شراح يصير وخضر مستعجل نروح للدكتوره
وجاب يريج سيارته لان من عافهه بالشارع ولكوهه علي كام يفتر بيهه فأخذهه صعدت اليكدام محجه ولا حجايه ولا كانما موجودين واني خايفه حيل
الحد ما وصلنه المستشفى طلع مجايبني الدكتوره خاصه جايبني المستشفى وكفت
ليش مو دكتوره
هنا هنا دكتورات ادا اكو خلل يكولن واكدر ادخل وياج هنا لان شغله مصيريه واذا اكو خلل مو منج يسوون تقرير
جنت تعبانه حيل من الخوف حتى خطواتي بطيئه تاهت عليه خضر معناهه مأخذ شرفي وعافني معناهه اكو خلل صدك جنت اشك هو عافني بس من جابني ومستعجل والبارحه من يبوس بيه معناهه هو حبني صدك واني بيه خلل
مااعرف شفته حجه ويه واحد وطلعله فلوس
واجه كعد يمي
خضر-ميمونه احجيلي قبل لا ندخل للدكتوره عدهه مراجعين لتخلينه ندخل ونتفشل احجيلي اعترفيلي
ميمونه-والله محد طاخني غيرك
خضر-ان شاء الله ان شاء الله الي تحجي صح لان الحد الان عندي امل ٩٠بالميه هو غشائج مطاطي
ميمونه-شلون يعني بعده محاجي كالو ندخل للدكتوره اني رجلي وكفت وكلبي يوجعني حيل
دخلت للدكتوره وخضر ويايه اظاهر لان دفعلهم دخلوا ويايه
خضر-دكتوره اني اكدر اخذهه الدكتوره عرف بس اني مااريد فضايح ....زوجتي تكول سوت حادث من هيه طفله
وخسرهه غشائهه واني من تقربتلهه ...الطب مابي حياء وخجل واني اريد اتأكد منج صح كلامهه او لا
وثقي بمحمد اوديهه دكتوره ثانيه وثالثه حتى اتأكد واذا تجذبين ارفع قضيه عليج واكرهج بحياتج
الدكتوره-ااانت شلون تحجي وياي هيج
خضر-شحاجي اني كلشي محاجي بس خاف تجذبين بالوضوع
الدكتوره-اطلع بره
خضر-اكلج دكتوره لتزعلين مني كلبي محترك
ميمونه-قفلت الدكتوره متفحصني وخضر كام يعتذر منهه وكلهه قلق لان يخاف اهله يكشفون وهو متستر عل موضوع لان خاف مظلومه ومن هالسوالف
الدكتوره-اصلاً احنه منكدر نجذب بالتقرير
ومراح اسكتلك على تجاوزك
سدت البرده وفحصتني الدكتوره .. بصوت ناصي ماما غشائج مو مطاطي نهائي
ميمونه-بجيت دكتوره والله محد متقربلي ابد .....
كبل فتح البرده خضر....دكتوره ديش كاعد هيج تحجون
الدكتوره-تره وصلت حدهه وياك كاعد ايألهه سد البرده رجاءاً
بقت تفحص بيه زين هو ذكر حادث من انت طفله صدك
اي دكتوره والله
ماما وين التقرير
مااعرف
شلون متعرفين امج ابوج اهلج لازم اكو تقرير مرات اكو غشاء بابسط وكعه يتمزق واكو غشاء لو شبصير ميتمرق اله تدخل جراحي .....فتحي رجلج اكثر
بقت تفحص بيه
بنتي حتى اذا جان اكو جرح وانت طفله فملتأم هسه
بجيت .... حبل شلون بيه كعدت وهيه فتحت البرده عقمت ايدهه وكعدت بمكتبهه
خضر-بشري دكتوره
الدكتوره-اسمعني للاخير رجاءاً .....ابني زوجتك غشاءهه مو مطاطي بس عدهه حادث من طفله
ميمونه-اباوع علي اترقب رده وكلبي يوجعني ابتسم باستهزاء
خضر-هيه كالتلج هيج تكولين كتلج اخذهه الغير دكتوره
الدكتوره-ابني لو هيه كايلتلي لو تعاطفت وياهه جان كتلك غشاء مطاطي وانت مثقف وواعي وهذا واضح من تصرفك لان قله يعرفون الغشاء المطاطي وقله يحاولون يحلوهه بينهم اني لو اريد اغشك او اجذب عليك اكلك غشاءهه مطاطي واسويلك تقرير
خضر-متكدرين لان اروح الغير دكتوره وارجع اشتكي عليج
الدكتوره-عل عموم زوجتك كلت مسويه حادث اتصل على امهه او روحو الامهه لازم عدهه تقرير
اكو شي يدل عل حادث وشلون حادث من طفله يخليهه تخسر غشائهه مكاعد افهم
الدكتوره-مثل مااكو غشاء اله تدخل جراحي اكو غشاء رقيق جداً من اشياء بسيطه يروح فكر ابني بعقل هاي مسأله احتمال يصير بيهه ظلم جبير
طلعنه من الدكتوره امشي وابجي وهو ساكت يمشي بلا وعي
الحد.....يتبع
حبيباتي اعتذر بس موبايلي جان عطلان والله فجأه خلص شحن والسكته سكته
والحساب مااعرف الباسوورد مالته لا مال واتباد ولا الفيس
ومن جابولي الموبايل من التصليح كبل كتبتلكم حتى جنت مقرره اكتب اكثر بس صارت ال١٢واني ممكمله
😌♥️♥️